Daniel 11:30 - Tedim Bible

³⁰ Nitumna tuipi gei a, gamte in teembaw tawh hong pai-in amah do ding uh ahih manin a lau ding hi. Tua ciangin amah kileh kik ding a, a thangpaihna tawh Pasian’ mite biakna suksiat ding a hanciam ding hi. Amah in tua biakna a nusia mite’ zol simna a mang ding hi.

Tedim Bible Revision 2017

³⁰ Rom mite, teembaw tawh hong pai-in amah do ding uh ahih manin a lau ding hi. Tua ciangin amah kilehkik dinga, a thangpaihna tawh Pasianʼ miteʼ biakna suksiat ding a hanciam ding hi. Amah in tua biakna a nusia miteʼ zolsimna a mang ding hi.

Daniel 11:30 Referans Kwoze

Piancilna 10:4

Javan’ tapate: Eilishah, Tarshish, Kittim, leh Rodanim ahi hi.

Gamlak-vakna 24:24

Ahih hangin Kittim panin teembawte hong pai-in Ashur leh Eber gimsak ding hi; amah in zong siatna tuak ding hi,” a ci hi.

Daniel 11:28

Tua ciangin Siria kumpipa in a galvan lak teng tawh a gamah ciahkik ding a, a siangtho thuciamna langpan ding a lungngai ding hi. A ut bang peuhin gamta ding a, tua ciangin a gam lamah a ciahkik ding hi.

Jeremiah 2:10

Bang hang hiam na cih uh leh nitumna lamah Saipras tuikulh mong dong kantan un la, va en dih un. Nisuahna lam Kedar gamah mi sawl un la, limtak kan dih un; tua bang na a piang ngei peuhmah hiam, en dih un.

Isaiah 23:12

Amah in, “Sidon Tanu Siangtho aw, na lungdamna teng bei khin ta hi. Na mite in nenniamna thuak uh a, Saipras tuikulh ah a va tai uh hangin, tua lai nangawnah lungnopna hun nei lo ding uh hi,” ci hi.

Isaiah 23:1

Tai-ar khua tawh kisai thu: Tarshish teembaw hawlte aw, Tai-ar khua kisia a, inn leh khawlmunte om nawn lo ahih manin, kap un! Saipras gam panin hih thu amaute in za uh hi.

Mangmuhna 12:12

Tua ahih ciangin vantungte leh vantungah a omte aw, nuam un! Leitung leh tuipi ahih uh leh, lunggimna a om hi. Bang hang hiam na cih uh leh, Dawimangpa in hun tomkha bek ngah lai ahih thei-in, thangpaai mahmahin note omna-ah a paisuk zo hi!” ci-in a gen aw ka za hi.

Mattiu 24:10

Tua lai takin mi tampi a puk ding uh a, khat leh khat a kiheek ding uh hi, khat leh khat a kimudah ding uh hi.

Daniel 7:25

Amah in Sangpen Pasian langpan’ in thu gen ding a, Pasian’ mite a bawlsia ding hi. Amah in amaute’ biakna tawh kipawl thukham leh pawi bawlna hunte kheel sak ding hanciam ding a, Pasian’ mite in ama khut sungah kumthum leh a lang a om ding uh hi.

Ezekiel 27:6

Nangmah hawh nadingin Bashan-a tawsaw singte la uh a, Grik tuikulh pana kila taaksante tawh, na sual ding bawl uh a, saiha pak tawh zem uh hi.

Nehemiah 6:12

Tua ciangin a thusim ka phawk khia hi. Pasian in tua bang thu gen dingin amah a sawl hi lo a, Tobiah leh Sanballat in tua bangin thugen dingin golhguk a na pia na hi a, ama thugenna in keimah suksiat nopna ahi hi.

1 KHANG TANGTHU MASATE 1:7

Javan’ suante in: Elishah mite, Tarshish mite, Kittim mite leh Rodanim mite ahi uh hi.

Daniel 11:29

“Tua nung ciangin Izipt gam sim kik leuleu ding a, ahih hangin a masa-a bangin a piang kei ding hi.