Daniel 7:18 - Tedim Bible

¹⁸ Ahih hangin Sangpen Pasian’ mite in kumpi za a ngah ding uh a, a tawntungin a nei tawntung ding uh hi,” a ci hi.

Tedim Bible Revision 2017

¹⁸ Ahih hangin a Lianpen Pasianʼ mite in kumpi za ngah ding uh a, a tawntungin a nei paisuak ding uh hi,” hong ci hi.

Daniel 7:18 Referans Kwoze

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

Mangmuhna 5:10

Ko’ Pasian mai-ah kumpi za-ah ahi zongin, siampi za-ah ahi zongin na koih hi; tuate in leitung ukin a om ding uh hi,” ci-in la thak a sa uh hi.

Mangmuhna 20:4

Tua lai takin kumpi tokhomte ka mu hi. Tokhom tungah a tu mite in thukhen theihna a ngah uh hi. Tua tham loin Zeisu’ teci pan’na hang leh Pasian’ thu hangin lu kitanna a thuak mite a nuntakna khate a kipan sahang leh sahang milim bia lo, ama ciamtehna a taltang tung leh khut tungah a nei lo mite nuntakna khate zong ka mu hi. Tua mite in kum tulkhat sung nungta-in, Khazih tawh a mang khawm uh hi.

Daniel 7:22

Tua ciangin a nungta tawntung mipa hong pai a, Sang pen Pasian’ mite ading a hoih thukhenna a hong gen hi. Pasian mite in kumpi za a ngah nading uh hun a hong tung hi.

Late 45:16

Na pate’ tang dingin na tapate hi ding a, nangmah in leitung khempeuh ah amaute, ulian na suaksak ding hi.

Efesa 1:3

Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

Mangmuhna 3:21

Keimah in ka zawh khit ciangin ka Pa tawh tokhom tungah ka tut khawm bangin, a zo mi in kei tawh ka tokhom tungah tut khawm theihna thu ka pia ding hi.

Efesa 6:12

Bang hang hiam na cih uh leh, eite in ci-le-sa tawh kido i hi kei hi; asang belte tawh ahi zongin, ukte tawh ahi zongin, vangliatna tawh ahi zongin, leitung tawh kipawl khuamial ukte tawh ahi zongin, vantung tawh kipawl munah a om gilo khate tawh ahi zongin i kido hi.

Luka 1:33

amah in Jakob’ suante a tawntungin uk ding a, ama gam in a bei ngei kei ding hi,” a ci hi.

1 KORIN MASA 6:2

Misiangthote in leitung mite thu a khen ding uh thei lo na hi uh hiam? Note in leitung mite thukhen takpi ding na hih uh leh, thuneute a khen dingin kilawm lo na hi uh hiam?

Mangmuhna 22:5

A nung ciangin zan om nawn lo ding hi. Amaute in meivakna ahi zongin, ni tan’na ahi zongin a kisam kei ding uh hi. Bang hang hiam na cih uh leh, Topa Pasian in amau khuavakna a pia ding hi. Amaute in zong a tawntungin a mang ding uh hi.

Late 49:14

Tua bangin amaute Leinuai-a dingin kiseh hi; Sihna in amau cingpa hi ding hi; Midikte in zingsang ciangin uk ding uh hi, hankhuk-ah amaute tuaksuk suak uh a, a meel uh sia ding hi; Leinuai in amau’ inn hi ding hi.

Isaiah 14:2

Minamte in amaute la-in amau omna munah paipih ding uh hi. Israel mite in minamte nei ding uh a, Topa’ gam sungah amaute pen sila numei sila pasal dingin nei ding uh hi; amaute a man ngei mite pen tu-in amaute in leh mat ding a, amaute a nengniam ngei mite tungah tu-in ukna nei ding uh hi.

Daniel 7:14

Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.

Daniel 7:17

“Hih sapi lite in leitung pana hong khangkhia ding kumpi gam li ahi hi.

Daniel 7:25

Amah in Sangpen Pasian langpan’ in thu gen ding a, Pasian’ mite a bawlsia ding hi. Amah in amaute’ biakna tawh kipawl thukham leh pawi bawlna hunte kheel sak ding hanciam ding a, Pasian’ mite in ama khut sungah kumthum leh a lang a om ding uh hi.

Obadiah 1:17

Ahih hangin Zion mualah pawlkhat a suakta ding uh a, mun siangtho a suak ding hi. Jakob innkuante in amau gam mah a luah kik ding uh hi.