Daniel 4:27 - Tedim Bible

²⁷ Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

Tedim Bible Revision 2017

²⁷ Tua ahih ciangin kumpipa aw, kong thuhilhna hong mang in. Mawhna bawl nawn kei inla, diktakin gamta in. Mizawngte hehpih leteh, tua in a sia-a na gamtatna sate hong puahsak dinga, na nuamsa toto ding hi, a ci hi.

Daniel 4:27 Referans Kwoze

Jonah 3:9

Eite i sih loh nadingin Pasian kisik kik-in a hehna damsak lo ding hi, kua in ci thei na hi uh hiam?” a cisak hi.

Sawltak 8:22

Tua ahih ciangin na khialhna na kisikkik in la, na lungsim ngaihsutna a kimaisak nadingin Pasian kiangah thu na ngen in.

Luka 11:41

Ahih hangin kuang sunglam a om nate mizawngte na pia un. Tua bang na hih uh leh, na khempeuh note mai-ah a siangtho ding hi.”

Efesa 4:28

Nidang lai-a guta mi in gu nawn loin, sapna neite a hop zawh, a piak zawh nadingin ama khut tawh nasepna a hoih hahkatin sem ta hen.

Galati 5:13

Ute naute aw, note in suahtakna thu ngah dinga hong sap mi na hih uh leh, si-le-sa nopsak na’ngin tua suahtakna zang kei un. Ki-itna tawh khat leh khat’ nasem mi na suak zaw un.

Paunak 16:6

Thumanna leh cihtakna in mawhmai ngahna hi a, Topa zahtakna in siatna tawh kipelhna hi.

1 PETER MASA 4:8

Hihna khempeuh tham loin, note in khat leh khat nakpi-in na ki-it un. Bang hang hiam na cih uh leh, ki-itna in mawhna tampi a seel hi.

Mattiu 3:8

Mawhna kisik kikna tawh kilawm gah na gah un.

Ezekiel 18:7

Kuamah khem lo a, kuama’ na zong sut lo hi. Sum leitawi a lapa in khapna van a apte zong pia kik hi. Gilkialte an vakin, puan nei lote puan guan hi.

Paunak 28:13

A khialhna a im mipa a dau pai lo ding a, a mawhna pulakin a kikheel mipa in hehpihna ngah ding hi.

1 KUMPI MASATE 21:29

“Keima mai-ah bangzahin Ahab a kiniamkhiatna na mu hiam? Keima mai-ah amah kiniamkhiat ahih manin ama hun sungin siatna ka tungsak kei ding hi; ahih hangin a tapa’ hun sungin ama innkuan tungah siatna ka tungsak ding hi,” a ci hi.

Sawltak 26:20

Amaute kisikkik a, kisikkikna tawh kilawm gamtatna bawlin Pasian kiangah a kihei na’ngun Damaskas khua-ah ka gen masak khit ciangin Jerusalem khua akipan Judah gamah a om mi khempeuh kiangah ahi zongin, Gentailte kiangah ahi zongin ka hilh hi.

Late 119:46

Kumpite’ mai-ah nangma thute ka gen ding a, maizumna ka thuak kei ding hi;

Galati 5:22

Kha Siangtho’ gah in: itna, lungdamna, kilemna, lungduaina, mi hehpihna, gitna, diktatna,

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

2 KORIN NIHNA 5:11

Tua ahih leh, Topa kihtakna kote in thei-in midangte ka zol lai takun Pasian mai-ah ka kilang uh hi. Note lungsim mai-ah zong ka kilang uh hi ci-in ka um uh hi.

Sawltak 24:25

Paul in dikna thu, kidekna thu leh hong tung ding Thukhenna Ni thu a hilh ciangin Feliks Mangpa lau a, “Tu-in pai ta in. Tu nung a kilawm hun ciangin kong samkik ding hi,” a ci hi.

Joel 2:14

Topa, i Pasian in a lungsim kheelin, an hauhsakna tawh thupha hong pia kha ding hi. Tua hi leh ama tungah an leh leenggahzu tawh biakna i pia thei ding hi.

