Daniel 4:26 - Tedim Bible

²⁶ Vantungmi in singbul leh a zungte lei sungah nusia dingin thu a pia hi. Tua in, Pasian in leitung khempeuh uk hi, cih na theih ciangin kumpi na suakkik ding hi a cih nopna ahi hi.

Tedim Bible Revision 2017

²⁶ Vantungmi in singbul le a zungte lei sungah nusiat dingin thu a pia hi. Tua pen, Pasian in leitung khempeuh uk hi, cih na theih ciangin kumpi na suakkik ding hi, a cihnopna ahi hi.

Daniel 4:26 Referans Kwoze

Daniel 4:15

Ahih hangin a bul leh lei sunga a zungte nusia in. Sik leh sumngo kual tawh vial in la, gamlak lopate tawh nusia khawm in. Hi mipa tungah daitui kai hen la, ganhingte leh lopate tawh teeng khawm hen.

Luka 15:21

A ta in, ‘Pa aw, Pasian tung leh nangma mai-ah ka khial zo hi. Tu-a kipanin na ta kicih nadingin ka kilawm kei hi,’ a ci hi.

Luka 15:18

Kei thoin ciah ning! Ka pa kiangah, ‘Pa aw, Pasian tung leh nangma mai-ah ka khial zo hi.

Mattiu 21:20

A nungzuite in a muh uh ciangin, “Hih theikung thakhatin a dinggaw hi,” ci-in lamdang a sa uh hi.

Mattiu 5:34

Ke’n kong cih inah, na kiciam peuhmah kei un. Vantung in Pasian’ tokhom ahih ciangin vantung tawh na kiciam kei un.

Daniel 4:23

Kumpipa in na et lai takin, vantungmi khat vantung panin hong paisuk a, ‘Singkung phuk in la susia in, ahih hangin lei sungah a bul leh a zungte nusia in. A bulah sik leh sumngo kual vial in la, gamlak lopate tawh nusia khawm in. A tungah daitui kia hen la, kumsagih sung ganhingte tawh omkhawm ta hen,’ a ci hi.

Daniel 2:37

Kumpipa aw, kumpi khempeuh lak pan nang a lianpen na hi hi. Vantung Pasian in nang kumpi-in hong koih a, ukna, vangliatna, thahatna leh minthan’na hong pia hi.

Daniel 2:18

Amah in vantung Pasian in amaute hehpih a, tua thu thukpi genkhia thei a, Babilon gamsunga mipil dangte tawh thahna a thuak khawm loh nadingun thu i ngen ding hi ci-in a gen hi.

Daniel 2:19

Tua ciangin tua zanin tua thu thukpi mangmuhna tawh Daniel’ tungah kihilh a, amah in vantung Pasian’ min a phat hi.

Daniel 4:31

Tua thute a kamsung pan a pusuah ma-in vantung panin aw khat hong ging a, “Nebukhadnezzar kumpipa aw, ka thu gen na ngai in. Na kumpigam a hong kilakkhiat sak zo hi.

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

Daniel 5:20

Ahih hangin amah a lungkhauhin kiphasak a, gilo lua ahih manin a kumpi tokhom panin kilakhia a, a minthan’na a taan hi.

Daniel 5:21

Amah mihingte lak panin kihawlkhia a, ganhing lungsim a nei hi. Gam sakolte tawh teeng khawmin, bawngtal bangin lopa ne a, daitui dal ding nei loin a pua lamah a lum hi. A tawp khakna ah Sangpen Pasian in mihingte’ kumpi gamte uk a, a teel peuhpeuh kumpi a suak hi ci-in a phawk thei hi.