Daniel 4:2 - Tedim Bible

² Sangpen Pasian in kei tunga lim leh nalamdang a hong lahna thute ka hong gen nuam hi.

Tedim Bible Revision 2017

² A Lianpen Pasian in kei tungah lim le nalamdang a hong lahna thute kong gen nuam hi.

Daniel 4:2 Referans Kwoze

Daniel 3:26

Tua ahih ciangin Nebukhadnezzar mei phualpi kong gei-ah paito a, “Shadrak! Meshak! Abednego! Sangpen Pasian’ nasemte hong paikhia un,” ci-in a sam hi. Tua ciangin amaute zong thakhatin a hong paikhia pah uh hi.

Late 66:16

Pasian zahtak note khempeuh aw, hong pai un la, za un, kei’ adinga ama bawlsate kong gen ding hi.

Late 71:18

Tua ahih ciangin Pasian aw, hong piang lai ding mite khempeuh tungah nangma hatna ka gen khit matengin, teek-a ka sam a kaan’ hun ciang dong nangawn-in kei hong nusia kei in.

Late 51:14

Pasian, kei hong hon Pasian aw, sih nading daan panin kei hong honkhia in; nong hotkhiatna thu lungdam takin ka sa ding hi.

Joshua 7:19

Tua ciangin Joshua in Akhan kiangah, “Ka tapa aw, Israel Topa Pasian min thangsak in la, amah phat in; tu-in na gamtatnasa kei tungah hong gen in; kei tungah hong iim kei in,” a ci hi.

Johan 4:48

Zeisu in, “Note in nalamdang leh lim na muh kei uh leh, na um kei ding uh hi.” a cih ciangin,

Daniel 4:17

Hih in a vil tawntung vantungmi’ thukhenna ahi hi. Tua ahih ciangin mun khempeuh ah a om mi khempeuhte in, Sangpen Pasian in mite’ kumpi gamah vai a hawm hi cih a thei ding uh hi. Amah in a teel peuhpeuh a neupente nangawn kumpi a suaksak thei hi.

Daniel 4:24

Kumpipa aw, a khiatna pen hi bang ahi hi. Sang pen Pasian in na tunga hong tung ding a thukhennasa a hong lak ahi hi.

Daniel 4:25

Mite sung panin hong kihawlkhia ding a, gamsate tawh na teeng khawm ding hi. Bawngtal bangin lopa na ne ding a, pua lamah lumin, kumsagih sung na tungah daitui a hong kia ding hi. Tua ciangin Sangpen Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi.

Daniel 4:34

A kisehsa hun a cin’ ciangin keimah Nebukhadnezzar in vantung lam ka ento a, ka khua theihna a hong tungkik hi. A nungta tawntung Sangpen Pasian’ min phatin, zahtakna leh minthan’na hih bangin ka pia hi: “Amah in a tawntungin uk ding a, a gam in a kip tawntung ding hi.

Daniel 5:18

Sangpen Pasian in na pa Nebukhadnezzar kumpi lianin koih a, zahtakna leh vangliatna a pia hi.

Daniel 6:27

Amah in gumkhiapa leh tankhiapa hi a, vantung leh leitungah, lim leh nalamdangte a bawl hi. Humpinelkaite’ thahatna panin, Daniel a suakta sak hi,” a ci hi.

Daniel 7:25

Amah in Sangpen Pasian langpan’ in thu gen ding a, Pasian’ mite a bawlsia ding hi. Amah in amaute’ biakna tawh kipawl thukham leh pawi bawlna hunte kheel sak ding hanciam ding a, Pasian’ mite in ama khut sungah kumthum leh a lang a om ding uh hi.

JOB (Job) 7:14

a lauhuai mang nong man’sak a, a lauhuai mangmuhna tawh nong lau sak hi.

Late 65:9

Nangmah in leitung en-in guah na zusak a, a hoihna lianpi-in na behlap hi; Pasian’ gunpi in tui tawh kidim hi; nangmah in amaute khaici na guan hi, tua ahih ciangin nangmah in na bawl khol hi.

Daniel 2:1

Nebukhadnezzar kumpi a suah zawh a kumnih lai takin mang khat a man’ hi. A lungsim patau lua mahmah ahih manin a ihmu thei kei hi.