Daniel 5:7 - Tedim Bible

⁷ Amah in mitphial siamte, aisan siamte, aksi et siamte va sam pak un ci-in Babilon mipilte kiangah a gen hi. Tua mite a hong tun’ uh ciangin kumpipa in, “Hih laigelh a sim thei, a khiatna a hong gen thei peuhmah kumpi puanpi san silh sakin, minphatna khamkhi a ngawngah ka ok sak ding a, kumpi gam sungah a za lian thumna-in ka koih ding hi,” a ci hi.

Tedim Bible Revision 2017

⁷ Amah in mitphial siamte, aisan siamte, aksi et siamte va sam pak un, ci-in a kiko hi. Tua mite a hong tun uh ciangin kumpipa in, “Hih lai kigelh a sim thei, a khiatna a hong gen thei peuhmah kumpi puanpi silhsakin, minphatna khamkhi a ngawng ah ka oksak dinga, kumpi gam sungah a za lian a thumna-in ka koih ding hi,” a ci hi.

Daniel 5:7 Referans Kwoze

Daniel 5:29

Tua ciangin Belshazzar in Daniel kumpi puansan silhsak dingin thu pia pah a, minphatna khamkhi a ngawngah a oksak hi. A gam sunga a za lian thumna dingin a koih hi.

Daniel 5:16

Ahih hangin nangmah in thu thukpi leh kuama theih zawh loh thute gen thei hi ci-in kong za zo hi. Hi lai kigelh na sim theih a, a khiatna nong gen theih leh, kumpi puanpi san kong silhsak ding a, minphatna khamkhi na ngawngah hong ok sakin, kumpigam sungah a za lian thumna-in ka hong koih ding hi,” a ci hi.

Daniel 2:48

Tua ciangin kumpipa in Daniel letsong hoih tampi pia a, a za liansak a, Babion gam teng uk sakin, Babilon mipil thu dotte ukpipa dingin a koih hi.

Daniel 2:6

Ahi zongin ka mangmat leh a khiatna nong gen theih uh leh, letsong leh minphatna lianpi ka hong pia ding hi. Tua ahih ciangin tu-in ka mangmat bang hi a, a khiatna bang ahi hiam cih hong gen un,” a ci hi.

Daniel 2:2

Tua ahih ciangin bang mang man’ cih a hilh dingin mitphial siamte, mi bum theite, leh khongkhai siamte a samsak hi.

Ezekiel 16:11

Kizepna a manphate nang kong pia a, tau hong butsakin, khainiang kong oksak hi.

Isaiah 47:13

Nang tungah hong kilak thu tampite in nang hong gimsak hi; vantungte a seh-in khenin, aksite en a, khadet simin nang tunga thu piang ding hong genkhol mite ding sak in la, nangmah kihonsak in.

Daniel 4:14

Amah in nakpi-in kiko-in, “Singkung phuk in la, a hiang teng sattan in; a teh teng heuh siang in la, a gah teng thehthang in. A nuai-a ganhing teng leh a hiang tunga vasa teng hawlkhia in,

Solomon la 1:10

Na biang tuak-a na samphek kaisukte ngaih baang a, suangmanpha bangin na liangko tungah kinga hi.

Paunak 1:9

Tua hilhnate in na gamtatna hong hoihsak ding a, kizepna lukhu leh kizepna khi bangin hong etlawm sak ding hi.

Esther 3:1

Hih thute khit ciangin Kumpipa Ahasu-eras in Agag-te beh Hammeda-tha’ tapa Haman a za khangsak a, amah tawh a semkhawm ulian dangte khempeuh sangin a lianzaw-in bawl hi.

1 SAMUEL MASA 17:25

Israel mite khat leh khat kiho-in, “Hih hong paikhia mipa na mu ngei hiam? Israelte a to dingin hong paito takpi hi; amah a that mipa tungah kumpipa in hauhna tampi pia-in, ama tanu zong pia ding a, a pa’ innkuante Israelte sungah aana nasep leh siah khempeuh maang sak ding hi,” a ci uh hi.

Gamlak-vakna 24:11

Tua ahih ciangin tu-in na omna munah tai in; ‘Nang kong min liansak taktak ding hi,’ ka hong ci hi; ahih hangin na minliat nading panin Topa in nang hong khaktan hi,” a ci hi.

Gamlak-vakna 22:17

bang hang hiam cih leh min phatna lianpi nang kong pia ding a, kei tunga nong gen peuhpeuh ka hih ding hi; hong pai in la, hih mite hong samsiat sak in,’ a ci hi,” ci-in a gen uh hi.

Gamlak-vakna 22:7

Tua ahih ciangin Moab upate leh Midian upate aisaan man ding tawh kuan khia uh hi; Balaam kiangah amaute pai uh a, Balak’ thu ama kiangah sung uh hi.

Piancilna 41:8

Tua ahih ciangin zingsangin a lungkham hi; amah in mi sawlin Izipt mitphial siamte khempeuh leh a mi pil khempeuh samsak hi; Faro in amaute kiangah a mang gen a, ahih hangin Faro tungah a khiatna a gen thei kuamah om lo hi.

Paikhiatna 7:11

Tua ciangin Faro in mi pilte leh aisan siamte sam hi; amau’ Izipt mitphial siamte in zong amau’ siamna tawh tua bang teek mahin bawl thei uh hi.

Jeremiah 50:35

“Topa in kong cih-inah, Khaldea mite, Babilon khua-a teengte a kumpi uliante leh a mipilte namsau tawh kithat uh hen.

Daniel 1:4

Tua mite in kumpi inn sunga nasem siamte a suah theih nadingun a mel hoih, pumpi tung poina neilo, a navak, hoih taka pilna kisinsak, na a thei baih lungsim navakte ngentang ding ahi hi. Ashpenaz in amaute Babilon lai leh pau a hilh ding ahi hi.

Daniel 1:20

Kumpipa in bangbang thu haksa nono a dot hangin, hi mi lite in ama gamsung khempeuh a, mitphial siamte leh aisan theite khempeuh sangin a zah sawmin a siamzawk lam uh a mu hi.

Daniel 2:27

Daniel in, “Kumpipa aw, tua na theih nop thu a hong gen thei ding khongkhaithei, mitphial siam, aisan siam kuamah om lo hi.

Daniel 5:11

Na gam sungah a siangtho pasiante’ kha a nei mi khat a om hi. Na pa kumpi ahih lai takin, tua mipa in pasiante’ pilna tawh a kibang pilna, theihna leh lungsim navakna a nei hi. Tua hi a, na pa Nebukhadnezzar kumpipa in tua pa aisan theite, mitphial siamte, khongkhai siamte leh aksi et siamte’ ukpi dingin a koih hi.

Daniel 5:15

Ka thudot mite leh mitphial siamte in hih lai kigelh sim ding leh a khiatna gen dinga hong pai uh hi napi, a khiatna a thei zo kei uh hi.