Biblia Todo Logo
Bib sou entènèt

- Piblisite -




Daniel 2:47 - Tedim Bible

47 Kumpipa in, “Hih thu thukpi hong gen thei na hih manin na Pasian in thu thuk a lak, pasian khempeuh sung pan a lianpen, kumpite tunga Topa ahi hi,” a ci hi.

Gade chapit la Kopi

Tedim Bible Revision 2017

47 Kumpipa in, “Hih thuthukpi hong gen thei na hih manin na Pasian pen thuthuk a lak, pasian khempeuh sung pan a lian pen, kumpiteʼ tunga Topa ahi hi,” a ci hi.

Gade chapit la Kopi




Daniel 2:47
34 Referans Kwoze  

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukkhadnezzar kumpipa tungah a hong hilh zo hi.


Amah in thu thukpite leh thu simte a lakkhia hi. Amah in khuamial sunga kiselte thei a, amah khuavak in a umcih hi.


Topa Pasian in ama nasem kamsangte tungah, ama geelna theisak lopi-in bangmah hih het lo hi.


“Siria kumpipa in a ut bangbangin a gamta ding hi. Amah in pasiante sangin ka lianzaw a, Sangpen Pasian sangin zong ka thupi zaw lai hi ci-in a kisathei ding hi, a kiza ngei lo thu genin pasiante’ Pasian lang khatah thu gen ding hi. Hehna hun a kicing matengin amah gualzo ding hi, bang hang hiam cih leh a kiseh kholsa bang a, a tun’ nading ahi hi.


Bang hang hiam cih leh Topa na Pasian un a lian, a vanglian a kihtak huai Pasian, angvan nei loin, sumgolh a la lo, pasiante’ Pasian, topate’ Topa ahi hi.


Ama puanza tung leh a phei tungah, “kumpite’ Kumpi, topate’ Topa” ci-in min a kigelh hi.


Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.


Sihna tawh kipelh mi khat bek ahi, kuamah in a naih theiloh khuavak sungah om a, kuamah in a muh ngei loh, a muh theih loh, thupha a ngah Topa khat bek ahi kumpite’ Kumpipa, topate’ Topa in ama ciamtehna hun hong tun’ ciangin tua Topa’ hong kilat khiatna hong lak ding hi. Tua Pasian in pahtawina, vangliatna ngah tawntung ta hen. Amen.


Kumpipa aw, kumpi khempeuh lak pan nang a lianpen na hi hi. Vantung Pasian in nang kumpi-in hong koih a, ukna, vangliatna, thahatna leh minthan’na hong pia hi.


Lungdamna pen pasiante’ Pasian’ tungah ko un, bang hang hiam cih leh ama itna kip kho tawntung hi.


Pasian in thu vaihawm kikhopna sungah ama panmun hong len a, amah in pasiante lakah thu a khen hi.


Kumpi khempeuh ama mai-ah boksuk uh hen la, minam khempeuh in ama na sem ta uh hen!


Tua ahih ciangin Faro in Josef' kiangah, “Pasian in hihte khempeuh nang hong lak khin ahih manin, nang banga thu ngaihsut siam leh a pil om lo hi;


Mite sung pan hong kihawlkhia ding a, gamsate tawh na teeng khawm ding hi. Bawngtal bangin kumsagih sung lopa na ne ding hi. Tua ciangin Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi,” a ci hi.


Hih in a vil tawntung vantungmi’ thukhenna ahi hi. Tua ahih ciangin mun khempeuh ah a om mi khempeuhte in, Sangpen Pasian in mite’ kumpi gamah vai a hawm hi cih a thei ding uh hi. Amah in a teel peuhpeuh a neupente nangawn kumpi a suaksak thei hi.


Tua ciangin tua zanin tua thu thukpi mangmuhna tawh Daniel’ tungah kihilh a, amah in vantung Pasian’ min a phat hi.


Amah in siampite mihai suaksak a, mi vangliante lawnthal hi.


