Daniel 12:3 - Tedim Bible

³ A pilte ahih uh leh vantung khuavak tawh a taang khawm ding uh hi. A pha-a a gamtat nading uh mi tampi thu a hilhte in aksi bangin a taang tawntung ding uh hi.

Tedim Bible Revision 2017

³ A pilte ahih uh leh vantung khuavak tawh a taang khawm ding uh hi. A pha-in gamtat ding mi tampi a hilhte pen aksi bangin a taang tawntung ding uh hi.

Daniel 12:3 Referans Kwoze

Mattiu 13:43

Tua lai takin miphate in amau Pa’ Gam sungah ni bangin a taang ding uh hi. Zak nading bil a nei teng in na za ta un!”

Paunak 4:18

Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

Daniel 11:33

Pilna a nei mite in a pilna uh midang tampite a hilh ding uh hi. Ahih hangin tawl khat sung mi pawlkhat in gal sunga sihna leh meikuang sunga thahna a thuak ding uh hi. Mi kim khatte in lawkgawpna leh thongkiatna thuak ding uh hi.

Daniel 11:35

Mi pawlkhat in thahna a thuak ding uh hi. Tua banga a pian’na thu in, beina a tun’ mateng sian’tho sakna leh mipha leh misia khentelna, Pasian’ sehsa hun a tun’na ahi hi.

Paunak 11:30

Midikte’ gah in nuntakna singkung hi a, nuntakna Khate a man mi in mipil ahi hi.

Hebru 5:12

Note in a sawt vei zo-in thuhilhte a suak khin ding na kilawm napi-un, Pasian thupiakna lakah a kisim masa, a bulpi thute, midangte kiangah khatvei na sin kik nading uh om ahih ciangin zan hak an sam loin, nawizu nete bek na hi uh hi!

Johan 5:35

Amah in kuanga a taang meivak hi a, note in ama khuavakna-ah tawlkhat nopsak ding bek na ut uh hi.

Johan 4:36

Buh atte in thaman ngah thei a, nuntak tawntung nadingin gah a khawm ding uh hi. Tua bang ahih ciangin, a vawhte leh a atte a lungdam khawm ding uh hi.

1 KORIN MASA 3:10

Pasian in thupha hehpihna hong piaksa ka ngah bangin inn lam siampa bangin inn khuam ka phut hi. Midangte in a ban zomin a lam uh hi. Ahi zongin mi khempeuh in tua khuam tungah zomin bangci-in a lam hiam ci-in kikem ta uh hen.

Jeremiah 23:22

Ahih hangin amaute in ka lungsim tawng dong thei uh hi leh ka thu gente ka mite tungah a tangko ding uh a, a nuntakna hoihlote panin kikhel sakin, a gamtat hoih lote panin zong a kikhelsak khin zo ding uh hi.

Mangmuhna 1:20

Ka khut taklamah na muh aksi sagihte-a kipan kham meivak sagihte’ thu thukna na gelh in. Aksi sagihte in pawlpi sagihte’ vantungmite ahi uh hi. Meivak sagihte in pawlpi sagihte ahi uh hi.

2 PETER NIHNA 3:15

I it i sanggampa Paul in a ngah lungpilna bangin no kiangah gelhin hong piak lai ahi zongin, ama thuhilhna lai khempeuh ah ahi zongin, hih nate tawh kizomin a gelh mah bangin i Topa’ thuakna in gupna thu ahi ci-in na ciamteh un.

Efesa 4:11

Khazih’ pumpi lamin nasep nading ahi zongin, misiangtho kipsak nading ahi zongin amah in mi kimkhatte sawltak za ahi zongin, mi kimkhat kamsang za ahi zongin, mi kimkhat Lungdamna Thu, thuhilh za ahi zongin, mi kimkhat pawlpi kem Sia za leh laihilh za ahi zongin a koih hi.

Mattiu 24:45

“A topa in a hun a tun’ cianga a innkuanpihte annek tuidawn a hawmsak ding a koih, a diktat, a lungpil nasempa kua ahi hiam?

Mattiu 19:28

Zeisu in, “Ke’n aman takpi kong cih-inah, na khempeuh a thak kibawl kik a, Mihing Tapa in vangliatna tokhom tungah a tut ciangin ka nung hong zui note in thukhen tokhom sawm leh nih tungah tu-in, Israel mipawl sawm leh nihte tungah thu na khen ding uh hi.

Sawltak 13:1

Antiok khua pawlpi sungah kamsangte leh thuhilhte a om uh hi. Tuate in Barnabas, Niger kici Simeon, Sairin mi Lukias, Herod tawh a khangkhawm Manean leh Saul-te ahi uh hi.

Paunak 3:35

Mipilte in minphatna leh pahtawina ngah ding a, mihaite in maizumna leh mindaina ngah ding uh hi.

Isaiah 53:11

Amah in a thuak khit ciangin nuntakna khuavak mu-in, a lungkim ding hi; ama theihna tawh a dik ka nasempa in mi tampi diktangsak ding a,, amah in amaute’ mawhnate pua ding hi.

Daniel 12:10

Mi tampite kisiansuahin a hoih leh a hoih lo lam a kikhentel ding hi. Mi gilote in bangmah thei tel thei lo uh ahih manin a gi kei semsem ding uh hi. Ahih hangin mi pilte in theih tel theihna a nei ding uh hi.

Paikhiatna 34:35

Israel mite in Moses’ maitang, vun a taang mu uh hi; amah tawh kiho dingin a pai matengin Moses in kiliahna puan tawh a maitang khuhkik hi.

Thukhente 5:31

“Tua ahih ciangin na gal khempeuh si khin uh hi. Topa! Ahih hangin na lawmte pen a vangliatna tawh a suak ni bang ta hen,” a ci hi. Tua ciangin tua gam in kum sawmli sung tawlngakna nei hi.

Thuhilh-sia 12:9

Thugen Siampa, mipil ahih ban-ah ama theih teng, mite tungah hilh hi. Amah in paunakte, lim takin sin a, aman ahihna thu hoih takin entel hi.