Daniel 5:13 - Tedim Bible

¹³ Tua ciangin Daniel thakhatin kumpipa kiangah a paipih uh hi. Kumpipa in, “Nang Daniel pen ka pa kumpipa in Judah gam pana a hong lakkhiat Judah salte khat hilo na hi hiam?

Tedim Bible Revision 2017

¹³ Tua ciangin thakhatin kumpipa kiangah Daniel a paipih uh hi. Kumpipa in, “Nang Daniel pen kumpi ahi ka pa in Judah gam panin a hong lakkhiat Jew mi salte khat hi lo na hi hiam?

Daniel 5:13 Referans Kwoze

Daniel 6:13

Amaute in kumpipa kiangah, “Judah salte khat ahi Daniel in kumpipa hong zahtak lo a, na thu piakna a mang nuam kei hi. Ni simin thum vei ta thu a ngen tawntung hi,” a ci uh hi.

Daniel 5:11

Na gam sungah a siangtho pasiante’ kha a nei mi khat a om hi. Na pa kumpi ahih lai takin, tua mipa in pasiante’ pilna tawh a kibang pilna, theihna leh lungsim navakna a nei hi. Tua hi a, na pa Nebukhadnezzar kumpipa in tua pa aisan theite, mitphial siamte, khongkhai siamte leh aksi et siamte’ ukpi dingin a koih hi.

Daniel 2:25

Tua ciangin Ariok in thakhatin Daniel kumpipa kiangah paipih pah a, “Kumpipa aw, na mangmat a khiatna a hong gen thei ding Judah salte khat ka va mu hi,” ci-in a gen hi.

Johan 7:3

Zeisu’ sanggamte in, “Na bawl nate na nungzuite in a muh nadingun, hih pan paikhia in la, Judah gamah na pai in.

Ezra 10:16

Tua hi a, thukham omsa bangin hong ciahkik salsuakte gamta uh hi. Siampi Ezra in amau’ beh ciat tangin beh lutang pawlkhat tengkhia a, tuate khempeh a minin a kilo khia ahi hi. A kha sawmna a ni khat ni-in hih mite a thukan ding uh kipan uh a,

Ezra 6:16

Tua ciangin Israel mite, siampite leh Levi mite leh sal a suaksa hong ciahkik mi khempeuh in lungdamna lianpi tawh Pasian’ inn apna bawl uh hi.

Ezra 4:1

Salsuahna panin a hong ciahkik mite in Israel Pasian Topa adingin biakinn khat a lamna thu Judah leh Benjamin mite’ galte in a zak uh ciangin,

Johan 7:1

Tua nung ciangin Zeisu Galile gam sungah a vak hi. Bang hang hiam i cih leh, Judah mite in Topa thah dingin zong uh ahih ciangin, Judah gam sungah vak ding a ut kei hi.

Daniel 8:27

Keimah Daniel in, ni tawmvei sung thazaw gawpin ka ci a na hi. Tua ciangin tho-in, ka nasep ngei semkik dingin kumpi innah ka pai hi. Ka mangmuhna thu thei zo lo ka hih manin cih nading meel thei loin dap takin ka om hi.

Daniel 8:1

Belshazzar kumpi a suah zawh a kum thumna kumin keimah Daniel in a nih veina maang ka mu hi.

Daniel 5:18

Sangpen Pasian in na pa Nebukhadnezzar kumpi lianin koih a, zahtakna leh vangliatna a pia hi.

Daniel 5:2

Zu a nek lai takun, Belshazzar in a pa Nebukhadnezzar in Jerusalem biakinnpi pana a puakkhiat ngunhai, khamhai leh kuangte va la dingin thu a pia hi. Kumpipa in a miliante leh a zite leh, a zi neute in tua haite tawh zu a dawn theih nadingun hai la dingin thu a pia hi.

Daniel 2:48

Tua ciangin kumpipa in Daniel letsong hoih tampi pia a, a za liansak a, Babion gam teng uk sakin, Babilon mipil thu dotte ukpipa dingin a koih hi.

Daniel 1:21

Sairas, Babilon kumpi a suah dong kumpi innah Daniel a om to paisuak hi.

Ezra 10:7

Tua ciangin Judah leh Jerusalem sunga a om a hong ciahkik salte khempeuh Jerusalem ah a hong kikhop nading uh,

Daniel 1:1

Judah kumpipa Jehoiakim kumpi a suah zawh a kum thumna kumin, Babilon kumpipa Nebukhadnezzar in Jerusalem khuapi simin a umcih hi.

Daniel 1:2

Topa in, Jehoiakim kumpipa leh biakinnpi’ na manphate Nebukhadnezzar kumpipa a mansak hi. Amah in a mi matte Babilon gam ama pasian biakinnah paipih a, na manpha a matte sum koihna innah a koih hi.

Daniel 5:14

Na sungah pasiante’ kha om ahih manin siamna na nei a, lung pilna leh theihna na neih lam ka thei hi;

Daniel 1:6

Tua banga a kiteelte in Judah mi vive ahi Daniel, Hananiah, Mishael leh Azariahte ahi uh hi.