Daniel 4:34 - Tedim Bible

³⁴ A kisehsa hun a cin’ ciangin keimah Nebukhadnezzar in vantung lam ka ento a, ka khua theihna a hong tungkik hi. A nungta tawntung Sangpen Pasian’ min phatin, zahtakna leh minthan’na hih bangin ka pia hi: “Amah in a tawntungin uk ding a, a gam in a kip tawntung ding hi.

Tedim Bible Revision 2017

³⁴ Tua ciangin kumpipa in, “A kiseh sa hun a cin ciangin keimah Nebukhadnezzar in vantung lam ka en to a, khua ka phawkkik hi. A nungta tawntung a Lianpen Pasianʼ min phatin, zahtakna le minthanna ka pia hi. “Amah in a tawntungin uk dinga, ama gam kip tawntung ding hi.

Daniel 4:34 Referans Kwoze

Mangmuhna 4:10

tokhom tungah tu-in a om mi mai-ah upa sawmnih leh lite in bokin, a tawntungin a nungta mi bia-in, tokhom mai-ah amaute kumpilukhu a khiatsuk khit uh ciangin:

Daniel 12:7

Puanpaak silhpa in a khut tegel vantung lamah lamto kawm sa-in, A tawntung Pasian’ min tawh thuciamna a bawl hi. Amah in, “Kum thum leh a lang ahi ding hi. Pasian’ mite kibawlsiatna a bei ciangin hih thute khempeuh a hong piang ding hi,” ci-in a gen ka za hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Jeremiah 10:10

Ahih hangin Topa in Pasian man hi a, amah in a nungta Pasian leh tawntung Kumpipa ahi hi. A heh ciangin lei ki-liing-a, gamte in a hehna nang zo lo hi.

Late 145:13

Na Kumpigam pen a tawntunga om kumpigam hi a, na ukna in khang tawntungin a kip hi. Topa pen ama thute khempeuh ah thutak a, a gamtatna khempeuhah hehpihna nei hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.

Daniel 4:32

Mite sung pan hong kihawlkhia ding a, gamsate tawh na teeng khawm ding hi. Bawngtal bangin kumsagih sung lopa na ne ding hi. Tua ciangin Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi,” a ci hi.

Luka 1:33

amah in Jakob’ suante a tawntungin uk ding a, ama gam in a bei ngei kei ding hi,” a ci hi.

Daniel 5:21

Amah mihingte lak panin kihawlkhia a, ganhing lungsim a nei hi. Gam sakolte tawh teeng khawmin, bawngtal bangin lopa ne a, daitui dal ding nei loin a pua lamah a lum hi. A tawp khakna ah Sangpen Pasian in mihingte’ kumpi gamte uk a, a teel peuhpeuh kumpi a suak hi ci-in a phawk thei hi.

Daniel 4:26

Vantungmi in singbul leh a zungte lei sungah nusia dingin thu a pia hi. Tua in, Pasian in leitung khempeuh uk hi, cih na theih ciangin kumpi na suakkik ding hi a cih nopna ahi hi.

Micah 4:7

Khebaite ka om sak lai ding a, a kipaikhia mite a thahat minamte ka hisak ding hi. Tua hun akipan a tawntungin, Zion Mual panin amaute ka uk paisuak ding hi.

Daniel 4:3

Pasian hong lah nalamdangte, bang zahin lian ahi hiam! A bawl nalamdangte, bang zahin vanglian ahi hiam! Pasian in a tawntungin kumpi hi ding a, Amah in a tawntungin a uk ding hi.

Kah la 3:38

Ama thu piakna bangin a sia ahi-a a pha ahi zongin a piang hi.

Isaiah 24:15

Nisuahna lama, om mite in Topa phat ding uh hi. Tuipi dunga a teeng mite in Topa, Israelte’ Pasian’ min phat ding uh hi.

Late 146:10

Zion aw, nangma Pasian Topa in khang tawntungin uk ding hi. Topa phat un!

Late 123:1

Vantung-a a ompa aw, nangmah kong ento hi!

Late 121:1

Keimah in mual tung lam ka ento hi. Keimah huhna koi lai pan hong pai ding ahi hiam?

Late 107:31

Ama itna kip leh mihing tate tungah a lamdang ama nasepnate hangin amaute in Topa’ tungah lungdamna ko ta uh hen!

Late 102:24

Keimah in, “Khang tawntungin a kip ka Pasian aw, kei hong khan’sih sak kei in!” ka ci hi.

Late 92:1

Sang Penpa aw, Topa tungah lungdam lah ding, nangma min phatna sak ding; zang sawm khausai lasakna leh harp lasakna, laiza lasaknate tumin, zingsangin nangma itna kip, zanin na thumanna genkhiat dingin a kilawm hi.

Late 10:16

Topa in a tawntungin Kumpi hi a, ama leitang panin minamte beimang ding hi.

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

1 TIMOTI MASA 1:17

A om tawntung Kumpipa ahi, a si thei lo, mit in a muh theih loh, khat bek a om Pasian in a tawntungin pahtawina leh minthan’na ngah ta hen. Amen.

