Daniel 11:40 - Tedim Bible

⁴⁰ Siria kumpipa hun a bei dektak ciangin, Izipt kumpipa in amah a sim ding hi. Siria kumpipa in a tha neih teng siit loin tuikhang bangin, sakol tawh, sakol galkapte tawh, teembaw tampi tawh Izipt a do ding hi.

Tedim Bible Revision 2017

⁴⁰ “Syria kumpipaʼ hun a bei dektak ciangin, Egypt kumpipa in amah a sim ding hi. Syria kumpipa in a thaneih teng siit loin tuikhang bangin sakol tawh, sakol galkapte tawh, teembaw tampi tawh Egypt a do ding hi.

Daniel 11:40 Referans Kwoze

Daniel 11:35

Mi pawlkhat in thahna a thuak ding uh hi. Tua banga a pian’na thu in, beina a tun’ mateng sian’tho sakna leh mipha leh misia khentelna, Pasian’ sehsa hun a tun’na ahi hi.

Daniel 11:10

“Siria kumpipa’ tate in galdo dingin kithawi-in galkap ding mi tampi a kaikhawm ding uh hi. Tua galkap mangte khat thahat diakin tuikhang bang dinga galte’ kulhpi a luh zo ding hi.

Isaiah 5:28

amau’ thaltangte hiam a, a thal khempeuh uh a kikeeksa ahi hi, amau sakolte’ khecinte pen meisuang bangin sak a, a leengpeite uh pingpei bangin manlang hi.

Mangmuhna 16:12

Gukna vantungmi in ama tawi hai Eufrates gunpi tungah a buak leh, ni suahna lam pan hong pai uh kumpite ading a baihsa a pian’ nadingin guntui a kang hi.

Zekhariah 9:14

Ama mite tungah Topa kilang ding a, a thaltang lot khuaphia bang ding hi. Topa Pasian in peengkul tum ding a, leitaw lam pan-a hong nung huihpi tawh va kuankhia ding hi.

Daniel 12:4

Tu-in Daniel aw, beina hun a tun’ mateng laibu khakcip in la, a tungah ciamtehna koih in. A kal lakah mi tampite’ pilna khangin, bang thu piang hiam cih thei tel nuamin kileh kawikawi ding uh hi,” hong ci hi.

Ezekiel 38:4

Nang hong lehhei-in, na khaguh ah sikkawi kong bulh ding a, na galkap honpite khempeuh tawh kong kaikhia ding hi. Na galkap honpite pen a sakolte uh leh a sakol tung tuangte tawh tam mahmah a , na galkap khempeuh in lum leh namsau nei kim uh hi.

Jeremiah 4:13

En un, i galpa meii bangin hong pai a, a sakol leengte pingpei tawh kibangin, a sakolte muvanlaite sangin manlang zaw hi. Gimna i thuak ding hi, bang hang hiam cih leh gallel ding i hi ta hi.

Isaiah 21:1

Babilon gam tawh kisai thu: Pingpeite leitaw lam panin hong kipat mah bangin, a lauhuai gam panin siatna hong pai hi.

Mangmuhna 9:16

Sakol galkap pawl a kisim ciangin then nih mun then khat ahi hi. Tua kisimna nambat ka za hi.

Daniel 11:22

Ama mai-ah galkap honpite kisiak khia ding a, thuciamna tawh kipawl kumpipa zong a kisia mang ding hi.

Daniel 8:17

Gabriel hong pai-in ka kiangah hong ding a, lau lua mahmah ka hih manin lei tungah ka puk hi. Amah in, “Leitungmi aw, a khiatna thei in. Mangmuhna pen hun beina ding lahna ahi hi,” ci-in ka kiangah a hong gen hi.

Isaiah 66:15

Bang hang hiam cih leh en un, heh mahmahna tawh ama sin sona leh meikuang tawh daan a pia dingin meikuang sungah Topa hong pai ding a, huihpi bangin a leengte hong pai ding hi.

Daniel 11:7

“A sawt loin tua nu behte khat in Siria sim ding a, a kulhpi sungah tumin amaute a zo gawp ding hi.

Daniel 11:11

Izipt kumpipa zong heh mahmahin Siria kumpipa in zo gawp ding a, a galkapte tampi tak a matsak ding hi.

Daniel 11:13

Siria kumpipa khatvei kuan kikin amasa sanga a tam zaw galkap a kaikhawm ding hi. A hun kicingta a kisak ciangin galkap tampi leh galhiam kicing pikpek tawh a kuankhia ding hi.

Daniel 11:25

Izipt gam hang taka a sim theih nadingin galkap tampi a kaikhawm ding hi. Bang hang hiam cih leh Izipte in zong galkap tampi tawh nasia takin a na do ding uh hi. Izipt kumpipa in kheemna thuak kha ding ahih manin gal a zo kei ding hi.

Daniel 11:39

Amah in a kulhpi cing dingin pasian dang a biate a sawl ding hi. Amah in amah kumpi-a a sangte minphatna, zaliatna pia-in, leitang nangawn letsongin a pia ding hi.

Daniel 12:9

Amah in, “Daniel aw, tu-in ciah in, bang hang hiam cih leh hih thute in beina hun a tun’ mateng selcip a, ciamteh ding ahi hi.

Habakkuk 3:14

Mi cimawhte, mun simtham ah a sugawpte bangin, kote hong suthang dingin huihpi bangin hong pai laitakin, na thal tawh, a galkapmangpa na kaplet hi.

Ezekiel 38:9

Nang leh na galkap honpite leh nang hong pawlpih minam tampite in khuapi huih bangin na sim gawp ding uh a, meiipi bangin a gam sung khempeuh na tuamcip ding uh hi.