Daniel 6:28 - Tedim Bible

²⁸ Tua ahih manin Darias kumpi ahih laitak leh Persia mi Sairas kumpi ahih lai takin, Daniel nuamsa-in a om hi.

Tedim Bible Revision 2017

²⁸ Tua ahih manin Darias kumpi ahih laitak leh Persia mi Sairas kumpi ahih laitakin Daniel nuamsa-in a om hi.

Daniel 6:28 Referans Kwoze

Daniel 1:21

Sairas, Babilon kumpi a suah dong kumpi innah Daniel a om to paisuak hi.

2 KHANG TANGTHU NIHNATE 36:22

Tu-in Persia kumpipa Sairas’ kum khatna kumin, Jeremiah’ kam pana Topa’ thugen a tangtun’ theih nadingin, Topa in Persia kumpipa Sairas’ lungsim hanthawn a, amah in a kumpigam sung khempeuh ah taangkona khat bawl a, lai-in zong gelh hi.

Isaiah 44:28

Sairas kumpipa in ka tuucingpa hi a, ka deihna teng tung sak ding hi’; ‘Jerusalem kilam ding a,’ biakinn pen, ‘Na bulpi kiphut ding hi,’ a ci Topa ka hi hi.”

Daniel 10:1

Sairas in Persia gam kumpi-a a suah zawh kumthum a phak lai takin, Belteshazzar a kici Daniel tungah thu khat a kipia hi. Tua thu pen a maan hi a, theihtel hak mahmah ahih manin mangmuhna tawh tel takin a kilak hi.

2 KHANG TANGTHU NIHNATE 36:23

“Persia kumpipa Sairas in hih bangin ci hi, ‘Vantung Pasian, Topa in leitung kumpi gam khempeuh kei hong pia khin a, Judah gam sung Jerusalem khua ah ama adingin inn khat ka lamsak ding hong sawl hi. Note lakah ama mi ahi khempeuh, Topa a Pasian uh in ompih ta hen. Inn lam dingin Jerusalem ah amaute paito sak un,’ ci hi,” a ci hi.

Daniel 5:28

PARSIN: na gam kikhen kham a, Media leh Persiate a kipia zo hi,” ci-in a dawng kik hi.

Late 77:15

Nangmah in na khut tawh Jakob leh Josef’ tate, na mite na tankhia hi.

Jeremiah 32:20

Izipt gamah lim leh nalamdangte na lak a, tu-in zong Israel gam leh minam dang khempeuhte’ tungah lakin, tu-in mun khempeuh ah na min lian mahmah hi.

Daniel 3:29

Tu-in minam kimte, minam tuamtuamte, paunam tuamtuamte mi khat peuhpeuh in Shadrak,’ Meshak,’ Abednego-te’ Pasian gensiatna kam pau a om leh kibalnen gawp ding a, a inn uh a kisuksiat sak ding hi ci-in thukhamna ka bawl hi. Bang hang hiam cih leh hi banga hon thei pasian dang peuhmah om lo hi,” a ci hi.