Daniel 7:15 - Tedim Bible

¹⁵ Ka mangmuhnate in hong linglawng sakin a hong patausak mahmah hi.

Tedim Bible Revision 2017

¹⁵ Ka maangmuhnate in hong liing lawng sakin a hong patausak mahmah hi.

Daniel 7:15 Referans Kwoze

Daniel 7:28

Hih tangthu a beita hi. Hih thu ka ngaihsut ciangin kei, Daniel ka lau mahmah a, ka meel a daang gawp hi. Ahih hangin hih thu keima lungsim sung bekah ka koih hi.

2 PETER NIHNA 1:14

hih pumpi nuntakna-ah ka om lai takin note hong phawksakin, kong hansuah ding kilawm ka sa hi.

Habakkuk 3:16

Hih thute khempeuh ka zak ciangin ka liing gawp a, lau lua-in ka muk liing sapsap hi. Ka guh ka taang hong zen a, guh nei lo bangin ka pukcip suk hi. Ko hong simgawp mite Pasian in a daan piak ding hun, dai takin ka ngak khikhe ding hi.

Daniel 8:27

Keimah Daniel in, ni tawmvei sung thazaw gawpin ka ci a na hi. Tua ciangin tho-in, ka nasep ngei semkik dingin kumpi innah ka pai hi. Ka mangmuhna thu thei zo lo ka hih manin cih nading meel thei loin dap takin ka om hi.

Daniel 7:1

Belshazzar in Babilon kumpi a suah zawh a kum masa kumin keimah Daniel in ka lup sungin, mang khat ka man a, zanin maang ka mu hi: Ka mangmat lai-in ka gelh a, tua zana ka mangmuhnate ka ciamtehna hi bang ahi hi.

Daniel 4:5

Ahih hangin ka ihmut lai takin a lauhuai mang khat ka man a, a dipkuat huai mang ka mu hi.

Daniel 2:3

Amaute hong pai uh a, kumpipa mai-ah a din’ uh ciangin kumpipa in, “Mang khat ka man a, tua ka mang pen bang hiam cih thei nuam ka hih manin ka lungsim a patau mahmah hi,” a ci hi.

Daniel 2:1

Nebukhadnezzar kumpi a suah zawh a kumnih lai takin mang khat a man’ hi. A lungsim patau lua mahmah ahih manin a ihmu thei kei hi.

Jeremiah 17:16

Ahih hangin amaute tungah gimna na tun’ sak ding kong ngen kei a, siatna ni hong tun’ ding ka deihsak loh lam zong nong thei hi. Ka kam pan-a hong gingkhia thu khempeuh na thei khin hi.

Piancilna 41:8

Tua ahih ciangin zingsangin a lungkham hi; amah in mi sawlin Izipt mitphial siamte khempeuh leh a mi pil khempeuh samsak hi; Faro in amaute kiangah a mang gen a, ahih hangin Faro tungah a khiatna a gen thei kuamah om lo hi.

Daniel 4:19

Tua ciangin Belteshazzar zong a kici Daniel in a lungmang lua ahih manin tawmvei sung bangmah gen thei loin a om hi. Kumpipa in, “Belteshazzar aw, mang leh a khiatna huhau in na lung mangsak zenzen kei in,” a ci hi. Belteshazzar in, “Kumpipa aw, na mangmat leh a khiatna pen na galte tungah tungzaw hen.

Daniel 8:2

Ka mangmuhna-ah thakhatin Elam gam khen sung Susa khuapi kulh sunga a om-in ka kingaihsun a, Ulai gun gei-ah ka ding hi.

Daniel 10:16

Tua ciangin pasal mel tawh a kibang mi khat thakhatin ka mai-ah hong suak-a ka muk a hong lawn’sak hi. Tua ciangin kamka-in thugen dingin ka kisa hi. Ka mai-a dingpa kiangah, “Topa aw, ka mangmuhna in ka tha hong zawsak lua ahih manin ka ci liin a pha thei kei hi.