Daniel 12:6 - Tedim Bible

⁶ Tua mite khat in puanpak silh a, gungal a gamla zaw deuh-a a ding pa’ kiangah, “Hih nalamdangte a bei nading bang tanvei sawt ding ahi hiam?” ci-in a dong hi.

Tedim Bible Revision 2017

⁶ Tua mite khat in puan pak silh a, gun gal a gamla zaw deuhin a ding pa kiangah, “Hih nalamdangte a beina ding bang tanvei sawt ding ahi hiam?” ci-in a dong hi.

Daniel 12:6 Referans Kwoze

Daniel 8:13

Vantungmi khat in a dang vantung mi khat kiangah thu a dot ka za a, “Hih mangmuhna a tangtun’ nading bang tan vei sawt ding a, a muhdah huai mawhna in nisim biakna piakna bang tan vei khak ding hiam? Vantung galkapte leh biakinnpi bang tan vei kituancil ding ahi hiam?” a ci hi.

Ezekiel 9:2

Leilu lam biakinn kongpi pua lam panin thakhatin mihing guk hong pai a, hiam khat ciat hong tawi uh hi. Saihadial puan a silh, laigelh nading a tawi mi khat tawh zong hong paikhawm uh hi. A vekpi-un sumngo biaknatau gei-ah hong ding uh hi.

Daniel 8:16

Ulai gungal panin mihing’ aw khat hong kiko a, “Gabriel aw, ama kiangah a muh nate a khiatna hilh in,” cihna ka za hi.

Mangmuhna 19:14

Vantunga om galkapte in zong a siangtho a paak saihadial silhin sakol kaang tungah tuangin ama nung a zui uh hi.

Mangmuhna 15:6

Gimna pawl sagih a nei vantungmi sagihte in a siangtho, a taang suangmanpha silhin, a awm-ah kham awmgak gakin tua biakinnpi pan a pusuah khit uh ciangin,

Mangmuhna 6:10

Amaute in zong, “A siangtho, a dik Vanglianpen Topa aw, leitungah a om mite, kote’ sihna sisan hangin thu khenin daantat loin bang tan vei sawtpi na om ding hiam?” ci-in nakpi a kiko uh hi.

1 PETER MASA 1:12

Amaute’ thuhilh nasepnate in amaute ading hi lo, note ading ahi ci-in amaute kiangah a kilang hi. Vantung pan hong sawl Kha Siangtho tawh note kiangah Lungdamna Thu hong hilh mite in tua nate note kiangah tu-in hong hilh uh hi. Tua nate vantungmite in zong a en nuam uh hi.

Efesa 3:10

Tua ahih ciangin i Topa Khazih Zeisu sungah Pasian’ tawntung ngimna omsa bangin vantungah a om ukna leh vangliatnate in pawlpi hangin, a lamdang Pasian’ lungpilna a kitheih nading ahi hi.

Late 74:9

Kote in ka mailam thu ding uh ka thei kei uh hi; kamsang khat zong om nawn lo a, bang tanvei hi ding ci-a a thei kuamah ka om kei uh hi.

Mattiu 24:3

Tua lai takin Zeisu in, Oliv Mual tungah tu-a a om lai takin a nungzuite in a kiangah va pai sim uh a, “Tua thute in cikciang a hong piang ding hiam? Topa, nong kum ding ahi zongin, leitung bei ding ahi zongin, bang limin hong kihil ding cih hong hilh in,” ci-in a dong uh hi.

Marka 13:4

“Tua thute in cik cianga hong piang ding hiam? A pian’ nading a naih ciangin bang lim hong piang ding ci-in hong hilh in,” ci-in a sim dot uh hi.

Daniel 12:5

Tua ciangin keimah Daniel in gun pang tuaka ding mi nih ka mu hi.

Daniel 12:8

A thugen ka za a, ahih hangin tel takin ka thei kei hi. Tua ahih ciangin, “Topa aw, bang ci bangin beina a hong piang ding hiam?” ci-in ka dong hi.