Johan 5:26

Bang hang hiam na cih uh leh, Pa in a sungah nuntakna a neih bangin, Tapa in zong a sungah nuntakna a neih nadingin thu a pia zo hi.

Luka 18:13

Siahdongpa ahih leh, gamlapi-ah ding-in vantung lam nangawn en ngam loin a awm beengin, ‘Pasian aw, mawhnei keimah hong hehpih in,’ ci-in thu a ngen hi.

Daniel 7:14

Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.

Late 107:22

Lungdamkoh piaknate pia-in, ama nasepnate lungdam late tawh amaute gen sak un!

Late 107:15

Ama itna kip leh mihing tate tungah a lamdang ama nasepnate hangin amaute in Topa’ tungah lungdamna ko ta uh hen!

Late 107:8

Ama itna kip leh mihing tate tungah a lamdang ama nasepnate hangin amaute in Topa’ tungah lungdamna ko ta uh hen!

Late 50:14

Lungdam biakpiakna Pasian’ tungah pia un la, Sang Penpa tungah na thuciamnate uh bawl un;

Late 9:2

Lungdamin nangma sungah nuamin ka diang ding a, min phatna la ka sa ding hi, Sangpen Pa aw.

Late 7:17

Ke’n ahih leh, ama dikna om bangin Topa tungah lungdamna ka lak ding a, a Sangpen Topa min, phatna la ka sak ding hi.

JOB (Job) 1:21

Tua ciangin amah in, “Ka nu sung panin guaktangin ka suak a, Guaktang mahin ka ciahkik ding hi. Topa in hong pia a, Topa mah in hong lakik hi; Topa’ min kiphat ta hen,” a ci hi.

Mangmuhna 10:6

“Sagihna vantumgmi in peengkul tum ding a kisak a, aw a gin’ hun lai takin Pasian’ sila pawl kamsangte tungah a gensa tawh kituakin, Pasian’ thu thukpi in zekai loin a zo khin ding hi,” ci-in a tawntungin nungta-in, vantung leh vantung sungah a omte, leitung leh leitung sungah a omte, tuipi leh tuipi sungah a omte a piangsak Topa tawh a kiciam hi.

Mangmuhna 4:9

Tua ganhingte in tua bangin a tawntung nungta-in tokhom tungah tu-a a om minthan’na, pahtawina leh vangliatna leh hehpih phatnate a phat lai takun,

Daniel 4:2

Sangpen Pasian in kei tunga lim leh nalamdang a hong lahna thute ka hong gen nuam hi.

Daniel 4:36

Ka khua theihna a hong tun’ kik ciangin ka kumpi-za ka minthan’na leh, ka gam minthan’nate a hong kipia kik hi. Ka u liante leh ka thudot mite in hong muak uh a, nidang sanga lianzaw minthan’na leh ka kumpi za a hong kipia kik hi.

Daniel 5:18

Sangpen Pasian in na pa Nebukhadnezzar kumpi lianin koih a, zahtakna leh vangliatna a pia hi.

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

Jonah 1:14

Tua ahih ciangin amaute in Topa’ kiangah kiko-in, “Topa aw, hih mipa ka sihsak manun kote hong sisak kei in la, mi that hi, ci-in hong ngawh kei ta in, ci-in kong thuum uh hi; bang hang hiam cih leh Topa aw, nangmah in pha na sak banga na bawl ahi hi,” ci-in thu a ngen uh hi.

Thu-hilhkikna 32:4

“Eite belh Suangpi, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

2 SAMUEL NIHNA 22:31

Hih Pasian a thu kicing hi; Topa’ kamciamna a manna kilang hi, amah a belte khempeuh adingin amah in kidalna lum ahi hi.

1 KHANG TANGTHU MASATE 29:10

Tua ahih ciangin a kikhawmte khempeuh’ omna ah David in Topa phat hi; tua ciangin David in: “Nang, Topa, ka pu uh Israel Pasian aw, a tawntungin thupha ngah ta in.

1 KHANG TANGTHU MASATE 29:13

Tu-in nangma tungah ka nuam uh hi, kote’ Pasian aw, a minthang na min ka phat uh hi.

Late 66:7

Ama hatna tawh a uk ngitngetpa, a mit tawh minamte a encik ngitngetpa, mi lehdote in langpan’ kei uh hen.

Late 111:7

Ama nasepnate khempeuh ah amah thumanin citak a, ama thupiaknate muan’taak mahmah hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Isaiah 13:11

Leitung mite a tatsiatna hangin, migilote a mawhna hangin daan ka pia ding hi; mi kihisakte’ kiphatsakna bei sakin, a kisatheite’ kiliatsakna ka niamkhiat ding hi.

Daniel 9:14

Topa Pasian aw, nangmah in kote daan pia dingin na kithawi a, na hong pia takpi hi. Bang hang hiam cih leh na hihna khempeuh thuman hi a, kote in na thu ka hong mang kei uh hi.