Daniel 12:9 - Tedim Bible

⁹ Amah in, “Daniel aw, tu-in ciah in, bang hang hiam cih leh hih thute in beina hun a tun’ mateng selcip a, ciamteh ding ahi hi.

Tedim Bible Revision 2017

⁹ Amah in, “Daniel aw, tu-in ciah in; bang hang hiam cih leh hih thute pen beina hun a tun mateng selcipin ipcip ding ahi hi.

Daniel 12:9 Referans Kwoze

Daniel 12:4

Tu-in Daniel aw, beina hun a tun’ mateng laibu khakcip in la, a tungah ciamtehna koih in. A kal lakah mi tampite’ pilna khangin, bang thu piang hiam cih thei tel nuamin kileh kawikawi ding uh hi,” hong ci hi.

Daniel 8:26

Hih zingsang leh nitak biakna piakna mangmuhna thu a hong kihilhtelna in a maan ahi hi. Tu in hih mangmuhna thu a hong tun’ ding hun sawtpi hi lai ahih manin imcip phot in,” hong ci hi.

Mangmuhna 10:4

Tua bangin vanging sagihte genna gelh dingin ka kisak leh, “Vanging sagihte in a gen uh thute ciamtehin gelh kei in,” ci-in vantung pan hong pusuak aw ka za hi.

Isaiah 29:11

Hih mangmuhnate khempeuh pen note’ adingin ahih leh a kimatcip laibu sunga thu om tawh a kibang suak hi. Mite in lai a sim theipa khat tungah, “Hih lai sim dih in,” a cih ciangin amah in, “Kimatcip ahih manin ka sim thei kei hi,” ci hi.

Isaiah 8:16

Ka nungzuite aw, Pasian in kei tungah hong piak hih teci thute, lim takin kemin koih cing un.

Daniel 10:14

Mai lam hunah na mipihte’ tunga hong tung ding thu hilhkhol dinga hong pai ka hi hi. Hih in mai lama hong piang lai ding mangmuhna ahi hi.

Daniel 11:40

Siria kumpipa hun a bei dektak ciangin, Izipt kumpipa in amah a sim ding hi. Siria kumpipa in a tha neih teng siit loin tuikhang bangin, sakol tawh, sakol galkapte tawh, teembaw tampi tawh Izipt a do ding hi.

Daniel 12:8

A thugen ka za a, ahih hangin tel takin ka thei kei hi. Tua ahih ciangin, “Topa aw, bang ci bangin beina a hong piang ding hiam?” ci-in ka dong hi.