Daniel 5:12 - Tedim Bible

¹² Amah in a kan zaw siamna nei a, mang khiat siamna, thu dotna haksa nonote dawn’ theihna leh thu thukpite gentel theihna a nei hi. Tua ahih ciangin kumpipa in Belteshazzar ci-a a kiphuakpa Daniel sam sak in, tua hi leh amah in a khiatna a hong gen thei pah ding hi,” a ci hi.

Tedim Bible Revision 2017

¹² Amah in a kan zaw siamna nei a, mangkhiat siamna, thudotna haksa nonote dawn theihna le thuthukpite gen tel theihna a nei hi. Tua ahih ciangin kumpipa in Beteshazzar ci-in a min a phuah Daniel samsak in. Tua hileh amah in a hong gen thei pah ding hi,” a ci hi.

Daniel 5:12 Referans Kwoze

Daniel 6:3

Daniel in gam ukpi dangte leh vaihawmpi dangte sangin nasep a siam zaw diak se hi. Tua banga siam zaw diak se ahih manin kumpipa in gam buppi uk a, koih dingin a ngaihsun hi.

Daniel 5:14

Na sungah pasiante’ kha om ahih manin siamna na nei a, lung pilna leh theihna na neih lam ka thei hi;

Daniel 1:7

Innsung mang lianpenpa in amaute minthak phuah a, Daniel’ min dingin Belteshazzar, Hananiah min dingin Shadrak, Mishael min dingin Meshak, Azariah min dingin Abednego a phuak hi.

Daniel 5:16

Ahih hangin nangmah in thu thukpi leh kuama theih zawh loh thute gen thei hi ci-in kong za zo hi. Hi lai kigelh na sim theih a, a khiatna nong gen theih leh, kumpi puanpi san kong silhsak ding a, minphatna khamkhi na ngawngah hong ok sakin, kumpigam sungah a za lian thumna-in ka hong koih ding hi,” a ci hi.

Paunak 12:26

Midikte in a gamtatna uh tel-et a, migilote, a gamtatna un lam pialsak hi.

Daniel 4:8

Tua ciangin Daniel (a min dang Belteshazzar ka pasian min tam a, kiphuakpa) a hong pai hi. A siangtho pasiante’ kha ama sungah om ahih ciangin, ama kiangah ka mangmat ka gen hi.

Late 16:3

Leitung a, om mi siangthote ahih leh, amaute nampi hi a, amau sungah ka lungkimna teng om hi.

Paunak 17:27

Thu a thei taktakte in gengen khol lo a, a paupau khollote thu mu taktak hizaw hi.

Kolose 1:29

Tua bang deihna-in kei in hahkatin keima tungah, vanglianpi tawh hong bawlphatna bangin semin, demin ka om hi.

Daniel 4:19

Tua ciangin Belteshazzar zong a kici Daniel in a lungmang lua ahih manin tawmvei sung bangmah gen thei loin a om hi. Kumpipa in, “Belteshazzar aw, mang leh a khiatna huhau in na lung mangsak zenzen kei in,” a ci hi. Belteshazzar in, “Kumpipa aw, na mangmat leh a khiatna pen na galte tungah tungzaw hen.

Ezekiel 28:3

Daniel sangin pil na kisa zaw a, theih loh a nei loin na kingaihsun hi.

Daniel 2:26

Kumpipa in Belteshazzar a kici Daniel kiangah, “Ka mangmat bang hi a, a khiatna bang hiam cih hong gen thei ding na hi hiam?” ci-in a dong hi.

Daniel 1:17

Pasian in tua khangno lite lai theih siamna leh pilna thukte a pia hi. Daniel pen mangmuhna leh mang khiat siamna a pia hi.

Daniel 6:4

Tua ciangin vaihawmpi dangte leh gam ukpi teng in Daniel’ nasepna en cikin a mawhna zon’ ding a hanciam uh hi. Ahih hangin Daniel pen a thuman leh a citak khat ahih manin a mawhna leh a simtatna a mu zo kei uh hi.