Daniel 2:44 - Tedim Bible

⁴⁴ Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Tedim Bible Revision 2017

⁴⁴ Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo dinga, tua gam in gamdang khempeuhte zo gawpin a kip tawntung ding hi.

Daniel 2:44 Referans Kwoze

Mattiu 28:18

Zeisu in amau kiangah va pai a, “Vantungah ahi zongin, leitungah ahi zongin, vangliatna khempeuh kei hong kipia zo hi.

Late 145:13

Na Kumpigam pen a tawntunga om kumpigam hi a, na ukna in khang tawntungin a kip hi. Topa pen ama thute khempeuh ah thutak a, a gamtatna khempeuhah hehpihna nei hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.

Micah 4:7

Khebaite ka om sak lai ding a, a kipaikhia mite a thahat minamte ka hisak ding hi. Tua hun akipan a tawntungin, Zion Mual panin amaute ka uk paisuak ding hi.

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

Daniel 4:34

A kisehsa hun a cin’ ciangin keimah Nebukhadnezzar in vantung lam ka ento a, ka khua theihna a hong tungkik hi. A nungta tawntung Sangpen Pasian’ min phatin, zahtakna leh minthan’na hih bangin ka pia hi: “Amah in a tawntungin uk ding a, a gam in a kip tawntung ding hi.

Isaiah 60:12

Bang hang hiam cih leh nangma na hong sem lo minam leh kumpi gam beimang ding hi; tua minamte kisia maimang ding hi.

Daniel 4:3

Pasian hong lah nalamdangte, bang zahin lian ahi hiam! A bawl nalamdangte, bang zahin vanglian ahi hiam! Pasian in a tawntungin kumpi hi ding a, Amah in a tawntungin a uk ding hi.

Daniel 2:37

Kumpipa aw, kumpi khempeuh lak pan nang a lianpen na hi hi. Vantung Pasian in nang kumpi-in hong koih a, ukna, vangliatna, thahatna leh minthan’na hong pia hi.

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Daniel 2:28

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukkhadnezzar kumpipa tungah a hong hilh zo hi.

Ezekiel 37:25

A pu a pate uh a ten’ nasa ahi ka nasempa Jakob tungah ka piak leitangah amaute teeng ding uh a, amaute bek hi loin a suan a khak dongun teeng suak ding uh hi. Ka nasempa David in amaute uk tawntung ding hi.

Mangmuhna 2:27

kei in ka Pa kiangpan thu ka ngah bangin beel seekte in beelte a suk khap zan bangin, amah in sik ciangkhut tawh a uk ding hi.

Johan 12:34

Tua hi a, mihonpite in, “Khazih a om tawntung ding hi,’ ci-in Thukhamna sungah ka za zo uh hi. Tua bang ahih leh, ‘Mihing Tapa in kikhaina a thuak ding hi,’ bang hangin ci na hi hiam? Hih Mihing Tapa kua mi ahi hiam?” ci-in a dong uh hi.

Daniel 8:25

A lungsim daplan lua ahih manin zuau phuah siamna tawh a hih peuhpeuh a tangtun’ ding hi. Amah kiliansak lua-in, theihkholh lohin mi tampi susia-in, a lianpen kumpite’ kumpipa nangawn a langpan’ ding hi. Ahih hangin mihing thahatna kizang loin amah a kisusia ding hi.

Daniel 2:34

Tua banga na et lai takin, kuama khuk lohin mual tung pan suangtumpi khat hong tuk a, sik leh tungman kigawm milim khete deng tanin a kithehthang hi.

Hebru 12:28

Tua ahih ciangin eite in a liing zo lo gam ngah i hih ciangin kihtakna zahtakna lungsim tawh Pasian a lungdamsak thei biakna na i sep zawh nadingin hong hehpihna lungsim nei ni.

Daniel 2:35

Thakhatin sik, tungman, sumngo, ngun leh khamte kitam nen gawp a, khualkhal hun-a ansi zap bangin a lengmang hi. Huih in leen’ mangkhin ahih manin them kha beek a kimu nawn kei hi. Ahih hangin tua suangtum hong khangkhanga mual cia hong phain leitung khempeuh a dim hi.

Daniel 2:43

Sik leh tungman kigawm na muh mah bangin tua kumpi gam’ukte in kigawm ding hanciamin zi leh ta-in a kiman ding uh hi. Ahih hangin sik leh tungman a kimat theih loh mah bangin a kigawm thei kei ding uh hi.

Haggai 2:7

Minam khempeuh lokgawp ding ka hih manin, a neihsa uh sum leh paiite, hih munah hong kipuak ding a, biakinn sungah a dimin van hong om ding hi.

2 SAMUEL NIHNA 7:13

Amah in keima min dingin inn khat lam ding a, keimah in ama kumpigam tokhom a tawntungin ka kipsak ding hi.

2 SAMUEL NIHNA 7:16

Na inn leh na kumpigam keima mai-ah a kip tawntungin kibawl ding hi; na kumpi tokhom kip tawntung ding hi,’ ci hi,” a ci hi.

Daniel 6:27

Amah in gumkhiapa leh tankhiapa hi a, vantung leh leitungah, lim leh nalamdangte a bawl hi. Humpinelkaite’ thahatna panin, Daniel a suakta sak hi,” a ci hi.

Haggai 2:22

Kumpi gam khempeuh lumletin a vangliatna uh a beisak ding ka hi hi. Leengte leh leeng hawlte ka lawnthal ding a, sakol leengte leh a tung tuangte puk ding uh a, amaute khat leh khat kithat lum ding uh hi.