Daniel 4:32 - Tedim Bible

³² Mite sung pan hong kihawlkhia ding a, gamsate tawh na teeng khawm ding hi. Bawngtal bangin kumsagih sung lopa na ne ding hi. Tua ciangin Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi,” a ci hi.

Tedim Bible Revision 2017

³² Mite lak pan hong kihawl khia dinga, gamsate tawh na teeng khawm ding hi. Bawngtal bangin kum sagih sung lopa na ne ding hi. Tua ciangin, Pasian in mihingteʼ kumpi gam uk a, a teel mi peuhpeuh kumpi a suaksak thei hi, na ci ding hi,” a ci hi.

Daniel 4:32 Referans Kwoze

Daniel 5:21

Amah mihingte lak panin kihawlkhia a, ganhing lungsim a nei hi. Gam sakolte tawh teeng khawmin, bawngtal bangin lopa ne a, daitui dal ding nei loin a pua lamah a lum hi. A tawp khakna ah Sangpen Pasian in mihingte’ kumpi gamte uk a, a teel peuhpeuh kumpi a suak hi ci-in a phawk thei hi.

Jeremiah 27:5

‘Keimah in a lian mahmah ka vangliatna tawh ka khut zan-in, leitung leh leitung-a om mite leh ganhingte ka bawl a, piaktuak ka sakte’ tungah ka pia hi.

Joshua 4:24

Topa’ khut vanglian hi, ci-in leitung mi khempeuh in a theih nading ahi hi; Topa na Pasian uh na zahtak tawntung theih nading uh ahi hi,” a ci hi.

Paikhiatna 9:29

Moses in ama' kiangah, “Khuapi panin ka paikhiat khit phetin Topa’ lamah ka khut ka zan ding hi; leitung in Topa’ aa hi ci-in na theih nadingin vanging tawpin gialpi om nawn lo ding hi.

Paikhiatna 8:10

Amah in, “Zingciang,” ci hi. Moses in, “Topa ahi kote’ Pasian tawh a kibang kuamah om lo hi ci-in na theih nadingin nangma' cih bang hi ta hen.

Isaiah 37:20

Tua ahih ciangin Topa aw, nang bek Pasian na hihna leitung kumpi gam khempeuh in a theih nadingin, tu-in ama khut sung panin kote hong honkhia in,” a ci hi.

Paikhiatna 9:14

Bang hang hiam cih leh leitung khempeuhah kei tawh a kibang khat beek om lo hi ci-in na theih nadingin hih hunin na sungtawng dong leh na nasemte leh na mihingte' tungah ka gimnate khempeuh kong tungsak ding hi.

Isaiah 45:3

A mialna mun sunga sum kikoihte leh mun simtham-a sum kiseelte, nangma tungah kong pia ding a, tua thu hangin kei-in Topa, na min tawh hong sam Israelte’ Pasian ka hihna nong thei ding hi.

2 KHANG TANGTHU NIHNATE 33:13

Amah in ama kiangah thungen a, tua ciangin Pasian in ama kutna saangin, a thuumna ngai hi. Amah in Jerusalem ah amah paipih kikin a kumpigam pia kik hi. Tua ciangin Topa in Pasian ahihna Manasseh in thei hi.

Daniel 2:21

Amah in hun leh khuahunte kheel; kumpite a koih a, lah a lakhia hi. Amah in mite pilna leh theihna a pia hi.

Daniel 4:31

Tua thute a kamsung pan a pusuah ma-in vantung panin aw khat hong ging a, “Nebukhadnezzar kumpipa aw, ka thu gen na ngai in. Na kumpigam a hong kilakkhiat sak zo hi.

JOB (Job) 9:12

Amah in la khia nuam leh kua in khaktan zo ding hiam? Bang hih na hi hiam, kua in ci thei ding ahi hiam?

JOB (Job) 42:2

“Topa aw, vangliatna khempeuh na neihna, na hih nop khempeuh na hih theihna thu ka thei hi.

Late 115:3

Vantungah eite’ Pasian om a, ama ut peuhpeuh a hih hi.

Late 135:6

Vantung leh leitung, tuipi leh a thukna sung khempeuhah Topa in ama ut peuhpeuh a bawl hi.

Isaiah 40:15

En un, minamte pen tui phelkhai khat pan-a tuimal taak khat tawh kibang a, tawi tehna tunga leivui neng baang bangin kingaihsun hi; en un, amah in tuikulhte pen leivui neel bangin tawmto lel hi.

Isaiah 40:17

Minam khempeuhte ama mai-ah bangmah tham hi lo a, amaute pen bangmah a om lo leh, a hawm guak sangin a tawmzaw-in amah in ngaihsun hi.