Daniel 4:14 - Tedim Bible

¹⁴ Amah in nakpi-in kiko-in, “Singkung phuk in la, a hiang teng sattan in; a teh teng heuh siang in la, a gah teng thehthang in. A nuai-a ganhing teng leh a hiang tunga vasa teng hawlkhia in,

Tedim Bible Revision 2017

¹⁴ Amah nakpi-in kiko-in, ‘A singkung phuk inla, a hiang teng sattan in. A teh teng heuh siang inla, a gah teeng thehthang in. A nuai-a ganhing teng le a hiang tunga vasa teng hawl khia in.

Daniel 4:14 Referans Kwoze

Mattiu 3:10

Tu-in zong sing phungah hei a om hi. A gah hoihte a gah lo kung khempeuh phuk paii-in mei sungah kikhul ding hi.

Daniel 4:23

Kumpipa in na et lai takin, vantungmi khat vantung panin hong paisuk a, ‘Singkung phuk in la susia in, ahih hangin lei sungah a bul leh a zungte nusia in. A bulah sik leh sumngo kual vial in la, gamlak lopate tawh nusia khawm in. A tungah daitui kia hen la, kumsagih sung ganhingte tawh omkhawm ta hen,’ a ci hi.

Luka 3:9

Tu-in zong sing phungah hei a om zo hi. A gah hoih gah lo kung khempeuh phuk pai-in mei sungah kikhul ding hi,” a ci hi.

Mattiu 7:19

A gah hoih lo kung khempeuh kiphuk tan a, mei sungah kikhul ding hi.

Daniel 4:12

A tehte hoih mahmah a, leitung bup kham khop ding zahin gah a gah hi. Gamsate in a liim bel uh a, vasate in a hiangah bu bawl uh a, a nungta thei khempeuh in a gah a ne uh hi.

Daniel 3:4

Tua ciangin “Mi namkimte, minam tuamtuamte leh paunam tuamtuamte khempeuh aw!

Mangmuhna 18:2

Amah in, “Babilon khuapi a cim hi, a cim hi! Dawigilote’ omna, kihhuai kha khempeuh kikhumna, kihhuai leh gilo vasate kikhumna a suak zo hi.

Mangmuhna 10:3

humpinelkai a hawk bangin nakpi aw tawh kiko a, a kiko ciangin vanging sagihte in amau kam awte a gen uh hi.

Daniel 5:20

Ahih hangin amah a lungkhauhin kiphasak a, gilo lua ahih manin a kumpi tokhom panin kilakhia a, a minthan’na a taan hi.

Jeremiah 51:9

Babilon khua i damsak nop hangin, a dam thei kei hi. Nusia ta un la, i gam ciat zuanin ciah ni. Ama’ tunga thukhenna in vantung dong ban a, van dawn dong a phato hi.

Jeremiah 51:6

“Babilon khuapi sung panin taikhia un; mi khempeuh kisuahtak tek un! Babilon’ mawhna sihpih kei un, bang hang hiam cih leh a mawhna banga a thuak nadingun hih hun in Topa’ thuhkik hun ahi hi.

JOB (Job) 24:20

Amah kiphawk kha nawn lo a, a nu nangawn in zong mangngilh ta hi; thante in amah ne tum a, amah maimang ta hi.

Ezekiel 31:10

“Tua ahih ciangin Topa Pasian keimah in hih bangin ka ci hi. Tua sing in meiipi a bat dongin khangto a, ahi zongin a san’ semsemna tawh kizui-in kiphasak semsem hi.

Jeremiah 27:5

‘Keimah in a lian mahmah ka vangliatna tawh ka khut zan-in, leitung leh leitung-a om mite leh ganhingte ka bawl a, piaktuak ka sakte’ tungah ka pia hi.

Daniel 2:21

Amah in hun leh khuahunte kheel; kumpite a koih a, lah a lakhia hi. Amah in mite pilna leh theihna a pia hi.

Daniel 4:29

Tua zawh khasawm leh khanih khit ciangin kumpipa in Babilon khua kumpi innkhum zang huan sungah vak a,

Daniel 5:21

Amah mihingte lak panin kihawlkhia a, ganhing lungsim a nei hi. Gam sakolte tawh teeng khawmin, bawngtal bangin lopa ne a, daitui dal ding nei loin a pua lamah a lum hi. A tawp khakna ah Sangpen Pasian in mihingte’ kumpi gamte uk a, a teel peuhpeuh kumpi a suak hi ci-in a phawk thei hi.