Daniel 4:19 - Tedim Bible

¹⁹ Tua ciangin Belteshazzar zong a kici Daniel in a lungmang lua ahih manin tawmvei sung bangmah gen thei loin a om hi. Kumpipa in, “Belteshazzar aw, mang leh a khiatna huhau in na lung mangsak zenzen kei in,” a ci hi. Belteshazzar in, “Kumpipa aw, na mangmat leh a khiatna pen na galte tungah tungzaw hen.

Tedim Bible Revision 2017

¹⁹ Tua ciangin Belteshazzar zong a kici Daniel lungmang lua ahih manin tawmvei sung bangmah gen thei loin a om hi. Kumpipa in, Belteshazzar aw, mang le a khiatna huhau-in na lung mangsak zenzen kei in, a ci hi. Belteshazzar in, Kumpipa aw, nang mangmat le a khiatna pen na galte tungah tung zaw hen, a ci hi.

Daniel 4:19 Referans Kwoze

Daniel 8:27

Keimah Daniel in, ni tawmvei sung thazaw gawpin ka ci a na hi. Tua ciangin tho-in, ka nasep ngei semkik dingin kumpi innah ka pai hi. Ka mangmuhna thu thei zo lo ka hih manin cih nading meel thei loin dap takin ka om hi.

Daniel 7:28

Hih tangthu a beita hi. Hih thu ka ngaihsut ciangin kei, Daniel ka lau mahmah a, ka meel a daang gawp hi. Ahih hangin hih thu keima lungsim sung bekah ka koih hi.

Daniel 4:24

Kumpipa aw, a khiatna pen hi bang ahi hi. Sang pen Pasian in na tunga hong tung ding a thukhennasa a hong lak ahi hi.

Jeremiah 4:19

Aw, ka lungtang, ka lungtang! Na ka sa mahmah hi! Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

1 SAMUEL MASA 3:17

Eli in, “Amah in nang kiangah hong gen bang ahi hiam? Kei kiangah hong iim kei in. Amah in nang tungah hong gente khempeuh kei kiangah ip nong neih leh, Pasian in nang hong dawm kei ta hen,” a ci hi.

Habakkuk 3:10

Mualliante in nang hong muh ciangin liing uh a, van panin guah tampi hong zu hi. Lei nuai-a om tuite ging zuazua a, a tuihualte in sangpipi banto hi.

Daniel 7:15

Ka mangmuhnate in hong linglawng sakin a hong patausak mahmah hi.

Daniel 5:12

Amah in a kan zaw siamna nei a, mang khiat siamna, thu dotna haksa nonote dawn’ theihna leh thu thukpite gentel theihna a nei hi. Tua ahih ciangin kumpipa in Belteshazzar ci-a a kiphuakpa Daniel sam sak in, tua hi leh amah in a khiatna a hong gen thei pah ding hi,” a ci hi.

Daniel 2:26

Kumpipa in Belteshazzar a kici Daniel kiangah, “Ka mangmat bang hi a, a khiatna bang hiam cih hong gen thei ding na hi hiam?” ci-in a dong hi.

Daniel 1:7

Innsung mang lianpenpa in amaute minthak phuah a, Daniel’ min dingin Belteshazzar, Hananiah min dingin Shadrak, Mishael min dingin Meshak, Azariah min dingin Abednego a phuak hi.

Jeremiah 29:7

Note sal-a kong koihna khuapi’ phattuam nading bawl un la, tua khuapi adingin Topa tungah thu ngetsak un. Bang hang hiam cih leh tua khuapi in phattuamna a ngah leh no zong phattuamna a ngah mah na hi uh hi.

1 KUMPI MASATE 18:7

Obadiah lam kalah a om lai takin, en in, Elijah in amah na dawntuah hi; Obadiah in amah thei-in a mai lei ngatin puk a, “Ka to Elijah, nang na hi hiam?” a ci hi.

1 SAMUEL MASA 26:15

David in Abner kiangah, “Pasal hilo na hi hiam? Israelte sungah nang tawh a kibang kua om ahi hiam? Tua ahih leh bang hangin na to kumpipa vil lo na hi hiam? Bang hang hiam cih leh kumpipa na topa susia dingin mi khat hong pai hi.

1 SAMUEL MASA 24:8

Tua khit ciangin David zong leihawm sung panin paikhia-in Saul nung sap a, “Ka to kumpipa!” a ci hi. Saul in a nung a et ciangin, David in lei-ah a mai kunin zahtakna bawl hi.

1 SAMUEL MASA 1:15

Ahih hangin Hannah in dawngin, “Hi lo hi, ka topa aw, keimah in nakpi takin a lungkham numei ka hi hi; leenggahzu ahi a, kham theih zu ahi zongin ka dawn kei hi, Topa mai-ah ka lungsim a sungkhia ka hi hi.

Paikhiatna 32:32

Ahih hangin tu-in nangmah in amau' khialhna maisak in; tua ahih kei leh, hong thum ing, nangma' gelhsa laibu panin keimah hong phiat in,” a ci hi.

Piancilna 32:18

note in, ‘Na nasempa Jakob aa ahi hi; hihte in ka topa Esau’ tungah letsong a hong kipuak ahi hi; tua tham loin amah ka nung uhah om hi,’ ci un,” ci hi.

Piancilna 31:35

Amah in a pa' kiangah, “Nang' mai-ah hong ding thei lo ka hih manin ka topa heh kei in, bang hang hiam cih leh numei ngeina ka nei hi,” ci hi. Tua ahih ciangin amah in mun dang khempeuh zong a, ahih hangin inn sung pasiante mu lo hi.

Piancilna 40:12

Tua ciangin Josef in ama kiangah, “Hih in a khiatna ahi hi: hiang thumte in ni thum ahi hi;

Daniel 2:37

Kumpipa aw, kumpi khempeuh lak pan nang a lianpen na hi hi. Vantung Pasian in nang kumpi-in hong koih a, ukna, vangliatna, thahatna leh minthan’na hong pia hi.

Daniel 5:18

Sangpen Pasian in na pa Nebukhadnezzar kumpi lianin koih a, zahtakna leh vangliatna a pia hi.

Daniel 5:19

Amah lian lua mahmah ahih manin gam khempeuh, nam khempeuh, pau khempeuhte in kihta in a liing uh hi. Mi khatpeuh a thah nop leh that a, a nuntak sak nop leh a nungta sak hi. A ut leh mi khatpeuh pahtawi-in, a ut leh a daisak thei hi.