Daniel 11:32 - Tedim Bible

³² Kumpipa in tua biakna a nusia khinsa mite a thu zawh theih nadingin zuau gen siamna a zang ding hi. Ahih hangin Pasian nung a zui mite in ahih uh leh kiptakin a nial ding uh hi.

Tedim Bible Revision 2017

³² Kumpipa in tua biakna a nusia mite a thu zawh theih nadingin zuaugen siamna a zang ding hi. Ahih hangin Pasianʼ nung a zui mite ahih uh leh thahatin a gualzo ding uh hi.

Daniel 11:32 Referans Kwoze

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

Late 9:10

Topa aw, nangmah hong zongte nusia lo na hih manin, na min a theite in nang hong muang hi.

Johan 17:3

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

Zekhariah 10:12

Ka mite ka thahatsak ding a, amaute in kei hong bia-in ka thu hong mang ding uh hi, Topa in ci hi.

Jeremiah 31:34

Kuamah in midangte leh a sanggamte uh’ kiangah, ‘Topa thei in,’ ci-in a kihilh nawn kei ding uh hi: bang hang hiam cih leh Topa in kong cih-inah, amaute a neupen panin a lianpen dongin, a vekpi-un kei a hong thei ding uh hi. Bang hang hiam cih leh amaute’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

Paunak 26:28

Zuau genna in midik kim lai a mawh bangsak a, tungtham bek-a thugenna in siatna bek piangsak hi.

Paunak 19:5

Thuman genlo teci in daan tuak pelmawh ding a, zuau gen mi suakta lo ding hi.

Mangmuhna 6:11

Tua lai takin amau khempeuh, puanpaak khat ciat a piak khit ciangin, amaute tawh nasem khawm mite akipan amaute mah bangin thahna a thuak ding sanggamte in kicin’na a tun’ dongin tomkha a ngak lai nading thupiakna a ngah uh hi.

Daniel 11:21

A zom-a Siria kumpi ding pen mi gilo, kumpi dinga kilawm lo mi khat ahi ding hi. Ahih hangin amah in thakhat thu-in zuau siamna tawh kumpi a hong suak vat ding hi.

Daniel 11:34

Tua banga thahna a thuak lai takun, pawlkhat in huhna a ngah ding uh hi. Ahih hangin mi tampi in huhna a piak uh hangin, amau ading meetna a zong bek ahi uh hi.

Nehemiah 4:14

Mite’ launa ka muh ciangin, uliante leh mi ukte leh mikhempeuh tungah, “Amaute kihta kei un. Na sanggamte, na tapate, na tanute, na zite uh leh na inn na lote uh adingin hong dosak, a lian a kihtak-huai Topa phawk un,” ka ci hi.