Daniel 2:21 - Tedim Bible

²¹ Amah in hun leh khuahunte kheel; kumpite a koih a, lah a lakhia hi. Amah in mite pilna leh theihna a pia hi.

Tedim Bible Revision 2017

²¹ Amah in hun le khuahunte kheel a, kumpite koihin lah a la khia hi. Amah in mite tungah pilna le theihna a pia hi.

Daniel 2:21 Referans Kwoze

Daniel 4:17

Hih in a vil tawntung vantungmi’ thukhenna ahi hi. Tua ahih ciangin mun khempeuh ah a om mi khempeuhte in, Sangpen Pasian in mite’ kumpi gamah vai a hawm hi cih a thei ding uh hi. Amah in a teel peuhpeuh a neupente nangawn kumpi a suaksak thei hi.

Daniel 7:25

Amah in Sangpen Pasian langpan’ in thu gen ding a, Pasian’ mite a bawlsia ding hi. Amah in amaute’ biakna tawh kipawl thukham leh pawi bawlna hunte kheel sak ding hanciam ding a, Pasian’ mite in ama khut sungah kumthum leh a lang a om ding uh hi.

Daniel 4:32

Mite sung pan hong kihawlkhia ding a, gamsate tawh na teeng khawm ding hi. Bawngtal bangin kumsagih sung lopa na ne ding hi. Tua ciangin Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi,” a ci hi.

JOB (Job) 12:18

Amah in kumpite za kia sak a, thong-ah a khia hi.

1 KUMPI MASATE 4:29

Pasian in Solomon tungah teh zawh lohin a thuk mahmah pilna leh theihna, leh tuipi gei-a sehnel bangin lungsim zaina pia a,

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

Luka 21:15

Bang hang hiam na cih uh leh, na galte khempeuh un hong nial theih loh hong sel theih loh nadingin gen theihna kam leh pilna note kong pia ding hi.

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

1 KUMPI MASATE 3:28

Tua ciangin Israel khempeuh in kumpipa’ piak thukhenna za uh hi; thutang a sem dingin ama tungah Pasian in pilna pia hi, ci-in phawk uh ahih manin amaute in kumpipa lamdangsa-in om uh hi.

Paikhiatna 31:3

lim hoihte a geel ding, kham, ngun, sumngo tawh na a bawl ding, siamna nam khempeuhah nasep nading, bulh ding suangte seekna leh sing zep nasep a sem dingin Pasian’ Kha, siamna, pilna, theihna leh khut siam nasep khempeuh tawh amah ka kidimsak hi.

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

Daniel 2:9

Ka mangmat nong gen kei uh leh note khempeuh thukhenna khat bek ka hong pia ding hi. No teng khempeuh in lungsim kikhat in zuau thu gengen leng a ngaihsutna hong kikhel ding hi a ci nuam na hi tazen uh hi. Tua ahih ciangin ka mangmat hong gen phot un, tua hi leh a khiatna zong hong gen thei ding ci-in ka hong muang ding hi,” a ci hi.

1 KHANG TANGTHU MASATE 22:12

Amah in Israel tungah nang hong uksak ciangin Topa na Pasian’ thukham na zuih theih nadingin Topa in ngaihsut pilna leh thutelna nang tungah hong pia ta hen.

1 KUMPI MASATE 10:24

Tua ciangin Pasian in ama lungsim sunga a koih ama pilna a ngai dingin leitung buppi in Solomon’ omna zong uh hi.

Mangmuhna 19:16

Ama puanza tung leh a phei tungah, “kumpite’ Kumpi, topate’ Topa” ci-in min a kigelh hi.

Daniel 11:6

Kum sauvei sim khit ciangin Izipt kumpipa in kipawl khop theih nadingin a tanu leh Siria kumpipa a kiteng sak ding hi. Ahih hangin tua kipawl khopna kip lo ding a, tua numei nu leh a tonpih a nasemte leh a ta leh a pasal a kithat lum ding hi.

1 KHANG TANGTHU MASATE 29:30

ama ukna leh ama vangliatnate khempeuh leh ama tung leh Israel tung, leh gamsung kumpi gamte khempeuh tungah a tung thute a kiciamtehna tawh kigelh khawm hi.

Paikhiatna 31:6

En in, amah tawh, Dan minam, Ahisamak’ tapa Oholiab ka seh khin zo hi; amaute in nang kong thupiak khempeuh a bawl theih nadingun a hih thei mi khempeuh' tungah siamna ka pia khin zo hi.

Esther 1:13

Tua ciangin kumpipa in upadi siam a mi pilte thu dong hi; bang hang hiam cih leh upadi leh biakna lam thu theite khempeuh thu dotpen kumpipa’ zat ngei khat ahi hi;

ROM (Romans) 13:1

A hong uk mangte ukna khempeuh na mang un. Bang hang hiam na cih uh leh, Pasian in thu a piak kei leh, ukna aana a nei kei ding uh hi. Ukna za a nei khempeuh Pasian piak za ahi hi.

Daniel 1:17

Pasian in tua khangno lite lai theih siamna leh pilna thukte a pia hi. Daniel pen mangmuhna leh mang khiat siamna a pia hi.

Daniel 2:20

“Pasian min kiphat tawntung ta hen; amah pilin a vanglian hi.

Daniel 2:23

Nang ka pu ka pate’ Pasian na hi a, Ka hong phat a, ka hong zahtak hi. Nangmah in pilna leh thahatna na hong pia zo hi; thungetna zong za a, kumpipa kianga ka gen ding thu nong lak zo hi,” a ci hi.

Daniel 10:1

Sairas in Persia gam kumpi-a a suah zawh kumthum a phak lai takin, Belteshazzar a kici Daniel tungah thu khat a kipia hi. Tua thu pen a maan hi a, theihtel hak mahmah ahih manin mangmuhna tawh tel takin a kilak hi.

Daniel 4:14

Amah in nakpi-in kiko-in, “Singkung phuk in la, a hiang teng sattan in; a teh teng heuh siang in la, a gah teng thehthang in. A nuai-a ganhing teng leh a hiang tunga vasa teng hawlkhia in,

Daniel 4:22

Kumpipa aw, nangmah in tua singkung na hi hi. Nang na lian a, na thahat hi. Nakpi takin khanga lian mahmah na hih manin vantung dong na banto a, na vangliatna in leitung khempeuh ah a kizel hi.