Daniel 5:28 - Tedim Bible

²⁸ PARSIN: na gam kikhen kham a, Media leh Persiate a kipia zo hi,” ci-in a dawng kik hi.

Tedim Bible Revision 2017

²⁸ Parsin pen kikhen cihna hi a, na gam kikhen khamin Media le Persia-te a kipia zo hi, a cihna ahi hi,” a ci hi.

Daniel 5:28 Referans Kwoze

Daniel 6:28

Tua ahih manin Darias kumpi ahih laitak leh Persia mi Sairas kumpi ahih lai takin, Daniel nuamsa-in a om hi.

Isaiah 13:17

En un, ngun leh kham tawh a lungkim lo Media mite pen amaute do dingin ka hanthawn hi.

Daniel 5:31

Media mi Darias kumpi a suak hi. (Tua lai takin, Darias kum sawmguk leh kumnih a pha hi).

Isaiah 21:2

A kihtak huai mangmuhna khat kei tungah hong kigen hi; A lehheekpa in lehheekin a sut thei mipa in sut hi, a susia thei mipa in susia hi. Elam galkapte aw, kuan to un, Media galkapte aw, umcih un; Babilon’ pian’sak ahi, khuisatnate khempeuh Pasian in beisak ta hi.

Daniel 9:1

Media mi ahi Ahasu-eras’ tapa Darias in Babilon gam teng a uk hi.

Daniel 8:20

Na muh ki nih a nei tuutal in Media leh Persia gam kumpite a cih nopna ahi hi.

Sawltak 2:9

Parthia mi a kipan Media mi, Elam mi, Mesopotamia gam, Judah gam, Kappadokia gam, Pontas gam, Asia gam,

Daniel 6:8

Tua ahih ciangin kumpipa aw, thupiakna lai hawmkhia in la, a tungah na min gelh in. Tua hi leh Mediate leh Persiate’ upadi pen kikhel thei lo ding a, ngat taka a kizuih kul ding hi,” a ci uh hi.

2 KHANG TANGTHU NIHNATE 36:23

“Persia kumpipa Sairas in hih bangin ci hi, ‘Vantung Pasian, Topa in leitung kumpi gam khempeuh kei hong pia khin a, Judah gam sung Jerusalem khua ah ama adingin inn khat ka lamsak ding hong sawl hi. Note lakah ama mi ahi khempeuh, Topa a Pasian uh in ompih ta hen. Inn lam dingin Jerusalem ah amaute paito sak un,’ ci hi,” a ci hi.

Isaiah 47:11

Ahih hangin nangmah in na beisak theih loh tuahsiatna na tungah hong tung ding hi; nangmah in maisakna na ngah theih loh gimna nang tungah hong tung ding hi; nang in a thu na theih hetloh siatna na tungah thakhatin hong tung ding hi.

Jeremiah 25:13

Tua gam kisiat na’ng a, ka gensa thute khempeuh hih laibu sungah kigelh a, Jeremiah in gam khempeuhte kiangah a gen hi. Tuate khempeuh ka tungsak ding hi.

Jeremiah 51:28

Amah sim dingin gamdangte kithawisak un; Media kumpipa, makaite, uliante leh a ukna gam khempeuh kithawi sak un.

Daniel 2:32

Tua milim lutang pen kham hoih mahmah tawh a kibawl hi. A awm leh a bante ngun tawh kibawl a, a gil leh a pheite sumngo tawh a kibawl hi.

Daniel 2:39

Nang khit ciangin nang sanga neuzaw kumpi gam adang khat hong piang ding a, tua khit ciangin sumngo ahi kumpigam thumna in leitung khempeuh a uk ding hi.