Daniel 4:33 - Tedim Bible

³³ Tua hun lianin Nebukhadnezzar tungah tua thukhenna a hong tung hi. Mite lak panin Nebukhadnezzar kihawlkhia a, bawngtal bangin lopa a ne takpi hi. A pumpi tungah daitui kia a, a sam kelmul bangin sau a, a khutcinte muvanlai’ khecin bangin a hong sau hi.

Tedim Bible Revision 2017

³³ Tua hun lianin Nebukhadnezzarʼ tungah tua thukhenna a hong tung hi. Mite lak panin Nebukhadnezzar kihawl khia a, bawngtal bangin lopa a ne takpi hi. A pumpi tungah daitui kia a, a pumpi tunga a multe keel mul bangin sau a, a khutcinte muvanlai khecin bangin a hong sau hi.

Daniel 4:33 Referans Kwoze

Daniel 4:32

Mite sung pan hong kihawlkhia ding a, gamsate tawh na teeng khawm ding hi. Bawngtal bangin kumsagih sung lopa na ne ding hi. Tua ciangin Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi,” a ci hi.

Daniel 4:25

Mite sung panin hong kihawlkhia ding a, gamsate tawh na teeng khawm ding hi. Bawngtal bangin lopa na ne ding a, pua lamah lumin, kumsagih sung na tungah daitui a hong kia ding hi. Tua ciangin Sangpen Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi.

Daniel 5:21

Amah mihingte lak panin kihawlkhia a, ganhing lungsim a nei hi. Gam sakolte tawh teeng khawmin, bawngtal bangin lopa ne a, daitui dal ding nei loin a pua lamah a lum hi. A tawp khakna ah Sangpen Pasian in mihingte’ kumpi gamte uk a, a teel peuhpeuh kumpi a suak hi ci-in a phawk thei hi.

Daniel 5:5

Thakhat thu-in kumpi inn sung meivak tan’ penna lam kawm tungah mihing khut khat hong kilang a, lai a hong gelh hi. Kumpipa in tua khut in lai a gelh laitak a mu hi.

Isaiah 30:14

tua cipna pen iplah loin a kidengkham beel seekpa’ beel themte lak pan meikhuk a, mei lak nading ahi zongin, tuikhuk a, tui dip nading ahi zongin a om het lo tawh kibang ding hi,” a ci hi.

JOB (Job) 20:5

migilote’ nopsak hun a tomna thu, Pasian a thudon lote’ lungdam hun a tomna thu thei lo na hi hiam?

1 THESALONIKA MASA 5:2

Bang hang hiam na cih uh leh, zan a, gutate hong pai mah bangin Topa’ Ni in hong tung ding hi ci-in note mah in a tel takin na thei uh hi.