Daniel 6:13 - Tedim Bible

¹³ Amaute in kumpipa kiangah, “Judah salte khat ahi Daniel in kumpipa hong zahtak lo a, na thu piakna a mang nuam kei hi. Ni simin thum vei ta thu a ngen tawntung hi,” a ci uh hi.

Tedim Bible Revision 2017

¹³ Tua ciangin amaute in kumpipa kiangah, “Judah gam panin a hong pai Jew mi salte khat ahi Daniel in kumpipa hong zahtak lo a, na thupiakna a mang nuam kei hi. Nisimin thum vei ta thu a ngen tawntung hi,” a ci uh hi.

Daniel 6:13 Referans Kwoze

Daniel 3:12

Babilon gam khawk uk dinga na koih Shadrak, Meshak, leh Abednego kici Judah mi pawlkhat a om uh hi. Amaute in kumpipa’ thupiakna a mang kei uh hi. Amaute in na pasiante bia nuam loin, na milim koih mai-ah a kun nuam kei uh hi,” a ci uh hi.

Sawltak 5:29

Piter leh adang sawltakte in, “Mi’ thu sangin Pasian’ thu ka man’ ding uh a kilawm zaw hi.

Daniel 2:25

Tua ciangin Ariok in thakhatin Daniel kumpipa kiangah paipih pah a, “Kumpipa aw, na mangmat a khiatna a hong gen thei ding Judah salte khat ka va mu hi,” ci-in a gen hi.

Daniel 5:13

Tua ciangin Daniel thakhatin kumpipa kiangah a paipih uh hi. Kumpipa in, “Nang Daniel pen ka pa kumpipa in Judah gam pana a hong lakkhiat Judah salte khat hilo na hi hiam?

Esther 3:8

Tua ciangin Haman in Kumpipa Ahasu-eras’ kiangah, “Na ukna gam tuamtuam sunga mite lakah a om kawikawi, amau a tuam om mi pawl khat om hi. Amau’ ngeinate pen midangte’ aa tawh kibang lo hi; amaute in nangma thukhamte zui lo uh hi. Tua ahih manin hih mite na hici khahkhong ding kilawm lo hi.

Daniel 1:6

Tua banga a kiteelte in Judah mi vive ahi Daniel, Hananiah, Mishael leh Azariahte ahi uh hi.

Sawltak 17:7

Tua mi khempeuh in Kaisar kumpipa thu nialin, ‘Zeisu kici kumpipa adang khat a om hi,’ a ci uh hi,” ci-in a kiko uh hi.

Daniel 3:8

Tua ciangin Babilon mite pawl khat pai-in Judah mite a hek sim uh hi.

Daniel 3:11

Tua milim mai-ah kun loin a bia lo khempeuh mei phualpi sungah kikhul ding hi.