Daniel 3:26 - Tedim Bible

²⁶ Tua ahih ciangin Nebukhadnezzar mei phualpi kong gei-ah paito a, “Shadrak! Meshak! Abednego! Sangpen Pasian’ nasemte hong paikhia un,” ci-in a sam hi. Tua ciangin amaute zong thakhatin a hong paikhia pah uh hi.

Tedim Bible Revision 2017

²⁶ Tua ahih ciangin Nebukhadnezzar zong mei phualpi kong gei ah pai to a, “Shadrak! Meshak! Abednego! A lianpen Pasianʼ nasemte hong paikhia un,” ci-in a sam hi. Tua ciangin amaute zong thakhatin a hong paikhia pah uh hi.

Daniel 3:26 Referans Kwoze

Daniel 3:17

Mei phualpi sung panin hong honkhia thei pasian a om leh ka biak ka Pasian uh hi ding a, na khut sung panin a hong honkhia ding hi.

Daniel 4:2

Sangpen Pasian in kei tunga lim leh nalamdang a hong lahna thute ka hong gen nuam hi.

Mangmuhna 19:5

Tokhom sung pan a pusuak aw in: “Topa a kihta a neu a lian mi, a silate aw, eite Pasian phat un,” a ci hi.

Galati 1:10

Tu-in keimah in mi’ deihna zui ka hi hiam? Ahih kei leh, Pasian’ deihna zui ka hi hiam? Mite’ pahtak ding hanciam ka hi hiam? Mite’ pahtak nading hanciam ka hih leh, Khazih’ sila ka hi kei hi.

Sawltak 16:17

Tua nungak in Paul leh komau hong zui a, “Hih mite in gupna Lampi eite hong hilh, Sang Pen Pasian’ nasemte ahi uh hi,” ci-in a kiko hi.

Daniel 2:47

Kumpipa in, “Hih thu thukpi hong gen thei na hih manin na Pasian in thu thuk a lak, pasian khempeuh sung pan a lianpen, kumpite tunga Topa ahi hi,” a ci hi.

Isaiah 52:12

Note’ mai-ah Topa pai ding a, Israel Pasian pen note’ nungah hong cingpa hi ding ahih manin, note pen galtai-in paikhia loin, kinawhsa-in na paikhia kei ding uh hi.

Joshua 4:10

Bang hang hiam cih leh Moses in Joshua a thupiak bangin mite tungah a gen dingin Topa in Joshua a thupiakte khempeuh a vekpi-in a kiman’ khit matengin Jordan laizangah thuciamna singkuang a pua siampite ding uh hi. Mite nawhsa-in galkah uh hi;

Joshua 3:17

Israelte khempeuh leikeu tungah a galkah sung, minam bup in Jordan a khen’ khit mateng, Topa thuciamna singkuang a pua siampite Jordan gun laizang leikeu tungah ding uh hi.

Sawltak 16:37

Ahih hangin Paul in, “Rom mi ahi kote thukhen loin a kilangin a hong sat khit uh ciangin, thong sungah a hong khum zo uh hi. Tu-in hong khahkhia sim ding ahi uh hiam? Hi lo hi! Amaute hong pai hen la, a kilangin komau hong lakhia uh hen,” ci-in palik bute kiangah a gen hi.

Daniel 6:20

Humpinelkai koihna khuk a tun’ dektak lai takin aw liing kawmin, “Daniel, a nungta Pasian nasempa! Thuman taka na biak tawntung na Pasian in humpinelkai’ kam sung panin a hong honkhia thei hiam?” ci-in a kiko hi.

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-etsa suang, a manpha innkiu suang, bulpi muanhuai khat ka koih hi: Tua suang tungah, ‘Hih a um mi in lungkhamna tuak lo ding hi,” ci-in kigelh hi.

Ezra 5:11

Amaute in hih bangin hong dawng uh hi: ‘Kote in vantung leh leitung Pasian’ nasemte ka hi uh a, kum tampi lai-a a kilamsa inn a lamkik ka hi uh hi; a lian Israel kumpi khat in lamin a zawhsa ahi hi.

Piancilna 14:18

Tua ciangin Salem kumpipa Melkhizedek in an leh leenggahzu hong pusuah hi; amah in Sang Pen Pasian’ siampi zong ahi hi.

Sawltak 27:23

Bang hang hiam na cih uh leh, hong uk leh kei in a na ka sepsak Pasian’ vantungmi khat in tuzanin ka kiangah ding a,

Thu-hilhkikna 4:20

Ahih hangin Topa in tu ni-a bangin sik meikhuk, Izipt panin ama neih mi dingin note hong la-in hong paikhiatpih khin hi.

1 KUMPI MASATE 8:51

(bang hang hiam cih leh amaute pen Izip panin na paikhiatpih, sik meiphual sung panin na paikhiatpih, nangma mi leh nangma luah ahi uh hi).

Jeremiah 11:4

Na pute na pate uh, sik haltuina meikhuk tawh a kiang Izipt gam pana ka lakkhiat ni-a ka thuciammna ahi hi. Tua ni-in, ka thu hong ngai a, kong thupiakna bangin na sep uh leh, note ka mi na hi ding uh a, keimah in note’ Pasian hi-in,

Daniel 7:25

Amah in Sangpen Pasian langpan’ in thu gen ding a, Pasian’ mite a bawlsia ding hi. Amah in amaute’ biakna tawh kipawl thukham leh pawi bawlna hunte kheel sak ding hanciam ding a, Pasian’ mite in ama khut sungah kumthum leh a lang a om ding uh hi.

Late 66:12

Nangmah in ka galte uh nong tuancilsak a, tui leh mei lauhuainate ka thuak uh hi; ahih hangin nangmah in a tanzauna munah nong paipih hi.

Daniel 6:21

Daniel in, “Kumpipa aw, sau veipi nungta in.