Daniel 2:34 - Tedim Bible

³⁴ Tua banga na et lai takin, kuama khuk lohin mual tung pan suangtumpi khat hong tuk a, sik leh tungman kigawm milim khete deng tanin a kithehthang hi.

Tedim Bible Revision 2017

³⁴ Tua banga na et laitakin mual tung panin suangtumpi khat kuama khuk lohin hong tuk a, sik le tungman kigawm milim khete deng tanin a kithehthang hi.

Daniel 2:34 Referans Kwoze

Daniel 8:25

A lungsim daplan lua ahih manin zuau phuah siamna tawh a hih peuhpeuh a tangtun’ ding hi. Amah kiliansak lua-in, theihkholh lohin mi tampi susia-in, a lianpen kumpite’ kumpipa nangawn a langpan’ ding hi. Ahih hangin mihing thahatna kizang loin amah a kisusia ding hi.

Zekhariah 12:3

Tua hun hong tun’ ciangin suangtumpi gik mahmah bangin Jerusalem khuapi ka bawl ding a, liik khiat a sawm minam khatpeuh peuh in liamlawh ding hi. Leitung minam dang khempeuh kipawlin Jerusalem sim ding uh hi.

Isaiah 60:12

Bang hang hiam cih leh nangma na hong sem lo minam leh kumpi gam beimang ding hi; tua minamte kisia maimang ding hi.

2 KORIN NIHNA 5:1

Kote omna ahi leibuk in a siat leh, khut tawh kibawl lo Pasian’ bawlsa, a kisia ngei lo vantungah inn a om cih ka thei uh hi.

Zekhariah 4:6

Tua ciangin vantungmi in kei kiangah, “Topa in Zerubbabel’ tungah hih bangin thu gen hi; Thagum hat hang hi lo, vangliatna hang zong hi lo, keima tung panin na ngah Kha hang bek tawh na ma na tun’ zo ding hi.

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-etsa suang, a manpha innkiu suang, bulpi muanhuai khat ka koih hi: Tua suang tungah, ‘Hih a um mi in lungkhamna tuak lo ding hi,” ci-in kigelh hi.

1 PETER MASA 2:7

Tua ahih ciangin a um note adingin tua suangpi in a manpha mahmah hi. A um lote ading ahih leh: “Inn lamte’n a nilkhiat suang in, Anung ciangin inn kiu suang a piang hi,” cih ahi zongin,

Mattiu 16:18

Ke’n kong cih-inah, nang, Piter na hi hi. Hih suang tungah ka pawlpi ka lam ding hi. Hel khua kongkhakte in tua pawlpi a zo kei ding uh hi.

Late 118:22

Inn lamte in a nilkhiat suang pen innkiu suang bulpi suak khin ta hi.

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Hebru 9:24

Tua mah bangin a siangthona mun taktak lim ahi, mi khut tawh kibawl a siangtho mun sungah Khazih tum lo hi. eite taang dingin tu-in Pasian mai-ah a pumpi a lah nadingin vantungah a tum hi.

Sawltak 4:11

Tua Topa in innlam note in na paih uh, a nung cianga kiukawi bul a suakkik suang ahi hi.

Johan 1:13

Tua tate in si leh sa tawh suak ahi kei uh hi; mihing’ deihna bangin a suak kei uh hi, Pasian’ deihna bangin a suak uh hi.

Isaiah 8:9

No minam dangte aw, galsim dingin awng un, thei un la, kitamzan un; gamlapi-a om gamte khempeuh aw, ngai un; kigalging un, ahih hangin lungkiatna na thuak veve ding uh hi; kigalging un, ahih hangin lungkiatna na thuak veve ding uh hi.

Daniel 2:33

A khete sik tawh kibawl a, a khepekte khenkhat sik leh khenkhat tungman kigawm ahi hi.

Ezekiel 32:28

Tua mah bangin nang Faro zong Pasian a thei lo, gal sunga a site lakah na om ding hi.

Ezekiel 47:5

Tua ciangin tong tul ciang mah teh suk lai leuleu a, a lui tui thuk lua ta ahih manin ka ngap zo kei hi. Thuk lua ahih manin a tui i peek loh buangin a kikantan zo ding hi lo hi.