Daniel 3:30 - Tedim Bible

³⁰ Tua ciangin kumpipa in Shadrak, Meshak leh Abednego-te Babilon gam khawk tungah a golzaw ukna za a pia hi.

Tedim Bible Revision 2017

³⁰ Tua ciangin kumpipa in Shadrak, Meshak le Abednego-te Babylon gam khen liante ah a gol zaw ukna za a pia hi.

Daniel 3:30 Referans Kwoze

Daniel 2:49

Kumpipa in Daniel’ ngetna mah bangin Shadrak, Meshak, leh Abednego-te Babilon gam khawk uk dingin koih a, Daniel pen kumpi inn sungah a omsak hi.

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.

ROM (Romans) 8:31

Tua bang ahih leh, hih thu hangin bang gen ding i hi hiam? Pasian in eite lamsang ah a om leh, kua in eite lang khatah a pang zo ding hiam?

Johan 12:26

Ka na hong semte in ka nung hong zui ta hen. Keima omna munah ka nasemte zong a om ding hi. Ka na hong semte Pa in a pahtawi ding hi.”

Daniel 3:12

Babilon gam khawk uk dinga na koih Shadrak, Meshak, leh Abednego kici Judah mi pawlkhat a om uh hi. Amaute in kumpipa’ thupiakna a mang kei uh hi. Amaute in na pasiante bia nuam loin, na milim koih mai-ah a kun nuam kei uh hi,” a ci uh hi.

Late 91:14

Amah in itna tawh kei hong bel ahih manin amah ka honkhia ding a, amah in ka min thei ahih manin mun sangna-ah amah ka koih ding hi.

Late 1:3

Amah in luitui luang gei-a kisuan, ama gah hunin gah a, a teh a vul lo singkung tawh kibang hi. Ahihna khempeuh ah a ma pai hi.

Daniel 1:7

Innsung mang lianpenpa in amaute minthak phuah a, Daniel’ min dingin Belteshazzar, Hananiah min dingin Shadrak, Mishael min dingin Meshak, Azariah min dingin Abednego a phuak hi.

Daniel 3:1

Nebukhadnezzar kumpipa in a dung tong sawmguk a sang, a vai lam tongguk a gol kham milim pi khat bawl saka Babilon gamsung Dura zanglei-ah a koih hi.