Daniel 2:28 - Tedim Bible

²⁸ Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukkhadnezzar kumpipa tungah a hong hilh zo hi.

Tedim Bible Revision 2017

²⁸ Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukhadnezzar kumpipa tungah a hong hilh zo hi.

Daniel 2:28 Referans Kwoze

Piancilna 40:8

Amaute in ama' kiangah, “Mang ka man uh a, tuate a khia ding om lo hi,’ ci uh hi. Josef in amaute' kiangah, “Khiatnate Pasian’ gen hilo ahi hiam? Kei' kiangah hong gen un, hong thum ing,” ci hi.

Amos 4:13

Bang hang hiam cih leh mualte bawlin, huihte a piangsakpa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpa’ min in Topa, mihonpite’ Pasian ahi hi.

Daniel 10:14

Mai lam hunah na mipihte’ tunga hong tung ding thu hilhkhol dinga hong pai ka hi hi. Hih in mai lama hong piang lai ding mangmuhna ahi hi.

Daniel 2:22

Amah in thu thukpite leh thu simte a lakkhia hi. Amah in khuamial sunga kiselte thei a, amah khuavak in a umcih hi.

Piancilna 49:1

Tua ciangin Jakob in a tapate sam a, “A hong tung ding hunte ah note tunga hong tung ding thu kong gen theih nadingin note hong kikhawm un.

Isaiah 2:2

Nidang ciangin Topa’ inn omna mual pen, mual liante lakah a sang penin kikipsak ding a, mual neute tungah kisangsak ding hi; tua-ah minamte khempeuh pai muamua ding uh a,

Piancilna 41:16

Josef in Faro dawngin, “Tua in kei' sungah om lo hi; Pasian in Faro' tungah a hoih lamin dawn’na hong pia ding hi,” ci hi.

2 PETER NIHNA 3:3

Amasa bel-a theih ding akilawm thu in a nunung bel nite ciangin a kosia thei mite in amaute’ deihgawhna bang gamta-in:

Mattiu 6:9

Tua ahih ciangin, thu na nget uh ciangin hih bangin na ngen un: ‘Vantunga a om kote Pa aw, nangma min siangtho ta hen.

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

Daniel 4:5

Ahih hangin ka ihmut lai takin a lauhuai mang khat ka man a, a dipkuat huai mang ka mu hi.

Daniel 2:18

Amah in vantung Pasian in amaute hehpih a, tua thu thukpi genkhia thei a, Babilon gamsunga mipil dangte tawh thahna a thuak khawm loh nadingun thu i ngen ding hi ci-in a gen hi.

Late 115:3

Vantungah eite’ Pasian om a, ama ut peuhpeuh a hih hi.

Hebru 1:1

Pasian in tang lai-a kamsangte tungah, i pute pate kiangah atuam atuamin thu a piak kikkik khit ciangin, a nunung bel hih nite-ah ama Tapa tungah eite thu hong pia zo hi. Tua a Tapa na khempeuh luah dingin a koih zo hi; ama tungah zong leitung a piangsak hi.

Daniel 2:47

Kumpipa in, “Hih thu thukpi hong gen thei na hih manin na Pasian in thu thuk a lak, pasian khempeuh sung pan a lianpen, kumpite tunga Topa ahi hi,” a ci hi.

Ezekiel 38:16

khuapi huih in gam sung teng a nawk gawp bangin keima mi Israelte na sim ding hi. A hun a tun’ ciangin, nangmah zangin na ka sepna tawh minamte lakah ka siangthona ka lah theihna dingin keima gam a sim dingin kong sawl ding hi.

Jeremiah 30:24

A lungsim sunga a tupna teng a tangtun’sak matengin, Topa’ hehna a lauhuaipi kilehkik lo ding hi. Hong pai lai ding hunte ah note in na telzaw semsem ding uh hi.

Thu-hilhkikna 31:19

Tua ahih ciangin hih la gelh in la, Israel mite hilh in; hih la in kei’ adingin Israel mite lang khatah teci ahih theih nadingin amaute tungah hih la hilh in.

Thu-hilhkikna 4:30

Note in gimna thuakin, mai lam hunah hih nate khempeuh no tungah hong tun’ ciangin, Topa na Pasian uh lamah kihei-in ama thu na mang ding uh hi,

2 TIMOTI NIHNA 3:1

A nunung bel nite lai takin a haksa hunte a hong piang ding hi ci-in na ciamteh in.

Ezekiel 38:8

Minam tuamtuamte lak panin kikaikhawm kikin a gam uh a kitut kik zawh gal launa nei loin a om Israel mite’ gam a sim dingin kum tampi khit ciangin kong sawl ding hi. Sau veipi sung kinusia-in gamkhing a suak ngei hi napi-in, tu-in a mite khempeuh lungmuang takin a omna Israel mual tung gamte a sim ding na hi hi.

Jeremiah 48:47

Ahih hangin Topa in kong cih-inah, nidang ciangin Moab gam a ngei bang sakin ka hausak kik ding hi,” a ci hi. Moab gam thukhenna tu-a zah ahi hi.

Gamlak-vakna 24:14

Tu-in, en in, ka mite kiangah ka pai ding hi; hong pai in, nidang ciangin hih mite in na mite tungah a bawl dingte kong thei sak ding hi,” a ci hi.

Mangmuhna 1:1

A sawt loin a piang ding nate ama silate tungah lah dingin Pasian in a piaksa Zeisu Khazih’ mangmuhna lai ahi hi. Tua Topa in ama vantungmi khat sawl a, ama silapa Johan kiangah hilh hi.

Piancilna 41:25

Tua ciangin Josef in Faro’ kiangah, “Faro’ mang in khat ahi hi; Pasian in ama' bawl ding Faro’ tungah hong kilangsak khin hi.

Jeremiah 10:7

Gam khempeuhte’ Kumpipa aw, kua in nang hong kihta lo ding ahi hiam? Nang, kihtak ding mah na hi hi. Bang hang hiam cih leh leitung mipil khempeuhte’ lak leh amau’ gamsung khempeuh lakah, nang bang mi kuamah om lo hi.

Ezekiel 28:3

Daniel sangin pil na kisa zaw a, theih loh a nei loin na kingaihsun hi.

Daniel 1:20

Kumpipa in bangbang thu haksa nono a dot hangin, hi mi lite in ama gamsung khempeuh a, mitphial siamte leh aisan theite khempeuh sangin a zah sawmin a siamzawk lam uh a mu hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Daniel 2:45

Kuama lawn’ loh a, mualtung pan hong tuksuk suangtum in sik, sumngo, tungman, ngun leh kham tawh kibawl milim a den paih na mu hi. A lian Pasian in mai lamah bang hong piang ding cih Kumpipa a hong hilh hi. Na mangmat pen ahi bang tektekin kong gen a, a khiatna zong a maan bangin kong gen zo hi,” a ci hi.