“A Vanglian Pa, Pasian, Topa! A Vanglian Pa, Pasian, Topa! Amah in thei hi, Israel mahmah in zong thei ta hen! Lehdona ahi a, Topa tungah thuman lohna ahi zongin a hih a, Topa zuihna panin pial dingin biakna tau lam ka hih uh leh, tu ni-in kote hong zah kei hen; tua ahih kei leh zong, tua tungah meihal biakna ahi a, an tawh biakna ahi a, thunuam-a biakna ahi zongin piak nadingin a lam ka hih uh leh Topa mahmah in hong thuk ta hen.


Mite sung panin hong kihawlkhia ding a, gamsate tawh na teeng khawm ding hi. Bawngtal bangin lopa na ne ding a, pua lamah lumin, kumsagih sung na tungah daitui a hong kia ding hi. Tua ciangin Sangpen Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi.


Tua pa in a lungsim sunga a selsim khempeuh kilang khia-in, amah in, “Pasian in note lakah a om takpi hi,” ci-in genin, bokin Pasian a bia ding hi.


Lungdamna pen topate’ Topa tungah ko un, bang hang hiam cih leh ama itna kip kho tawntung hi;


“Tua ciangin kumpi khempeuh lak panin a lianpen ahi Babilon kumpipa Nebukhadnezzar, nang Tai-ar khuapi a sim dingin kong paipih ding hi. Amah leilu lam gam pan hong kipanin galkap honpi, sakolte leh a leengte, leh sakol galkap honte hong tonpih ding hi.


Kumpipa na ihmut lai takin mai lama hong piang ding mang khat na man’ a, thu thukpi a lakkhia Pasian in a piang ding thu a hong lakkhol zo hi.


Tu-in midangte sangin ka pil zawk mana kei tungah tua a hong kilak hi loin, Kumpipa in na mangmat a khiatna leh na ngaihsut thu na theih nadingin a hong kilak ahi zaw hi.


Tua ahih ciangin tu in peengkulte, tamngaite, laiza lasakna gingte, harp lasakna gingte, gawsem leh tum theih dang gingte na zak khitphet uh ciangin kunin milim na bia ding uh hi. Na biak kei uh leh thakhatin mei phualpi sungah hong kikhul ding ahih ciangin a hong honkhia zo ding pasian peuhmah omin na um uh hiam?” a ci hi.


Tua ciangin kumpipa in “Shadrak,’ Meshak,’ Abednego’ Pasian phat un. Amah in a vantungmite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang mai-ah kunin bia nuam lo uh ahih manin mei phualpi sunga khul ding a ut zaw uh hi,” a ci hi.


Tu-in minam kimte, minam tuamtuamte, paunam tuamtuamte mi khat peuhpeuh in Shadrak,’ Meshak,’ Abednego-te’ Pasian gensiatna kam pau a om leh kibalnen gawp ding a, a inn uh a kisuksiat sak ding hi ci-in thukhamna ka bawl hi. Bang hang hiam cih leh hi banga hon thei pasian dang peuhmah om lo hi,” a ci hi.


Na gam sungah a siangtho pasiante’ kha a nei mi khat a om hi. Na pa kumpi ahih lai takin, tua mipa in pasiante’ pilna tawh a kibang pilna, theihna leh lungsim navakna a nei hi. Tua hi a, na pa Nebukhadnezzar kumpipa in tua pa aisan theite, mitphial siamte, khongkhai siamte leh aksi et siamte’ ukpi dingin a koih hi.


Tua ciangin Pasian’ mipa kiangah amah leh a pawlte khempeuh kileh kikin amah hong pai-in ama mai-ah ding hi; tua ciangin amah in, “En in, leitung khempeuhah Pasian om loin, Israel sungah om hi, ci-in ka thei hi; tua ahih ciangin tu-in na nasempa tung panin letsong khat hong sang in,” a ci hi.


Bang hang hiam cih leh Topa lian a, nakpi tak-a phat ding ahi hi; pasian dangte khempeuh sangin amah zahtak zawk ding ahi hi.


Swiv nou:

Piblisite


Piblisite