Thu-hilhkikna 24:13

ni a tum ciangin, a puanza nuai-ah amah lumin nang thupha hong piak theih nadingin tua hong na khap ama kiangah na piakik ding uh hi; tua in Topa note’ Pasian mai-ah note adingin thumanna hi ding hi.

Jeremiah 29:7

Note sal-a kong koihna khuapi’ phattuam nading bawl un la, tua khuapi adingin Topa tungah thu ngetsak un. Bang hang hiam cih leh tua khuapi in phattuamna a ngah leh no zong phattuamna a ngah mah na hi uh hi.

Jeremiah 38:20

Jeremiah in, “Amaute kiangah nang hong kipia lo ding hi. Tu-a kong gen bangin Topa’ thu mang in. Tua hi leh nang adingin hoih ding a, na nuntakna hong kihu ding hi.

Piancilna 11:4

Tua ciangin amaute in, “Hong pai un, leitung buppi maitang-ah eite i kithehthang gawp loh nadingin ei’ adingin khuapi khat bawlin, a dawn in vantung a ban ding tausangpi khat lamin, eite’ min ding khat bawl ni,” ci uh hi.

Thu-hilhkikna 8:17

Na lungsim uhah, ‘Ka vangliatna uh leh ka thahatna un hih hauhna hong ngahsak hi,’ ci kha ding na hih manun kingaihsun un.

Thu-hilhkikna 32:27

amau’ langte in ngaihsun khialin, amaute in, “Eite i gualzo hi, Topa in hihte khempeuh bawl lo hi,” hong ci kha ding uh ahih manin galte’ hong phin ding ka lau hi,’ a ci hi.

Paunak 11:2

Mi kiphasakte in minsiatna ngah pak ding a, lungsim niamkhiatna tawh pilna kingah hi.

Isaiah 10:13

Bang hang hiam cih leh amah in: “Keimah in thu theihtelna nei ka hih manin keima thahatna leh keima pilna tawh ka hih khin hi; mihingte’ gamgite lakhia-in amau’ sumte ka sut khin hi; keimah in a vanglianpa bangin amau kumpite ka sugawp hi.

Isaiah 47:8

Tua ahih ciangin tu-in, a nuam bek a ut, lungmuang tak-a a tu hit-hiat, na lungsim sungah, “Keimah hi’ng, kei sim loh midang om kei’ meigongin om kei ning, ta-khuai cih zong sin kei ning,” a ci khuapi aw, hih thu za in:

Isaiah 47:10

Na gitlohna ah nang na lung muang a, “Kuamah in kei hong mu lo hi,” na ci hi; na pilna lehna theihnate in lam hong pialsak a, na lungsim sungah, “Keimah hi’ng, kei sim loh midang om kei,” na ci hi.

Ezekiel 29:3

Topa Pasian in hih bangin gen hi, ci-in Izipt kumpipa Faro kiangah gen in: Gun sungah a om, awle lianpi ahi, nang Izipt kumpipa aw, keimah in nangma lang ka hi hi. Nail Gunpi, nangma aa in na gen a, nangma bawlsa-in na ngaihsun hi.

Ezekiel 29:9

Izipt gam khempeuh a kinusia gam simtham suak ding a, tua ciangin Topa ka hihna thu na thei ding hi. Nangmah in Nail Gunpi in keima aa hi a, keima bawlsa hi, ci na hih manin,

Amos 6:13

Lodebar khua bang lel na lak zawhna uhah na lungdam uh a, “Eima thahatna tawh Karnaim khua i la zo hi,” na ci uh hi.

Habakkuk 1:11

Tua ciangin huih nung bangin paisuak uh a, amau’ hatna bek suang uh hi,” ci hi.

Zefaniah 2:15

A vangliatna a kisak theihpih, lungmuang taka om khuapi tungah, tu-a bangin piang ding hi. Leitungah amau’ khuapi a lianpenin ngaihsun uh hi. Tua hi napi-in gamlak suakin, gamsate’ omna suak ta hi. A mu mi khempeuh in lamdang sa-in ciksa ding uh hi.