Biblia Todo Logo
Bib sou entènèt

- Piblisite -




Daniel 2:4 - Tedim Bible

4 Amaute in Aram pau tawh, “Kumpipa aw, na khan’ sau ta hen! Na mang hong gen leteh a khiatna kong gen ding uh hi,” a ci uh hi.

Gade chapit la Kopi

Tedim Bible Revision 2017

4 Amaute in Aram pau tawh, “Kumpipa aw, na khansau hen! Na mang hong gen leteh a khiatna zong kong gen ding uh hi,” a ci uh hi.

Gade chapit la Kopi




Daniel 2:4
23 Referans Kwoze  

Kumpipa leh a u liante gamlum ngeingai-a a om lai takun, kumpinu pawi inn sungah hong lut a, “Kumpipa aw, sau veipi nungta in. Bang hangin lungkham lua-in na mel daangsak ngeingai zenzen na hi hiam?


Amaute in Nebukhadnezzar kumpipa kiangah, “Kumpipa aw, na khan sau hen!


Tua ciangin Persia kumpi Artakzaksis hun ciangin Mithredath, Tabeel leh a lawmte uh thukimna tawh kumpipa tungah laigelh uh a, a lai pen Aram lai-in kigelh a, Aram pau mahin kisim khia hi.


Tua ciangin Eliakim, Shebna leh Joah in a ulianpa kiangah, “Kote in thei ngawn ka hih manun na nasemte tungah Aram pau tawh hong gen hoh in; kulh tunga om mite’ zakna-ah Judah pau tawh thu nong gen loh nadingin kong thuum uh hi,” ci uh hi.


Daniel in, “Kumpipa aw, sau veipi nungta in.


Tua ciangin amaute kumpipa kiangah pai uh a, “Darias kumpipa aw, sau veipi nungta in!


Tua ciangin Bathsheba in leilak lam mai ngatin kunin kumpipa tungah zahtakna bawl a, “Ka to Kumpi David nungta tawntung ta hen!” a ci hi.


A mai pai, a nung a zui mihonpite in, “David’ Tapa tungah Hosanna! Pasian’ min tawh hong paipa in thupha ngah ta hen! Van a sangbelna-ah Hosanna!” ci-in a kiko uh hi.


Kumpipa’ thudot mite hong tung uh a, ahih hangin tua lai a sim thei leh kumpipa tunga a khiatna a gen thei kuamah a om kei uh hi.


Tua ciangin Belteshazzar zong a kici Daniel in a lungmang lua ahih manin tawmvei sung bangmah gen thei loin a om hi. Kumpipa in, “Belteshazzar aw, mang leh a khiatna huhau in na lung mangsak zenzen kei in,” a ci hi. Belteshazzar in, “Kumpipa aw, na mangmat leh a khiatna pen na galte tungah tungzaw hen.


Tua ciangin aisan theite, mitphial siamte, khongkhaitheite, aksi et siamte khempeuh hong pai uh a, amaute kiangah ka mang ka gen hi. Ahih hangin a khiatna a hong gen thei kei uh hi.


zuau thu gente’ hilhkholhna limte a siasakpa, aisante pen mihai a suaksakpa, mi pilte lehhei kikin, amau’ thu theite haina a suaksakpa;


kumpipa ka dawng a, “Kumpipa nungta tawntung in. Ka pute ka pate a kivuina khuapi sia gawp a, a kongpite kangtum ahih ciangin maikhing loin bangci om theih ding ka hi hiam?” ka ci hi.


Bang hang hiam cih leh tu ni-in amah paisuk khinin, bawngtalte, ganno thaute, leh tuute, tampi tak biakna-in pia a, kumpipa’ tapate khempeuh, galkapte a ukpa Joab, leh siampi Abiathar sam hi; en in, amaute in ama mai-ah ne-in dawn uh a, ‘Kumpi Adonijah a khan’ sau hen!’ ci uh hi.


Tua ciangin Samuel in mi khempeuh tungah, “Topa in a teelsa mipa na mu uh hiam? Mi khempeuh lakah amah tawh a kibang khat zong om lo hi,” a ci hi. Tua ciangin mi khempeuh awngin, “Kumpipa khan’ sau hen!” a ci uh hi.


Tua ahih ciangin zingsangin a lungkham hi; amah in mi sawlin Izipt mitphial siamte khempeuh leh a mi pil khempeuh samsak hi; Faro in amaute kiangah a mang gen a, ahih hangin Faro tungah a khiatna a gen thei kuamah om lo hi.


Laban in Jegarsahadutha ci hi; ahih hangin Jakob in Galeed ci hi.


Tua ciangin Hilkiah’ tapa Eliakim, leh Shebnah, leh Joah in a ulianpa kiangah, “Kong thum uh hi, kote in thei ka hih manun Aram pau-in na nasemte tungah thu hong gen in; kulh tunga om mite’ zakin Judah pau-in kote tungah hong gen kei in,” a ci uh hi.


Tua mite in kumpi inn sunga nasem siamte a suah theih nadingun a mel hoih, pumpi tung poina neilo, a navak, hoih taka pilna kisinsak, na a thei baih lungsim navakte ngentang ding ahi hi. Ashpenaz in amaute Babilon lai leh pau a hilh ding ahi hi.


Amaute in, “Kumpipa aw, na mang hong gen phot leteh a khiatna ka hong gen ding uh hi,” ci-in a dawngkik uh hi.


Ama kiangah, aisan theite laka alianpen Balteshazzar aw, a siangtho pasiante’ kha na sungah om ahih manin thu thuk khempeuh na theihtheih lam ka thei hi. Hih ka mang a khiatna hong gen in, ka ci hi.


Na gam sung nasem ko vaihawmpite, gam ukpite, gam ukpi huhte leh kumpipa thudot mite khempeuh in, Kumpipa in ngat taka zuih ding thukham khat na bawl ding ka thukim uh hi. Tu zawh ni sawmthum sungin nang kumpipa’ kiang longal, pasian kiang ahi a, midang khatpeuh kiang ahi zongin thungen om thei lo ding hi ci-in na kham ding hi. Hih na thupiakna a mang lo peuhmah humpinelkai koihna khuk sungah kikhia ding hi.


Swiv nou:

Piblisite


Piblisite