Daniel 11:3 - Tedim Bible

³ Tua ciangin a thahat kumpi khat a hong kilang ding hi. Amah in gam zapi tak uk ding a, ama thuthu-in a gamta ding hi.

Tedim Bible Revision 2017

³ Tua ciangin a minthang kumpi khat a hong kilang ding hi. Amah in gam zaipi tak uk dinga, ama thuthu-in a gamta ding hi.

Daniel 11:3 Referans Kwoze

Daniel 11:36

“Siria kumpipa in a ut bangbangin a gamta ding hi. Amah in pasiante sangin ka lianzaw a, Sangpen Pasian sangin zong ka thupi zaw lai hi ci-in a kisathei ding hi, a kiza ngei lo thu genin pasiante’ Pasian lang khatah thu gen ding hi. Hehna hun a kicing matengin amah gualzo ding hi, bang hang hiam cih leh a kiseh kholsa bang a, a tun’ nading ahi hi.

Daniel 11:16

Galdo zo ding om nawn lo uh ahih manin a galte a ut utin a gamta ding uh hi. Thuciam Gamah zong lutin a khut sungah tua gam a suksiat nading thahatna a nei ding hi.

Daniel 8:21

Keltal in Grik kumpi gam hi a, a mit kikal-a po ki in kumpi masapen a cih nopna ahi hi.

Daniel 7:6

Ka et lai leh kamkei tawh a kibang sapi dang khat ka mu hi. A nungzangah vasa-kha tawh a kibang kha li a nei hi. Tua sapi in lutang li nei a, ukna aana ama tungah a kipia hi.

Daniel 5:19

Amah lian lua mahmah ahih manin gam khempeuh, nam khempeuh, pau khempeuhte in kihta in a liing uh hi. Mi khatpeuh a thah nop leh that a, a nuntak sak nop leh a nungta sak hi. A ut leh mi khatpeuh pahtawi-in, a ut leh a daisak thei hi.

Jeim 1:18

Ama pian’ sakte lakah eite in a gah masa bel i suah nadingin thuman thutak tawh ama deihna bangin eite hong piangsak hi.

Hebru 2:4

Tua teci a pang mite tawh Pasian in lim tawh ahi zongin, a lamdang nate tawh ahi zongin, nalamdang tuamtuamte tawh ahi zongin, ama deihna bang a hawmsak Kha Siangtho piak thupha tawh ahi zongin teci a pang khawm hi.

Efesa 1:11

Ama deihna tawh kipawl hanciamna bangin tanglai peka eite hong ciamtehsa bangin eite in tua Khazih sungah luahna na i hi hi.

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.