Daniel 6:27 - Tedim Bible

²⁷ Amah in gumkhiapa leh tankhiapa hi a, vantung leh leitungah, lim leh nalamdangte a bawl hi. Humpinelkaite’ thahatna panin, Daniel a suakta sak hi,” a ci hi.

Tedim Bible Revision 2017

²⁷ Amah pen a hon khia pa le a suaktasak pa hi a, vantung le leitungah lim le nalamdangte a bawl hi. Humpi-nelkaiteʼ thahatna panin Daniel a suaktasak hi,” a ci hi.

Daniel 6:27 Referans Kwoze

Sawltak 4:30

lau loin na thu a gen na’ngun a siangtho Sila Zeisu’ min tawh lim leh nalamdang a kibawl theih na’ngin hong hehpih in,” ci-in thu a ngen uh hi.

Late 97:10

Topa in gitlohna a mudahte it a, amah in a mi siangthote’ nuntakna kem hi; amah in migilote khut sung panin amaute honkhia hi.

Late 18:50

Zawhna lianpi ama kumpipa tungah pia a, a sathau nilhpa David leh a suan a khakte tungah tawntungin itna kip a lak hi.

Daniel 4:34

A kisehsa hun a cin’ ciangin keimah Nebukhadnezzar in vantung lam ka ento a, ka khua theihna a hong tungkik hi. A nungta tawntung Sangpen Pasian’ min phatin, zahtakna leh minthan’na hih bangin ka pia hi: “Amah in a tawntungin uk ding a, a gam in a kip tawntung ding hi.

Late 35:17

Topa aw, bang tanvei hong en khong ding na hi hiam? Amau hong sukgawpna panin keimah hong honkhia in la, humpinelkaite kiang panin ka nuntakna hong hon in.

Late 32:7

Nangmah in keima adingin bukna mun na hi a, haksatna panin kei hong kemin, hotkhiatna tawh nong tuam hi.

Late 18:48

ka galte kiang panin keimah hong honkhiapa lian ta hen. Hi hi, ka langte tungah kei hong liansak a, mi ngongtatte kiang panin nong honkhia hi.

JOB (Job) 36:15

Ahi zongin Pasian in gimna tawh mite thuhilh a, mite in khua a phawk theih nadingin gimna zang hi.

Hebru 2:4

Tua teci a pang mite tawh Pasian in lim tawh ahi zongin, a lamdang nate tawh ahi zongin, nalamdang tuamtuamte tawh ahi zongin, ama deihna bang a hawmsak Kha Siangtho piak thupha tawh ahi zongin teci a pang khawm hi.

Johan 4:48

Zeisu in, “Note in nalamdang leh lim na muh kei uh leh, na um kei ding uh hi.” a cih ciangin,

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

Daniel 6:20

Humpinelkai koihna khuk a tun’ dektak lai takin aw liing kawmin, “Daniel, a nungta Pasian nasempa! Thuman taka na biak tawntung na Pasian in humpinelkai’ kam sung panin a hong honkhia thei hiam?” ci-in a kiko hi.

1 SAMUEL MASA 17:26

David in ama kianga ding mite kiangah, “Hih Filistiapa that-in Israelte tung panin hih mindaina a beisakpa adingin bang kihih ding ahi hiam? Amah in a nungta Pasian’ galkapte a to dingin hih dawibia Filistiapa in kua ahi hiam?” a ci hi.

Late 145:13

Na Kumpigam pen a tawntunga om kumpigam hi a, na ukna in khang tawntungin a kip hi. Topa pen ama thute khempeuh ah thutak a, a gamtatna khempeuhah hehpihna nei hi.

Jeremiah 10:10

Ahih hangin Topa in Pasian man hi a, amah in a nungta Pasian leh tawntung Kumpipa ahi hi. A heh ciangin lei ki-liing-a, gamte in a hehna nang zo lo hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Daniel 4:31

Tua thute a kamsung pan a pusuah ma-in vantung panin aw khat hong ging a, “Nebukhadnezzar kumpipa aw, ka thu gen na ngai in. Na kumpigam a hong kilakkhiat sak zo hi.