Daniel 2:22 - Tedim Bible

²² Amah in thu thukpite leh thu simte a lakkhia hi. Amah in khuamial sunga kiselte thei a, amah khuavak in a umcih hi.

Tedim Bible Revision 2017

²² Amah in thuthukpite le thusimte a lak khia hi. Amah in khuamial sunga kiseelte thei a, khuavak in amah a umcih hi.

Daniel 2:22 Referans Kwoze

JOB (Job) 12:22

Amah in khuamial sung panin thuthukte kalkhia a, a kithei zolo thute kitelsak hi.

1 JOHAN MASA 1:5

Ama kiangah ko ka zak uh a, note kiangah kong hilh uh thu in: Pasian in khuavak hi a, ama sungah khuamial a om peuhmah kei hi.

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

Hebru 4:13

Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

Jeremiah 23:24

Mi khat peuhpeuh kei’ muh loh dingin busim thei ding ahi hiam? Topa in kong ci hi. Leitung, vantung mun khempeuh ah ka om lamtak thei lo na hi uh hiam? Topa in kong ci hi.

Late 25:14

Topa tawh kilawmtatna in amah a zahtakte’ ading hi a, a thuciamna amau tungah kitheithang sak hi.

Daniel 5:11

Na gam sungah a siangtho pasiante’ kha a nei mi khat a om hi. Na pa kumpi ahih lai takin, tua mipa in pasiante’ pilna tawh a kibang pilna, theihna leh lungsim navakna a nei hi. Tua hi a, na pa Nebukhadnezzar kumpipa in tua pa aisan theite, mitphial siamte, khongkhai siamte leh aksi et siamte’ ukpi dingin a koih hi.

Late 36:9

Bang hang hiam cih leh nuntakna tuinak nang tawh om a, na khuavak sungah kote in khuavak ka mu uh hi.

Daniel 2:11

Kumpipa’ thu dotna pen haksa lua mahmah ahih manin, mihing ahi lo pasiante longal a gen thei ding kuamah om lo hi,” a ci uh hi.

Isaiah 45:7

Keimah in khuavak leh khuamial piangsakin, a pha nate leh a sia nate ka piangsak a, hih nate khempeuh a bawlpa in keimah Topa ka hi hi.

Efesa 3:5

Tua thuthukte in a siangtho sawltakte leh Pasian’ kamsangte kiangah tu lai taka Kha Siangtho hangin a kilat mah bangin, nidang lai-inah mihingte kiangah a kilang ngei kei hi.

1 KORIN MASA 4:5

Tua ahih ciangin khuamial lakah a kiselte leh lungsim sungah hanciamnate a kilangsak ding, Pasian hong pai dong matengin, a hun hong tun’ ma-in thu na khen kei un. Tua hun ciangin Pasian kiang pan phatna thu a ngah ciat ding uh hi.

Johan 21:17

Zeisu in, “Johan’ tapa Simon aw, kei na hong it hiam?” ci-in thumveina a dong hi. “Nang in kei na hong it hiam?” ci-in thumvei a dot man-inah Piter dah a, “Topa aw, nang in na khempeuh na thei a, ke’n nang kong it na thei hi,” a cih ciangin Zeisu in, “Ka tuute na vak in.

Isaiah 41:22

Amaute in a thu uh hong paipih hen la, a piang ding thu hong gen uh hen. Eite in i ngaihsut theih nading a, a hong piang ding thu i theih nadingin a beisa hun-a om nate bang teng hiam cih hong gen uh hen; tua ahih kei leh zong, a hong piang ding thu eite tungah hong gen ta uh hen.

Late 104:2

Puanza bangin, khuavak tawh nang na kituam a, vantungte pen puanbuk bangin na zal hi.

JOB (Job) 26:6

Pasian’ muhna-ah misite’ gam kilang sinsen a, a muh theih lohna dingin a liah bangmah om lo hi.

Johan 8:12

Khatvei Zeisu in, “Keimah in hih leitung khuavak ka hi hi. Ka nung hong zuite in khuamial lakah pai loin nuntakna khuavak a ngah ding hi,” a ci hi.

Johan 1:9

Khuavak taktak a om hi. Tua khuavakna in leitung a, piang mi khempeuh a vaksak hi.

Mattiu 13:13

Tua ahih ciangin, tua mite thugentehna tawh ka hilh hi. Bang hang hiam na cih uh leh, amau enin, en napi-in mu lo ding uh hi. Ngai-in, ngai napi-in za lo uh a, akhiatna a thei kei ding uh hi.

Daniel 5:14

Na sungah pasiante’ kha om ahih manin siamna na nei a, lung pilna leh theihna na neih lam ka thei hi;

Isaiah 42:9

En un, hun beisa-a nate in hong kheng a, tu-in a thak nate kong gen hi; tuate a hong pian’ khiat ma-in note tungah a thute kong gen khol hi.”

Isaiah 41:26

Eite in i theih nadingin a kipat cil-a kipan kua in hong genkhia a, “Amah man hi,” i cih theih nadingin a hun ma-in kua in gen ahi hiam? Kuamah in gen khia lo, kuamah in pulak lo a, kuamah in no’ thu za lo hi.

Piancilna 41:16

Josef in Faro dawngin, “Tua in kei' sungah om lo hi; Pasian in Faro' tungah a hoih lamin dawn’na hong pia ding hi,” ci hi.

Daniel 2:19

Tua ciangin tua zanin tua thu thukpi mangmuhna tawh Daniel’ tungah kihilh a, amah in vantung Pasian’ min a phat hi.

Daniel 2:47

Kumpipa in, “Hih thu thukpi hong gen thei na hih manin na Pasian in thu thuk a lak, pasian khempeuh sung pan a lianpen, kumpite tunga Topa ahi hi,” a ci hi.

Thu-hilhkikna 29:28

Topa in hehna, sinsona, lungham mahmahna tawh a leitang panun amaute zunglot a, tu ni-a i muh bangin amaute gamdangah lawn hi,’ ci ding uh hi.

Thuhilh-sia 8:1

Mipilte bek in na akhiatna taktak theithei uh hi. Pilna in mipilte maitaisak a, a hehmai bei sak hi.

Jeremiah 33:3

Kei nong sap leh kong dawngkik ding a, na theih ngei nai loh a ki-im cip thu lianpite kong gen ding hi.