Daniel 5:20 - Tedim Bible

²⁰ Ahih hangin amah a lungkhauhin kiphasak a, gilo lua ahih manin a kumpi tokhom panin kilakhia a, a minthan’na a taan hi.

Tedim Bible Revision 2017

²⁰ Ahih hangin amah a lung khauhin kiphasak a, gilo lua ahih manin a kumpi tokhom panin kila khia a, a minthanna a taan hi.

Daniel 5:20 Referans Kwoze

Hebru 3:13

Mawh kheemna hangin note lakah a lung khauh mi a om khak loh nadingin, “Tu ni,” a kicih lai takin nisimin khat leh khat kihansuah un.

Jeremiah 13:18

Kumpipa leh a nu’ kiangah, “Na kumpi tokhomte tung panin hong tuaksuk un, bang hang hiam cih leh na kumpi lukhute uh na lu tung pan-un kiakhin zo hi,” va ci un.

2 KHANG TANGTHU NIHNATE 36:13

Pasian tawh a kiciamsak Kumpi Nebukhadnezzar zong amah in lehdo hi; Israel Pasian, Topa’ kiang zuan kik nuam lo a, zong kisik nuam loin a lung khauhsak hi.

2 KUMPI NIHNATE 17:14

Ahih hangin amaute in thungai lo uh a, Topa a Pasian uh a um lo a pate uh mah bangin lungsim khauh uh hi.

Paikhiatna 9:17

Ka mihingte' tungah nang kiliansak lai-in amaute na paisak kei hi.

Paunak 16:18

Kisaktheihna in siatna hong tuak sak a, kiphatsakna in pukna hong piang sak hi.

Luka 18:14

Ke’n kong cih-inah, hihpa in mawhmaisakna ngahin innah a ciah hi. Farisaipa in ahih leh, mawhmaisakna a ngah kei hi. Bang hang hiam na cih uh leh, amah leh amah a kiphat mi khempeuh in niamkhiatna a ngah ding hi. A kiniamkhiatte in minphatna a ngah ding uh hi,’” a ci hi.

Jeremiah 19:15

“A vanglian Topa, Israel mite’ Pasian in a cih-inah, En un, hih khuapi leh a kim-a khuaneute’ tungah ka gensa siatna khempeuh ka tung sak ding hi. Bang hang hiam cih leh amaute in a lung uh a khauhsak uh a, ka thute a ngai nuam kei uh hi, a ci hi,” ka ci hi.

Paunak 16:5

Topa in akihisak mite mudah a, daan a thuak hamtang nading uh, thei in.

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

Ezekiel 30:6

“Leilu lam Migdol khuapi pan leitaw lam Siene khuapi dong, Izipt gam a hute khempeuh gal sungah si mang ding uh a, Izipt’ kiphatsakpih a galkap teng si mang ding hi, ci-in Topa Pasian in ka gen khin hi.

Jeremiah 48:18

“Dibon khua-a teeng mite aw, na minthan’na mun sang panin hong kumsuk un la, leivui lakah hong tu un! Bang hang hiam cih leh Moab gam hong sim dingte hong pai-a na kulhte uh hong suksiatsak zo uh hi.

Isaiah 47:1

Nungak a bang Babilon aw, hong paisuk in la, leivui lakah tu in; nungak a bang Khaldea aw, tokhom om lohna lei lakah hong tusuk in! Bang hang hiam cih leh nang pen, a moi milmel, a ngeek dikdek, hong kici nawn lo ding hi.

1 SAMUEL MASA 6:6

Izipte leh Faro in a lungsim uh a khauhsak bangin bang hangin na lungsim uh khauhsak ding na hi uh hiam? Amah in amaute a mawlpih khit ciangin amaute in mite paisakin, tua ciangin mite kihemkhia uh hilo ahi hiam?

Paikhiatna 18:11

Topa in pasian khempeuh sangin a liat zawkna tu-in ka thei hi, bang hang hiam cih leh mite' tungah kiphatsakna tawh Izipt mite a gamtat lai takin amah in Iziptte’ khut nuai panin mite khahkhia hi,” a ci hi.

Ezekiel 31:10

“Tua ahih ciangin Topa Pasian keimah in hih bangin ka ci hi. Tua sing in meiipi a bat dongin khangto a, ahi zongin a san’ semsemna tawh kizui-in kiphasak semsem hi.

Daniel 8:8

Tua keeltal a thahatna hong khangto semsem a, ahih hangin a thahatpen lai takin a ki a kitan hi. Tua ki pona munah a lamdang ki li hong po to kik a, vantung kiu lite a kawk hi.

Daniel 11:36

“Siria kumpipa in a ut bangbangin a gamta ding hi. Amah in pasiante sangin ka lianzaw a, Sangpen Pasian sangin zong ka thupi zaw lai hi ci-in a kisathei ding hi, a kiza ngei lo thu genin pasiante’ Pasian lang khatah thu gen ding hi. Hehna hun a kicing matengin amah gualzo ding hi, bang hang hiam cih leh a kiseh kholsa bang a, a tun’ nading ahi hi.

Paikhiatna 9:7

Faro in a en dingin mi sawl hi, en in, Israel’ ganhing khat zong si lo hi. Ahih hangin Faro’ lungsim khauh lai a, amah in mite paisak lo hi.

2 KHANG TANGTHU NIHNATE 32:25

Ahih hangin a lungsim kiphasak ahih manin ama tungah phattuamna a kibawl bangin Topa tungah Hezekiah lungdam lo hi. Tua ahih manin amah leh Judah leh Jerusalem tungah Topa’ hehna hong tung hi.

Daniel 4:26

Vantungmi in singbul leh a zungte lei sungah nusia dingin thu a pia hi. Tua in, Pasian in leitung khempeuh uk hi, cih na theih ciangin kumpi na suakkik ding hi a cih nopna ahi hi.

Daniel 4:28

Hi thu teng khempeuh Nebukhadnezzar kumpipa tungah a hong tung hi.