Daniel 6:20 - Tedim Bible

²⁰ Humpinelkai koihna khuk a tun’ dektak lai takin aw liing kawmin, “Daniel, a nungta Pasian nasempa! Thuman taka na biak tawntung na Pasian in humpinelkai’ kam sung panin a hong honkhia thei hiam?” ci-in a kiko hi.

Tedim Bible Revision 2017

²⁰ Humpinelkai kikhumna a tun dektak laitakin aw liingkawmin, “Daniel, a nungta Pasianʼ nasem pa! Thuman takin na biak tawntung na Pasian in humpinelkai kam sung panin a hong hon khia thei hiam,” ci-in a kiko hi.

Daniel 6:20 Referans Kwoze

Hebru 7:25

Tua ahih ciangin Zeisu hangin Pasian kiangah a naite’ taang a, a thuum dingin Topa in a nungta tawntung ahih ciangin, a tawntungin hong gum thei hi.

Daniel 6:27

Amah in gumkhiapa leh tankhiapa hi a, vantung leh leitungah, lim leh nalamdangte a bawl hi. Humpinelkaite’ thahatna panin, Daniel a suakta sak hi,” a ci hi.

1 KHANG TANGTHU MASATE 16:11

Topa leh ama hatna zong un la, ama ompihna zong den un!

Daniel 6:16

Tua ciangin kumpipa in Daniel humpinelkai koihna khuk sunga khiat dingin thu a pia hi. Amah in Daniel kiangah, “Thuman taka na biak tawntung na Pasian in hong honkhia ta hen,” a ci hi. Tua ciangin humpinelkai koihna khuk sungah Daniel a khia uh hi.

Daniel 3:17

Mei phualpi sung panin hong honkhia thei pasian a om leh ka biak ka Pasian uh hi ding a, na khut sung panin a hong honkhia ding hi.

Jeim 1:25

Suahtakna tawh kizom a kicing thukham lim takin entel a, a zuisuak mi in thu a zak ciangin mangngilh loin zui ahih manin a sepna ah thupha a ngah ding hi.

2 KORIN NIHNA 1:10

Tua Pasian in tua zah-a lian sihna sung pan hong gumkhia a, hong gumkhia lai ding hi.

Luka 18:1

Amaute in lungkia loin thu a nget ngitnget nadingun, Zeisu in thugentehna tawh thu a hilh-inah,

Luka 1:37

Bang hang hiam na cih leh, Pasian in sep theih loh a nei kei hi,” a ci hi.

Hosea 12:6

Pasian’ huhna tawh note khempeuh kihei kik un la, thuman thutangin gam ta un. Pasian muang tawntung un.

Daniel 3:15

Tua ahih ciangin tu in peengkulte, tamngaite, laiza lasakna gingte, harp lasakna gingte, gawsem leh tum theih dang gingte na zak khitphet uh ciangin kunin milim na bia ding uh hi. Na biak kei uh leh thakhatin mei phualpi sungah hong kikhul ding ahih ciangin a hong honkhia zo ding pasian peuhmah omin na um uh hiam?” a ci hi.

Jeremiah 32:17

‘Topa Pasian aw! Nangma’ vangpi leh na khut kizankhia tawh vantung teng leh leitung na bawl khin zo hi! Nang adingin a haksa lua khat beek om lo hi.

Late 73:23

Ahih hangin nangmah tawh ka omkhawm ngitnget a, ka khut taklam-in nong len hi.

Gamlak-vakna 11:23

Topa in Moses kiangah, “Topa’ hih theih ding zah kiciangtan sa na hi hiam? Ka thugen a manin hong tun’ leh hong tun’ loh tu-in na mu ding hi,” a ci hi.

Piancilna 18:14

Na khatpeuh peuh Topa’ adingin haksa lua ahi hiam? A kisehsa kumkik ciangin nang' kiangah kong pai kik ding a, Sarah in tapa khat nei ding hi,” ci hi.

Juda 1:24

Note na kipuk loh nadingun hong kemin, mawhna om loin, lungdam mahmahin note ama’ minthan’na mai-ah hong koih thei, i Topa Zeisu Khazih hangin eite’ Honpa Pasian khat bek tungah minthan’na, thupitna, vangliatna leh ukzawhnate tu-ma hun khempeuh, tu laitak leh a tawntungin om ta hen! Amen.

2 TIMOTI NIHNA 1:12

Tua thu hangah hih gimnate zong ka thuak hi. Ahih hangin ka zum kei hi. Bang hang hiam cih leh, ka uppa ka thei a, ama kiangah ka piak nate zong tua Ni dongin a kem zo ding hi ci-in ka um hi.

Kolose 4:2

Thungen tawntung un la, hong hehpihna phatin ngak un.

ROM (Romans) 2:7

A pha lamsang ah gamta a, minthan’na, zahtakna, leh muat lohna a zong mite nuntak tawntungna a pia ding hi.

Sawltak 6:4

Kote ka hih uh leh, thungetna, leh thugenna ka hih niloh ding uh hi,” a ci uh hi.

Late 146:2

Ka hin’ lai teng Topa ka phat ding hi; ka nuntak lai teng ka Pasian tungah phatnate ka sa ding hi.

Late 119:112

Nangma ngeina kipte ka sih mateng a zui tawntung dingin ka lungsim ka khensat hi.

Daniel 6:19

Zingsang khuavak tung phetin kumpipa tho a, humpinelkai koihna khukah a va pai pah hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.