Daniel 4:18 - Tedim Bible

¹⁸ Keimah Nebukhadnezzar Kumpipa in, Belteshazzar aw, ka mangmat pen hi bang ahi hi. Tu’n a khiatna hong gen in. Ka thudot mite khat beek a khiatna a hong gen thei a om kei uh hi. Ahi zongin nang sungah a siangtho pasiante’ kha om ahih manin na hong gen thei ding hi,’ ka ci hi,” a ci hi.

Tedim Bible Revision 2017

¹⁸ “Belteshazzar aw, keimah Nebukhadnezzar Kumpipa in ka mangmat pen hih bang ahi hi. Tu-in a khiatna hong gen in. Ka thudot mite khat beek a khiatna a hong gen thei a om kei uh hi. Ahi zongin nangʼ sungah Pasianʼ kha om ahih manin na hong gen thei ding hi,” a ci hi.

Daniel 4:18 Referans Kwoze

Daniel 5:15

Ka thudot mite leh mitphial siamte in hih lai kigelh sim ding leh a khiatna gen dinga hong pai uh hi napi, a khiatna a thei zo kei uh hi.

Piancilna 41:8

Tua ahih ciangin zingsangin a lungkham hi; amah in mi sawlin Izipt mitphial siamte khempeuh leh a mi pil khempeuh samsak hi; Faro in amaute kiangah a mang gen a, ahih hangin Faro tungah a khiatna a gen thei kuamah om lo hi.

Daniel 5:8

Kumpipa’ thudot mite hong tung uh a, ahih hangin tua lai a sim thei leh kumpipa tunga a khiatna a gen thei kuamah a om kei uh hi.

Piancilna 41:15

Faro in Josef' kiangah, “Mang khat ka man a, a khiatna a gen thei kuamah om lo hi; nang in mang na zak ciangin a khiatna gen thei ci-in hong kigenna ka za hi,” ci hi.

Amos 3:7

Topa Pasian in ama nasem kamsangte tungah, ama geelna theisak lopi-in bangmah hih het lo hi.

Daniel 2:7

Amaute in, “Kumpipa aw, na mang hong gen phot leteh a khiatna ka hong gen ding uh hi,” ci-in a dawngkik uh hi.

Isaiah 19:3

Izipt mite’ lungsim hawmsuak ding a, amau’ geelnate ka siasak ding hi; amaute in milimte leh khongkhai theite, vankah theite leh aisan theite thu dong ding uh hi;

Piancilna 40:12

Tua ciangin Josef in ama kiangah, “Hih in a khiatna ahi hi: hiang thumte in ni thum ahi hi;

Daniel 1:20

Kumpipa in bangbang thu haksa nono a dot hangin, hi mi lite in ama gamsung khempeuh a, mitphial siamte leh aisan theite khempeuh sangin a zah sawmin a siamzawk lam uh a mu hi.

Daniel 2:38

Amah in mi’ teen’na leitung teng, ganhing teng leh vasate uk dingin a hong koih hi. Tua kham lutang in nangmah na hi hi.