Daniel 3:22 - Tedim Bible

²² Bang hang hiam cih leh kumpipa’ thupiakna lah kinawh lua mahmah a, mei phualpi lah sa lua mahmah ahih manin a khulte nangnawn meikuang in a hul lum hi.

Tedim Bible Revision 2017

²² Bang hang hiam cih leh kumpipaʼ thupiakna kinawh lua mahmah a, mei phualpi lah sa lua mahmah ahih manin a khulte nangawn meikuang in hul lum hi.

Daniel 3:22 Referans Kwoze

Paunak 21:18

Midikte’ thuak dingin a bawlsak uh gimnate pen, migilote mah in lehthuak zawsop uh hi.

Paunak 11:8

Lungkhamna a tuah loh nadingun midikte kihu a, migilote tungah lungkhamna tungzaw hi.

Paikhiatna 12:33

Tua gam panin mite manlangin a sawl khiat nading uh-ah Izipt mite nawhtat mahmah uh hi; bang hang hiam cih leh amaute in, “Eite khempeuh misi i hi hi,” a ci uh hi.

Sawltak 12:19

Herod in amah zongsak a, a muh loh ciangun a cingte thu a dot khit ciangin a thatsak hi. Tua ciangin amah in Judah gam pan Kaisaria khua-ah paisukin, tua lai-ah tawlkhat a om hi.

Mattiu 27:5

Judas in biakna innpi sungah dangka paai a, mun dangah a pai khit ciangin a awklum hi.

Daniel 6:24

Tua ciangin kumpipa in a hek teng khempeuh a zi a ta tek uh tawh humpinelkai koihna khuk sunga khiat dingin thu a pia hi. Amaute humpinelkai khuk taw a tun’ ma-un humpinelkai in bak khat suahin a guh a taang-in a balzan gawp hi.

Daniel 2:15

Amah in Ariok kiangah, “Bang dinga kumpipa in hi zah taka thu khauh suaksak ahi hiam? ci-in a dong hi. Ariok in thu piang khempeuh a gen hi.

Daniel 1:7

Innsung mang lianpenpa in amaute minthak phuah a, Daniel’ min dingin Belteshazzar, Hananiah min dingin Shadrak, Mishael min dingin Meshak, Azariah min dingin Abednego a phuak hi.

1 KUMPI MASATE 13:28

Tua ciangin amah pai a, lampi ah a luanghawm kipaai-in la leh humpinelkai a luanghawm gei-ah a ding mu hi. Humpinelkai in a luanghawm ne lo a, la zong balnen lo hi.