Daniel 4:22 - Tedim Bible

²² Kumpipa aw, nangmah in tua singkung na hi hi. Nang na lian a, na thahat hi. Nakpi takin khanga lian mahmah na hih manin vantung dong na banto a, na vangliatna in leitung khempeuh ah a kizel hi.

Tedim Bible Revision 2017

²² Kumpipa aw, nang pen tua singkung na hi hi. Nang na lian a, na thahat hi. Nakpi takin khangin lian mahmah na hih manin vantung dong na ban to a, leitung khempeuh ah na vangliatna kizel hi.

Daniel 4:22 Referans Kwoze

2 SAMUEL NIHNA 12:7

Nathan in David kiangah, “Nangmah in tua mipa na hi hi! Israelte Pasian, Topa in hih bangin ci hi, ‘Israelte tungah kumpi-in nang sathau hong nilhin Saul’ khut sung panin nang kong honkhia hi;

Mangmuhna 18:5

Bang hang hiam na cih uh leh, tua khuapi-a gitlohnate in vantung dongin tung a, Pasian in tua gitlohna thute a phawk zo hi.

Mattiu 14:4

Bang hang hiam i cih leh, Johan in, “Tua numei na teen’pih ding kilawm lo hi,” ci-in Herod kiangah a hilh hang hi.

Late 108:4

Bang hang hiam cih leh na itna kip in vantung ban a, na thumanna in meiipite banto hi.

Late 36:5

Topa aw, na itna kip in van ban a, na cihtakna in meii ban hi.

2 KHANG TANGTHU NIHNATE 28:9

Ahih hangin Oded min nei Topa’ kamsang khat tua lai-ah om hi; tua ciangin Samaria ah hong tung galkapte a dawn dingin amah pai khia a, amaute kiangah, “En un, na pu na pate uh’ Pasian Topa in Judah tungah heh ahih manin note khut sungah amaute hong pia a, ahih hangin note in heh mahmahna tawh amaute na that uh a, tua in vantung dong ban hi.

Piancilna 28:12

Amah in mang man a, leitungah kahlei khat kiphutin, kahlei dawn in van ban hi; en in, Pasian’ vantungmite tua kahlei tungah kahto-in kumsuk uh hi.

Piancilna 11:4

Tua ciangin amaute in, “Hong pai un, leitung buppi maitang-ah eite i kithehthang gawp loh nadingin ei’ adingin khuapi khat bawlin, a dawn in vantung a ban ding tausangpi khat lamin, eite’ min ding khat bawl ni,” ci uh hi.

Ezekiel 17:3

Topa Pasian in hih bangin ci hi, ci-in gen in: Muvanlai a gol mahmah, a khate zong golin a kizal deda khat om hi. Tua muvanlai in khaveng hoih mahmah nei hi. Lebanon Mual tungah va leengin taamtaak kung khat a dawn va kuaitan a,

Daniel 4:11

Tua singkung pen khangkhangin gol semsema, vantung dong banto ahih ciangin leitung mi khempeuh in a mu thei uh hi.

Daniel 4:21

A tehte hoih mahmah a, leitung bup a vak zo ding gah a gah hi. Gamsate in anuai-ah tawlnga uh a, vasate in a hiangah bu a bawl uh hi.

Daniel 4:36

Ka khua theihna a hong tun’ kik ciangin ka kumpi-za ka minthan’na leh, ka gam minthan’nate a hong kipia kik hi. Ka u liante leh ka thudot mite in hong muak uh a, nidang sanga lianzaw minthan’na leh ka kumpi za a hong kipia kik hi.

Jeremiah 27:5

‘Keimah in a lian mahmah ka vangliatna tawh ka khut zan-in, leitung leh leitung-a om mite leh ganhingte ka bawl a, piaktuak ka sakte’ tungah ka pia hi.

Daniel 2:21

Amah in hun leh khuahunte kheel; kumpite a koih a, lah a lakhia hi. Amah in mite pilna leh theihna a pia hi.

Daniel 4:29

Tua zawh khasawm leh khanih khit ciangin kumpipa in Babilon khua kumpi innkhum zang huan sungah vak a,