Daniel 12:10 - Tedim Bible

¹⁰ Mi tampite kisiansuahin a hoih leh a hoih lo lam a kikhentel ding hi. Mi gilote in bangmah thei tel thei lo uh ahih manin a gi kei semsem ding uh hi. Ahih hangin mi pilte in theih tel theihna a nei ding uh hi.

Tedim Bible Revision 2017

¹⁰ Mi tampite kisiansuahin a hoih le a hoih lo a kikhentel ding uh hi. Migilote in bangmah thei tel thei lo uh ahih manin a gilo semsem ding uh hi. Ahih hangin mipilte in theih tel theihna a nei ding uh hi.

Daniel 12:10 Referans Kwoze

Mangmuhna 22:11

A thuman lo mi in thuman loin omsuak hen, a kihhuai mi in kihhuai lai ta hen, a dik mi in a dikin gamta lai ta hen, a siangtho mi in siangtho lai ta hen.

Daniel 11:35

Mi pawlkhat in thahna a thuak ding uh hi. Tua banga a pian’na thu in, beina a tun’ mateng sian’tho sakna leh mipha leh misia khentelna, Pasian’ sehsa hun a tun’na ahi hi.

Hosea 14:9

Mipil, thu ngaihsun theite in hih thute thei telin lim takin ciamteh ta hen. Topa’ lampi tang mahmah a, thutang mite in tua lampi tawn uh hi. Mawhneite in tua lampi tawn lo uh ahih manin puk uh hi.

Johan 8:47

Pasian tawh a kipawlte in Pasian’ thu a ngai thei hi. Note in Pasian tawh kipawl lo na hih uh ciangin ka thu na ngai kei uh hi,” ci-in a gen hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

Johan 7:17

Mi khatpeuh mah in Pasian’ deih bangin a gamtat nop leh, hih thu Pasian’ thu ahi hiam, keima utthu banga gen ka hi hiam a thei ding hi.

Luka 24:25

Zeisu in, “Kamsangte hong genkholh thu khempeuh up nadinga pilna nei lote aw,

Zekhariah 13:9

Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

Mangmuhna 3:18

nang in na hauh nadingin mei tawh kisiang saksa kham ahi zongin, puan nei loin omin na zumhuaina a kilat loh nadingin nangma silh ding puanpaak ahi zongin, mit khuamuh nadingin nuh ding mit-za ahi zongin kei kiang pan na lei nading kong hansuah hi.

Paunak 1:5

Mi ciimsate ciimsak semsemin, mipilsate pilsak semsem-in,

Daniel 11:33

Pilna a nei mite in a pilna uh midang tampite a hilh ding uh hi. Ahih hangin tawl khat sung mi pawlkhat in gal sunga sihna leh meikuang sunga thahna a thuak ding uh hi. Mi kim khatte in lawkgawpna leh thongkiatna thuak ding uh hi.

Ezekiel 47:11

Ahi zongin tuipi dunga om nawng lakte leh bualte-a om tuite siang lo ding a, cikhuk dingin tuaci-in om lai ding uh hi.

Mangmuhna 19:14

Vantunga om galkapte in zong a siangtho a paak saihadial silhin sakol kaang tungah tuangin ama nung a zui uh hi.

Mangmuhna 19:8

A siangtho, a ngo mahmah saihadial puan silhna thu a ngah hi. Bang hang hiam i cih leh, tua saihadial puan in misiangthote’ dik gamtatna ahi hi,” ci-in a gen hi.

Mangmuhna 16:11

Amau natna meimate hangin vantung Pasian a kosia uh hi. Amaute gamtatnate zong a kisik kei uh hi.

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

Hebru 12:10

Bang hang hiam na cih uh leh, tua pate in a kilawm ci-in amaute ut bangin tawlkhat bek hong hilh uh hi. Pasian in a hih leh, ama siangthonate eite in i zop nadingin eite noptuamna ding ngaihsunin hong hilh hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

Johan 18:37

Pilat in, “Tua bang ahih leh, nang Kumpipa na hi hiam?” ci-in a dot ciangin Zeisu in, “Kumpipa na hi nong ci hi. Kei ka hih leh, thuman thutak ading teci pang dingin ah leitungah kong kum a, kong suak hi. Thuman thutak a deih mi khempeuh in keima’ aw a ngai uh hi,” ci-in a gen hi.

Marka 4:11

Zeisu in, “Pasian’ Gam thu theih hakte na theih nadingun thu hong pia hi. A pua lam a omte ahih uh leh, kikheela amau mawhna uh a kimaisak loh nadingin,

Daniel 12:3

A pilte ahih uh leh vantung khuavak tawh a taang khawm ding uh hi. A pha-a a gamtat nading uh mi tampi thu a hilhte in aksi bangin a taang tawntung ding uh hi.

Ezekiel 36:25

Note tungah tui siangtho kong theh ding a, na milim biakna uh leh note hong ninsak na dang khempeuh panin kong siangsak ding hi.

Isaiah 1:18

Topa in hih bangin ci hi: “Tu-in hong pai un la, thu kikum khawm ni; na mawhnate uh puansan a bat hangin vuuk bangin hong ngo ding hi; na mawhnate uh si bangin a san hangin tuumul bangin hong kaang ding hi.

Late 107:43

A pil peuhmah in hih thute don hen la; Topa’ itna kip lungngaingai ta hen.

Late 51:7

Puknah tawh hong nul in, kei ka siang ding hi; hong sil in, vuk sangin ka ngozaw ding hi.

1 SAMUEL MASA 24:13

Taang-ate’ paunak in, ‘A gilote’ sung panin gitlohna hong piang,’ a cih mah bang ahi hi. Ahih hangin keima khut in nang hong hih lo ding hi.

Malakhi 3:3

A ninte kangtumsakin, ngunte a siangsakpa bangin thukhen dingin hong pai ding hi. Ngun leh khamte a kisian’sak bangin amah in Levi’ suan-le-khak ahi siampite siangsak ding hi. Tua ciangin Topa tungah a kilawm biakna pia ding uh hi.