Daniel 11:45 - Tedim Bible

⁴⁵ Amah in a kumpi puanbuk lianpite biakinn din’na mualtung leh tuipi kikalah a lam ding hi. Ahih hangin amah a si ding hi. Bang hang hiam cih leh amah a huh ding kuamah a om kei hi.

Tedim Bible Revision 2017

⁴⁵ Amah in a kumpi puanbuk lianpite biakinn dinna mual tung le tuipi kikalah a lam ding hi. Ahih hangin amah a si ding hi. Bang hang hiam cih leh amah a huh ding kuamah a om kei hi,” a hong ci hi.

Daniel 11:45 Referans Kwoze

2 THESALONIKA NIHNA 2:4

Tua mi in thu nial a, pasian a kici khempeuh ahi zongin, a kibia na khempeuh ahi zongin, tuate sangin ama pumpi pahtawi zaw-in, Pasian’ biakinnpi sungah tu-in, “Pasian ka hi hi,” ci-in a pumpi lakin a om ding hi.

Daniel 8:25

A lungsim daplan lua ahih manin zuau phuah siamna tawh a hih peuhpeuh a tangtun’ ding hi. Amah kiliansak lua-in, theihkholh lohin mi tampi susia-in, a lianpen kumpite’ kumpipa nangawn a langpan’ ding hi. Ahih hangin mihing thahatna kizang loin amah a kisusia ding hi.

Mangmuhna 20:9

Amaute zanglei tungah a kahtoh khit uh ciangin siangtho giahna phual leh a ithuai khuapi a uum uh ciangin, vantung panin mei kia-in tua mite a valh hi.

Mangmuhna 20:2

amah in Dawimangpa Satan ahi, tanglai gulpi manin, kum tulkhat tawntung hen cipin,

Mangmuhna 13:10

A kiman dingte a kiman ding hi. Mi khatpeuh in namsau tawh midang a thah leh, tua in zong namsau tawh thahna a thuak ding hi. Hih thu-ah misiangthote’ thuakna leh upna a om hi.

2 THESALONIKA NIHNA 2:8

Tua ciangin a kiseel Gilo Mi a kilang ding hi. Tua mi Topa Zeisu in ama kam sung pan a pusuak hu tawh siasakin, ama hong kilatna’ vangliatna tawh a mangthang ding hi.

Zekhariah 14:8

Tua ni hong tun’ ciangin Jerusalem khua panin tuiciim hong luang khia ding a, kimkhat, nisuahna lama om Si Tuipi ah luang ding a, kimkhat, nitumna lama om Mediterranean Tuipi-ah luang ding hi. Tua tui in kan’ hun cih nei loin luang tawntung ding hi.

Micah 4:2

Minam tampite hong pai-in, “Jakob’ Pasian’ biakinn, Topa’ mualah va paito ni. Tua lai-ah ama deihna hong hilh ding a, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong ging khia a, Jerusalem panin Topa’ thu hong pai khia hi.

Joel 2:20

Leilu lam panin hong pai mite, note kiang panin sehnel gamah ka hawl khia ding a, a madawkte uh nisuahna tuipi sungah khia-in, a nungdalte uh nitumna tuipi sungah ka khia ding a, amaute in note tungah hong bawlna hangin, a luanghawmte uh uih gawp ding hi. Topa in na lianpite bawl taktak zo hi.

Daniel 11:41

Amah in Thuciam Gam zong sim ding a, tul tampi tak a that ding hi. Ahih hangin Edom gam, Moab gam leh Ammon gam sunga a om lai sun teng a suakta ding uh hi.

Daniel 11:16

Galdo zo ding om nawn lo uh ahih manin a galte a ut utin a gamta ding uh hi. Thuciam Gamah zong lutin a khut sungah tua gam a suksiat nading thahatna a nei ding hi.

Daniel 7:26

Tua ciangin thukhenna hun hong kipan ding a, ama vangliatna lakkhiat sakin, amah a kisusia maimang ding hi.

Daniel 2:35

Thakhatin sik, tungman, sumngo, ngun leh khamte kitam nen gawp a, khualkhal hun-a ansi zap bangin a lengmang hi. Huih in leen’ mangkhin ahih manin them kha beek a kimu nawn kei hi. Ahih hangin tua suangtum hong khangkhanga mual cia hong phain leitung khempeuh a dim hi.

Ezekiel 39:2

Mundang khatah nang kong pai sak ding a, leilu lam pek gam panin Israel mual tung gamah kong tun’pih ding hi.

Isaiah 14:13

Nang in na lungsim sungah, ‘Van tungah ka kahto ding hi; a sangna mun, Pasian’ aksite’ tung pekah ka kumpi tokhom ka koih ding a, leilu lam pek a, kikhopna mual tungah a sang pen mual siangtho tungah ka tu ding hi;

Isaiah 2:2

Nidang ciangin Topa’ inn omna mual pen, mual liante lakah a sang penin kikipsak ding a, mual neute tungah kisangsak ding hi; tua-ah minamte khempeuh pai muamua ding uh a,

Late 48:2

Kumpi lianpa’ khuapi, lei lulam-a om ama mual siangtho hoih-a a sang mahmah Zaphon in Zion Mual hi a, leitung khempeuh’ lungdamna ahi hi.

Isaiah 11:9

Ka mual siangtho buppi tungah amaute khat leh khat kiliamsak lo ding uh a, kisusia lo ding uh hi; bang hang hiam cih leh tuite in tuipi omna a tuamcip mah bangin leitungah Topa’ thu theihna kidim ding hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite leh Izipt gam sunga a kihawlkhia mite hong pai-in Jerusalem mual siangtho tungah Topa bia ding uh hi.

Isaiah 65:25

Keivom leh tuuno in an ne khawm ding uh a, humpinelkai in bawngtal bangin buhkung ne ding hi; leivui pen gulpi’ an hi ding hi. Keima mual siangtho tung tengah amaute kiliamsak lo, kisusia lo ding uh hi, Topa in ci hi, a ci hi.

Isaiah 66:20

Israel mite in an tawh amau biakpiakna beel siangtho sungah tawi-in Topa’ innah hong paipih uh mah bangin, amaute in minam khempeuhte lak panin Topa’ tungah piak dingin na sanggamte khempeuh uh, sakolte, leengte, taalte, late, kalaoh hatte tungah hong pua-in ka mual siangtho Jerusalem ah hong paipih ding uh hi; Topa in ci hi.

Daniel 9:16

Nang na diktat hi, tua ahih ciangin Jerusalem na mual siang tungpan na hehna na lakhia in. Tua in na khuapi hi a, na mual siangtho ahi hi. Kote leh ka pute ka pate uh khialhna leh gitlohna hangin ka kiim ka paam uh a mite khempeuh in Jerusalem leh na mite a hong simmawh uh hi.

Daniel 9:20

Keima mawhna leh ka mipih Israelte’ mawhna pulakin, ka Topa Pasian kiangah a mual siangtho a hong puahkik nadingin thuumin thu ka ngenngen hi.

Daniel 11:44

Tua ciangin, nisuahna lam leh saklam pan-a thu piang in amah patau sak ding a, thangpaihna tawh gal do-in mi tampi tak a that ding hi.

Gamlak-vakna 34:5

gamgi in Azmon panin Izipt Lui lamah kawi-in Tuipi ah tawp ding hi.

Isaiah 10:12

Topa in Zion Mual leh Jerusalem khua-ah ama nasep ding teng a zawh khit ciangin, amah in Assiria kumpipa kihisakin a kisialhna leh a kiphatsakna daantat ding hi.