Daniel 11:36 - Tedim Bible

³⁶ “Siria kumpipa in a ut bangbangin a gamta ding hi. Amah in pasiante sangin ka lianzaw a, Sangpen Pasian sangin zong ka thupi zaw lai hi ci-in a kisathei ding hi, a kiza ngei lo thu genin pasiante’ Pasian lang khatah thu gen ding hi. Hehna hun a kicing matengin amah gualzo ding hi, bang hang hiam cih leh a kiseh kholsa bang a, a tun’ nading ahi hi.

Tedim Bible Revision 2017

³⁶ “Syria kumpipa a ut bangbangin a gamta ding hi. Amah in, pasian-te sangin ka lian zaw a, a Lianpen Pasian sangin zong ka thupi zaw lai hi, ci-in a kisathei ding hi. Pasian in amah gim a piak mateng tua bangin a om ding hi.

Daniel 11:36 Referans Kwoze

2 THESALONIKA NIHNA 2:4

Tua mi in thu nial a, pasian a kici khempeuh ahi zongin, a kibia na khempeuh ahi zongin, tuate sangin ama pumpi pahtawi zaw-in, Pasian’ biakinnpi sungah tu-in, “Pasian ka hi hi,” ci-in a pumpi lakin a om ding hi.

Daniel 8:19

Amah in, “Pasian’ hehna hanga a kisehsa hun a, thupiang dingte ka hong lak ding hi. Mangmuhna in hun bei nading lahna ahi hi.

Thu-hilhkikna 10:17

Bang hang hiam cih leh Topa na Pasian un a lian, a vanglian a kihtak huai Pasian, angvan nei loin, sumgolh a la lo, pasiante’ Pasian, topate’ Topa ahi hi.

Daniel 11:16

Galdo zo ding om nawn lo uh ahih manin a galte a ut utin a gamta ding uh hi. Thuciam Gamah zong lutin a khut sungah tua gam a suksiat nading thahatna a nei ding hi.

Daniel 2:47

Kumpipa in, “Hih thu thukpi hong gen thei na hih manin na Pasian in thu thuk a lak, pasian khempeuh sung pan a lianpen, kumpite tunga Topa ahi hi,” a ci hi.

Isaiah 14:13

Nang in na lungsim sungah, ‘Van tungah ka kahto ding hi; a sangna mun, Pasian’ aksite’ tung pekah ka kumpi tokhom ka koih ding a, leilu lam pek a, kikhopna mual tungah a sang pen mual siangtho tungah ka tu ding hi;

Isaiah 10:25

Bang hang hiam cih leh a sawt loin note tungah ka thangpaihna bei ding a, ka hehna amaute’ tung tuin, amaute sia ding uh hi.

Late 136:2

Lungdamna pen pasiante’ Pasian’ tungah ko un, bang hang hiam cih leh ama itna kip kho tawntung hi.

Mangmuhna 17:17

Bang hang hiam na cih uh leh, amau lungsim kibang uh ahih theih nading ahi zongin, Pasian’ thute a kicingsak dongin, amaute gam sahang tungah ap ding ahi zongin, amau lungkim ding ahi zongin Pasian in ngaihsutna a pia hi.

Mangmuhna 17:3

Tua lai takin amah in Kha Siangtho tawh keimah gam lakah hong paipih a, Pasian tungah paukhialhna min a dim, lutang sagih leh ki sawm a nei, sahang san tungah tu-a a om numei khat ka mu hi.

Mangmuhna 12:14

Hun khat, hun nih leh hun lang sung teng amah vak nadingin ama omna gamlakah, tua gulpi kiang pan a suakta dingin leengin a tai theih nading muvanlai gol kha lang nih tua numei a kipia hi.

Sawltak 4:28

sathau na nilhsa na Sila siangtho Zeisu tungah hih ding a kikhawm takpi uh hi.

Johan 6:38

Bang hang hiam na cih uh leh, keima deih bangin gamta dingin vantung pan hong kumsuk ka hi kei hi; kei hong sawlpa’ deihna bang gamta dingin hong kumsuk ka hi hi.

Johan 5:30

“Keimah in ka ut bangin ka hih thei kei hi. Ka zak bangin thu ka khen hi. Ka thukhenna in thu taktak ahi hi. Bang hang hiam na cih uh leh, keima deihna bang hi loin, kei hong sawlpa’ deihna bangin ka hih hi.

Daniel 12:7

Puanpaak silhpa in a khut tegel vantung lamah lamto kawm sa-in, A tawntung Pasian’ min tawh thuciamna a bawl hi. Amah in, “Kum thum leh a lang ahi ding hi. Pasian’ mite kibawlsiatna a bei ciangin hih thute khempeuh a hong piang ding hi,” ci-in a gen ka za hi.

Daniel 11:3

Tua ciangin a thahat kumpi khat a hong kilang ding hi. Amah in gam zapi tak uk ding a, ama thuthu-in a gamta ding hi.

Daniel 8:4

Tua tuutal in a ki tawh, nitumna lam, sak lam, khang lam a si kawikawi ka mu hi. Ama ut bangin kiphasak-in gamta ahih manin, amah a kho zo ding leh a thahatna pan a suakta zo ding ganhing khat beek a om kei hi.

