Daniel 7:20 - Tedim Bible

²⁰ Tua ciangin a lutanga ki sawm leh, a nung ciangin ki khat hong po-a, ki thum a kitanna thu ka thei nuam hi. Amah in mittang leh kiphatsakna kam sia pau na’ng kam a nei hi. A dangte sangin nakpi takin a kihtak huaizaw hi.

Tedim Bible Revision 2017

²⁰ Tua ciangin a lu tungah ki sawm le, a nung ciangin ki khat hong po a, a om sa kite sung pan ki thum a kitanna thu ka thei nuam hi. Amah in mittang le kiphatsakna kamsia pauna ding kam a nei hi. A dangte sangin nakpi takin kihtakhuai zaw hi.

Daniel 7:20 Referans Kwoze

Daniel 7:23

Hih hilhtelna kei a hong kipia hi: “Sapi lina in leitung-a hong om ding kumpi gam lina ding hi a, kumpigam dangte tawh a kilamdang mahmah ding hi. Amah in leitung buppi valhtum ding a, tuancil gawpin a sukham ding hi.

Daniel 7:8

Tua kite ka et lai takin a dang kineu khat hong po a, a omsa ki thumte a bot khia hi. Tua ki tungah mihing’ mittang tawh a kibang mittang leh kam om a, kiphatsakna kam tampi a pau hi.

Daniel 7:11

Ka et lai takin tua kineu in kiphatsakna kamsia a pau ka za hi. Ka et lailai leh tua sapi lina kithat a, a pumpi meikuang sungah kikhulin a kisia hi.

Mangmuhna 12:3

Tua tham loin, adang nalamdang khat vantungah kilang hi; gulpi san a lian mahmah khat hi a, lutang sagih leh kisawm a nei hi. A lute tungah kumpilukhu sagih a nei hi.

Daniel 7:7

Ka et lai leh sapi lina ka mu hi. Tua sapi kihtak huai mahmah a, lipkhap huai-in a thupi mahmah hi. Amah in a gol mahmah sik-ha a nei hi. Amah in nene in a nek val teng a khe tawh a tuancil gawp hi. Amah in sapi dangte tawh kibang loin ki sawm a nei hi.

Daniel 7:19

Tua ciangin a dangte tawh a kibang lo a kihtak huai sik-ha leh sumngo khecin a nei sapi lina thu ka thei nuam hi. Amah in nene-in na khempeuh a tuancil gawp hi.

Daniel 7:21

Ka et lai takin, tua ki in Pasian’ mite gal-in do a, amaute a zo gawp hi.