Daniel 3:17 - Tedim Bible

¹⁷ Mei phualpi sung panin hong honkhia thei pasian a om leh ka biak ka Pasian uh hi ding a, na khut sung panin a hong honkhia ding hi.

Tedim Bible Revision 2017

¹⁷ Mei phualpi sung panin a hong hon khia thei pasian a om leh ka biak Pasian uh hi dinga, na khut sung panin a hong hon khia ding hi.

Daniel 3:17 Referans Kwoze

ROM (Romans) 8:31

Tua bang ahih leh, hih thu hangin bang gen ding i hi hiam? Pasian in eite lamsang ah a om leh, kua in eite lang khatah a pang zo ding hiam?

Luka 1:37

Bang hang hiam na cih leh, Pasian in sep theih loh a nei kei hi,” a ci hi.

Hebru 7:25

Tua ahih ciangin Zeisu hangin Pasian kiangah a naite’ taang a, a thuum dingin Topa in a nungta tawntung ahih ciangin, a tawntungin hong gum thei hi.

Jeremiah 1:8

Amaute kihta kei in, bang hang hiam cih leh nangmah hong dal dingin kong ompih hi, Topa in kong ci hi,” hong ci hi.

Sawltak 21:13

Paul in zong, “Bang dingin kapin ka lungsim kizan nading na hih uh hiam? Topa Zeisu’ min hangin Jerusalem khua-ah kihen tham loin, sihna nangawn thuak dingin ka omkhol hi,” a ci hi.

JOB (Job) 5:19

Lungkhamna guk vei dong na tuahna-ah amah in hong hon ding a, a sagih veina dingah siatna in nang hong su nawn lo ding hi.

Isaiah 12:2

“En in, Pasian in keima kihotkhiatna ahi hi; amah ka muang ding a, ka lau kei ding hi; bang hang hiam cih leh Topa Pasian in thahatna leh vangliatna hong pia a, amah in keimah hong honkhiapa ahi hi,” a cih hun uh hong tung ding hi.

Late 115:3

Vantungah eite’ Pasian om a, ama ut peuhpeuh a hih hi.

Sawltak 20:24

Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

Daniel 6:27

Amah in gumkhiapa leh tankhiapa hi a, vantung leh leitungah, lim leh nalamdangte a bawl hi. Humpinelkaite’ thahatna panin, Daniel a suakta sak hi,” a ci hi.

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

1 SAMUEL MASA 17:46

Tu ni-in Topa in ka khut sungah nang hong pia ding a, keimah in nang hong sattukin na lu ka tankhia ding hi; tua ciangin tu ni-in huih lak vasate leh leitung ganhingte tungah Filistia mi a site’ luanghawmte ka pia ding hi; Israelte sungah Pasian khat a om lam leitung mi khempeuh in a theih nading,

1 SAMUEL MASA 17:37

Tua ciangin David in, “Humpinelkai khecin leh vom khecin panin kei hong honkhia Topa in hih Filistiapa khut sung panin kei hong honkhia ding hi,” ci thuah lai hi. Tua ciangin Saul in David kiangah, “Pai in, Topa in nang hong ompih ta hen!” a ci hi.

Piancilna 18:14

Na khatpeuh peuh Topa’ adingin haksa lua ahi hiam? A kisehsa kumkik ciangin nang' kiangah kong pai kik ding a, Sarah in tapa khat nei ding hi,” ci hi.

Isaiah 54:14

Thumanna tawh nang hong kikipsak ding hi; nenniamna tawh na kigamla ding a, nang na lau kei ding hi; kihtakna tawh na kigamla ding a, nang nai-ah hong pai lo ding hi.

JOB (Job) 34:29

Pasian in bangmah hih het kei taleh zong, kuamah in Pasian mawhsak zo lo ding hi. Amah in hong maingat het kei leh zong, kuamah in bangmah cih zo tuan lo ding hi.

Late 73:20

Amaute pen mi khat in mang a mat tawh kibang a, na khan’lawh ciangin amaute a bangci hiam cih na phawk nawn kei hi.

Piancilna 17:1

Abram kum sawmkua-le-kua a phak ciangin ama’ tungah Topa kilang a, “Keimah in Vanglian Pasian ka hi hi; hoih takin gamta in la, paubaang kei in.

2 KORIN NIHNA 1:10

Tua Pasian in tua zah-a lian sihna sung pan hong gumkhia a, hong gumkhia lai ding hi.

Late 37:40

Amaute in Topa bel ahih manin amah in amaute huhin honkhia hi; migilote kiang panin amaute honin suaktasak hi.

Jeremiah 15:20

Hih mite tungah sumngo tawh a kibawl khua kulhpi kong bang sak ding a, amaute in a hong sim uh hangin a hong zo kei ding uh hi. Bang hang hiam cih leh a hong honkhia ding leh a hong suahtak dingin nang kong om pih hi, Topa in kong ci hi.

Jeremiah 15:21

Mi gilote’ khut sungpan nang kong suahtak ding-a mi lauhuaite’ khut kol pan nang kong tankhia ding hi,” hong ci hi.

Daniel 3:26

Tua ahih ciangin Nebukhadnezzar mei phualpi kong gei-ah paito a, “Shadrak! Meshak! Abednego! Sangpen Pasian’ nasemte hong paikhia un,” ci-in a sam hi. Tua ciangin amaute zong thakhatin a hong paikhia pah uh hi.

Daniel 6:16

Tua ciangin kumpipa in Daniel humpinelkai koihna khuk sunga khiat dingin thu a pia hi. Amah in Daniel kiangah, “Thuman taka na biak tawntung na Pasian in hong honkhia ta hen,” a ci hi. Tua ciangin humpinelkai koihna khuk sungah Daniel a khia uh hi.

Daniel 6:23

Kumpipa a lungdam mahmah a, humpinelkai koihna khuk sung pan Daniel kaihkhiat dingin thu a pia hi. Tua ahih ciangin Daniel kaikhiato uh a, liamna themcik zong a neih loh lam a mu uh hi. Bang hang hiam cih leh amah in Pasian a muang hi.

Micah 7:7

Ahi zongin kei ka hih leh Topa ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Late 37:39

Thumante’ kihotkhiatna in Topa’ kiang pan hi a, amah in haksat hun ciangin amau bukna ahi hi.