Daniel 6:4 - Tedim Bible

⁴ Tua ciangin vaihawmpi dangte leh gam ukpi teng in Daniel’ nasepna en cikin a mawhna zon’ ding a hanciam uh hi. Ahih hangin Daniel pen a thuman leh a citak khat ahih manin a mawhna leh a simtatna a mu zo kei uh hi.

Tedim Bible Revision 2017

⁴ Tua ahih ciangin vaihawmpi dangte le gam ukpite in Danielʼ nasepna en cikin a mawhna zon ding a hanciam uh hi. Ahih hangin Daniel pen a thuman le a citak khat ahih manin a mawhna le a simtatna a mu zo kei uh hi.

Daniel 6:4 Referans Kwoze

1 PETER MASA 3:16

Khazih-ah note gamtat hoih uh a simmawhte in hong kosiat ciangin, note pumpi uh a maizum loh nadingun note lungsim kisuan’na om lo, siangtho-in na om un.

Filippi 2:15

Tua bangin na hih uh leh, mawhsak nading om loin, kuama tungah khialhna om loin, lungkawi-a kisia mi pawlte lakah mawhna neu kha beek a nei lo Pasian’ tate na suak ding uh hi. Nuntakna tawh kipawl thu hilhin, vantunga aksite bangin tua mi pawlte lakah na taang ding uh hi.

1 PETER MASA 2:12

Gentailte in gitlohna a bawl mite ci-in note hong kosiat uh hangin Pasian in hong en a, thu a khen ni ciangin na gamtatna uh a pha amaute in a muh uh ciangin Pasian’ min a phat nadingun, amaute mai-ah a kilawm a kituakin na gamta un.

Luka 20:20

Tua lai takin amaute in Zeisu ensim uh a, mangpipa’ vaihawmna leh thukhente tungah a piak nadingun, ama kampau tawh mat theih nadingin thusim kante a kiangah a sawl uh hi.

Titu 2:8

Tua bang na hih leh, lang khatah a om mi in eite hong gensiat nading thu ngah loin a maizum ding hi.

Mattiu 27:18

Bang hanga hih bang dong ahi hiam i cih leh, amaute in Zeisu a een’ man-unah a piak uh a thei hi.

Jeremiah 20:10

Mite’ kihuau simna tampi ka za a, mun khempeuh lauhuai hi. Ka lawm itte khempeuh in, ka cihmawh ding hong ngak gige uh a, “A mawhna pulak un! A mawhna pulak ni! Amah i khem zo kha ding hi. Tua hi leh i zo pah ding a, tua ciangin i thukkik ding hi,” a ci uh hi.

1 TIMOTI MASA 5:14

Tua ahih ciangin a khangno meigongnute in pasal a neih nading, ta zong a neih nading, a inn sung a uk nading, i galte in hong gensiat theih loh nading ahih nadingun ka deih hi.

Thuhilh-sia 4:4

Mi khat leh khat, hauh nop man-a kidemna hangin nakpi-a na kisem ahihna ka mu hi. Hih zong a mawknapi hi a, huihpi nung delh mah tawh kibang bek hi.

Paunak 29:27

Midikte in migilote mudah a, migilote in midikte mudah hi.

Thukhente 14:4

A nu leh a pa in hih thu pen Topa kiang pan ahih lam thei lo hi; bang hang hiam cih leh amah in Filistia mite tungah paulap a zong ahi hi. Tua hun lai takin Filistia mite in Israelte uk hi.

Piancilna 43:18

Josef’ innah kipaipih ahih manin lau uh a, amaute in, “Eite sila-in hong bawlin i late a mat theih nading, eite’ tungah thu hong zongin eite hong hih theih nadingin, a masa lai-a i van sunga sum kikoihte’ hangin eite hong kipaipih hi,” ci uh hi.

2 KORIN NIHNA 11:12

Thu nei nuamte in a neih theih loh nading ahi zongin, amau kisaktheihna-ah kote banga tel taka, kilat theih nading ahi zongin ka hih bangin ka hih lai ding hi.

Johan 19:4

Pilat va paikhia kik a, “Hih mi tungah bangmah mawhna ka muh loh na theih nadingun note kiangah kong lakhia hi,” a ci hi.

Luka 22:2

Siampi liante leh laitheite in Zeisu bangci thatlum ding ci-in a zong uh hi. Bang hang hiam i cih leh, amaute in mite a kihta uh hi.

Mattiu 26:4

Zeisu bangci kheembawlin, a mat khit uh ciangin thatlum thei ding ci-in a vaihawm uh hi.

Daniel 3:8

Tua ciangin Babilon mite pawl khat pai-in Judah mite a hek sim uh hi.

Jeremiah 18:23

Ahih hangin Topa aw, amaute in thah dinga a hong sawmna uh nang na thei hi. Amau’ khialhna na maisak kei in la, nangma’ muhna panin amau’ mawhnate phiatmang sak kei in. Nangma’ mai-ah amaute guallelsak in la, na heh ni mahin hih ek in.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

1 SAMUEL MASA 22:14

Tua ciangin Ahimelek in kumpipa dawngin, “Na nasemte khempeuh lak panin kumpipa’ makpa leh nangmah hong cingte a ukpa ahi David bangin kua thumanin, na inn sungah kua kipahtawi ahi hiam?

1 SAMUEL MASA 18:14

David in a sepna khempeuh ah a maa tun’ hi; bang hang hiam cih leh Topa in amah ompih hi.

Luka 20:26

Amaute in mite mai-ah hih thu panin a man zo kei uh hi. Zeisu’ dawn’na thu lamdang a sa uh a, pau loin a om uh hi.

Jeremiah 29:7

Note sal-a kong koihna khuapi’ phattuam nading bawl un la, tua khuapi adingin Topa tungah thu ngetsak un. Bang hang hiam cih leh tua khuapi in phattuamna a ngah leh no zong phattuamna a ngah mah na hi uh hi.

Daniel 6:22

Pasian in a vantungmi hong sawl a, ka liam loh nadingin humpinelkaite’ kam a humcip sak hi. Kumpipa aw, mawhna ka bawl loh lam leh, nang tunga zong khialhna ka bawl lohna amah in hong thei ahih manin tua bangin a hong bawl hi,” a ci hi.

Piancilna 41:38

Faro in a nasemte' kiangah, “Ama' sungah Pasian’ Kha Siangtho a omna, hih bang mi mu ding i hi hiam?” ci hi.

1 SAMUEL MASA 12:4

Amaute in, “Nangmah in kote nong khem kei a, zong nong nengniam kei a, mi khatpeuh tung panin zong bangmah na la kei hi,” a ci uh hi.

Daniel 5:12

Amah in a kan zaw siamna nei a, mang khiat siamna, thu dotna haksa nonote dawn’ theihna leh thu thukpite gentel theihna a nei hi. Tua ahih ciangin kumpipa in Belteshazzar ci-a a kiphuakpa Daniel sam sak in, tua hi leh amah in a khiatna a hong gen thei pah ding hi,” a ci hi.