Daniel 6:7 - Tedim Bible

⁷ Na gam sung nasem ko vaihawmpite, gam ukpite, gam ukpi huhte leh kumpipa thudot mite khempeuh in, Kumpipa in ngat taka zuih ding thukham khat na bawl ding ka thukim uh hi. Tu zawh ni sawmthum sungin nang kumpipa’ kiang longal, pasian kiang ahi a, midang khatpeuh kiang ahi zongin thungen om thei lo ding hi ci-in na kham ding hi. Hih na thupiakna a mang lo peuhmah humpinelkai koihna khuk sungah kikhia ding hi.

Tedim Bible Revision 2017

⁷ Ngattakin zuih ding thukham khat kumpipa in na bawl ding, gam sung nasem ko vaihawmpite, gam ukpite, gam ukpi huhte le kumpipaʼ thudot mite khempeuh ka thukim uh hi. Tu zawh ni sawm thum sungin nang kumpipa kiang longal, pasian kiang ahi a, midang khat peuhpeuh kiangah ahi zongin thungen om thei lo ding hi, ci-in na kham ding hi. Hih na thupiakna a mang lo peuhmah humpinelkai kikhumna sungah kikhia ding hi.

Daniel 6:7 Referans Kwoze

Late 59:3

Bang hang hiam cih leh, en in, amaute in kei hong pangsim uh hi; mi kihtak-huaite in keimah hong langpangin kikaikhawm uh hi. Topa aw, kei’ thu palsatna, kei’ mawhna hang hi lo,

Daniel 3:27

Kumpi tapate, gam ukpite, gam ukpi huhte, leh kumpipa thudotte khempeuh kikhawm uh a, mei in a kat loh mite a en uh hi. A sam uh zang khat beek mei in kanghul lo a, a puan uh zong kang loin meikhu gim zong a nam beek kei uh hi.

Daniel 3:6

Kun-a a bia lo peuhmah thakhat thu-in mei phualpi sungah kikhul pah ding hi,” ci-in ngaih takin kitangko hi.

Daniel 3:2

Kumpipa in a milian khempeuh, kumpi tapate, gam ukpite, gam ukpi huhte, mangpite, sumkem mangte, thukhen mangte, khuapi uk mangte leh milian dangte khempeuh, Kumpipa’ milim bawl apna-a paikim tek dingin sapna thu a pia hi.

Late 62:4

Ama za-liatna panin sukniam ding bek amaute in sawm uh hi. Amaute in thuman lo-ah nuam sa uh hi. Amaute in a kam uh tawh phat uh a, ahih hangin a sungtawng uh-ah samsiat uh hi.

Johan 12:10

Ahih hangin siampi liante in Lazaras zong thah dingin a vaihawm uh hi.

Marka 15:1

A zingsang ciangin siampite in thakhatin upate, laitheite leh vaihawmte khempeuh tawh a vaihawm uh a, Zeisu khau tawh a hen khit uh ciangin paipihin, Pilat Mangpa tungah a pia uh hi.

Mattiu 26:4

Zeisu bangci kheembawlin, a mat khit uh ciangin thatlum thei ding ci-in a vaihawm uh hi.

Mattiu 12:14

Tua lai takin Farisaite paikhia a, “Amah bangci leeng susia thei ding i hi hiam?” ci-in a vaihawm uh hi.

Late 10:9

humpinelkai in a kua pan a buk bangin amah in buk sim-in, mizawngte man dingin buk a, mizawngte a ngenthang sungah kai-in man hi.

Nahum 2:12

Humpinelkai in sa manin, a zi leh a tate’ adingin balnensak a, a kua sung, sa kibalnen tawh kidimsak ngei hi.

Micah 6:5

Ka mite aw, Moab Kumpi Balak in note suk nading a vaihawmna teng, leh Beor’ tapa Balaam in ama nget bangin a sepna teng, limtakin phawk kik un. Note hotkhiat nadingin ka sepna thu na theih nadingun, Shittim leh Gilgal kikal-a thu piangte ngaihsun kik un,” a ci hi.

Daniel 3:11

Tua milim mai-ah kun loin a bia lo khempeuh mei phualpi sungah kikhul ding hi.

Late 94:20

Sih nadinga ngeina a bawl, a gilo gam ukte, nang tawh kipawl thei ding ahi hiam?

Late 2:2

Leitung kumpite leh gam ukte in, Topa leh ama sathau nilhpa langpangin vaihawm uh a,

Late 83:5

Hi hi, amaute in siat nading geelin kithukhat uh hi; amaute in nangmah lang pangin thuciam bawl uh hi—

Daniel 6:16

Tua ciangin kumpipa in Daniel humpinelkai koihna khuk sunga khiat dingin thu a pia hi. Amah in Daniel kiangah, “Thuman taka na biak tawntung na Pasian in hong honkhia ta hen,” a ci hi. Tua ciangin humpinelkai koihna khuk sungah Daniel a khia uh hi.

Late 59:5

Nang, Vanglianpen Topa Pasian in, Israel’ Pasian na hi hi. Minam khempeuh daantat dingin tho in la, khemna tawh siat gamtat ding a sawmte kuamah siit kei in.

Daniel 2:4

Amaute in Aram pau tawh, “Kumpipa aw, na khan’ sau ta hen! Na mang hong gen leteh a khiatna kong gen ding uh hi,” a ci uh hi.

Daniel 6:22

Pasian in a vantungmi hong sawl a, ka liam loh nadingin humpinelkaite’ kam a humcip sak hi. Kumpipa aw, mawhna ka bawl loh lam leh, nang tunga zong khialhna ka bawl lohna amah in hong thei ahih manin tua bangin a hong bawl hi,” a ci hi.