Daniel 7:8

Tua kite ka et lai takin a dang kineu khat hong po a, a omsa ki thumte a bot khia hi. Tua ki tungah mihing’ mittang tawh a kibang mittang leh kam om a, kiphatsakna kam tampi a pau hi.

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

Isaiah 46:10

A kipat cilin a tawp nading thu ka pulak a, tanglai pek panin a piang nai lo nate genin, ‘Ka ngimna kip ding a, ka sepnop khempeuh ka sem ding hi,’ ka ci hi.

Isaiah 26:20

Ka mite aw, hong pai-in na inn sung uhah tum un la, na kongte uh khak un; hehna a dam matengin tawlkhat sung bu un.

Paunak 19:21

Mihing’ ngaihsutna ah thu tampi om a, ahi zongin Topa’ deihna tawh a kituakte bek kimang ding hi.

Late 33:10

Topa in minamte’ thu ngaihsutna a mawkna suah a, mite’ geelna khaktan hi.

Joshua 22:22

“A Vanglian Pa, Pasian, Topa! A Vanglian Pa, Pasian, Topa! Amah in thei hi, Israel mahmah in zong thei ta hen! Lehdona ahi a, Topa tungah thuman lohna ahi zongin a hih a, Topa zuihna panin pial dingin biakna tau lam ka hih uh leh, tu ni-in kote hong zah kei hen; tua ahih kei leh zong, tua tungah meihal biakna ahi a, an tawh biakna ahi a, thunuam-a biakna ahi zongin piak nadingin a lam ka hih uh leh Topa mahmah in hong thuk ta hen.

2 THESALONIKA NIHNA 2:3

Kuamah in note bangmah hangin hong kheem kei hen. Bang hang hiam na cih uh leh, tua Ni hong tun’ ma-in langpan’na lian a piang masa ding a, kisiatna’ ta ahi Gilo Mi in hong piang ding hi.

2 THESALONIKA NIHNA 2:8

Tua ciangin a kiseel Gilo Mi a kilang ding hi. Tua mi Topa Zeisu in ama kam sung pan a pusuak hu tawh siasakin, ama hong kilatna’ vangliatna tawh a mangthang ding hi.

Mangmuhna 13:1

Gulpi in tuipi gei sehnel tungah ding-in a om hi. Tua laitakin ki sawm, lutang sagih, ki tungah lukhu sawm, lutangte zong kosiatna pawl a min nei sahang khat in tuipi sung pan hong kahto ka mu hi.

Ezekiel 35:13

Kei hong gensia-in na kiphatsak paunate khempeuh a vekin ka za khin hi.

Daniel 5:19

Amah lian lua mahmah ahih manin gam khempeuh, nam khempeuh, pau khempeuhte in kihta in a liing uh hi. Mi khatpeuh a thah nop leh that a, a nuntak sak nop leh a nungta sak hi. A ut leh mi khatpeuh pahtawi-in, a ut leh a daisak thei hi.

Daniel 5:20

Ahih hangin amah a lungkhauhin kiphasak a, gilo lua ahih manin a kumpi tokhom panin kilakhia a, a minthan’na a taan hi.

Daniel 11:37

Kumpipa in a pu a pate’ biak pasian leh, numeite’ it pasian a thusim kei ding hi. Pasian a kici peuhmah thusim khat beek a nei kei ding hi. Bang hang hiam cih leh tuate sangin amah a lian zaw-in a kingaihsun hi.

Isaiah 10:5

Assiria-te in gimna ngah hen, keima hehna molhtum leh ka lungdamna ciangkhut ahi uh hi.

Isaiah 10:23

Bang hang hiam cih leh Topa, Vanglianpen Topa in a thukhennasa bangin leitung khempeuh ah bei siangna bawl ding hi.

Isaiah 14:14

meiite’ tung pekah ka kahto ding a, Sang Penpa bangin ka kibawl ding hi,’ na ci hi.

Isaiah 30:33

Tofeth a kihal nading mei phualpi mun, sawt pekin kibawl khin zo hi; hi hi, kumpipa’ adingin a baihsa-in kikoih a, a mi-halna pen lianin kisangsak a, sing a sangpi-in vum venvan hi. Topa in kaat kuang hu sang khia ding a, tua meiphualpi tawh kuang ding hi.

Isaiah 57:9

Molek kiangah pai dingin sathau tawh khual na zin a, na paknamtuite tawh na siam tawpin na kipuah hi; nang in gamlapi-ah na kamtaite na sawl a, Leinuai dong nangawn ah na sawl hi.

Ezekiel 28:2

“Ezekiel aw, Tai-ar khuapi a ukpa kiangah Topa Pasian keimah in ka gen nop thu, ama tungah hih bangin gen in: Kisak theihna lungsim lianpi nei-in tuipite’ laizang ah pasian’ tokhom tungah tu-in, kei in pasian khat ka hi hi, na ci hi. Nang in pasian bangin pil na kisak hangin, mihing khat na hi lel bek hi.

Zekhariah 11:16

Ka tuuhonte a cing dingin tuucing khat ka koih a, ahi zongin ka tuu a sia dingte huh loin, a mangthangte zong loin, a liamte bawl loin, a cidamte zong an vak lo hi. Amah in tuu thau pente’ sa ne-in, a khecinte nangawn hawkkhiatsak zawsop hi.