Daniel 11:22 - Tedim Bible

²² Ama mai-ah galkap honpite kisiak khia ding a, thuciamna tawh kipawl kumpipa zong a kisia mang ding hi.

Tedim Bible Revision 2017

²² Ama thu a nial galkap honpite le Pasianʼ siampi liante khempeuh a mangthangsak ding hi.

Daniel 11:22 Referans Kwoze

Daniel 11:10

“Siria kumpipa’ tate in galdo dingin kithawi-in galkap ding mi tampi a kaikhawm ding uh hi. Tua galkap mangte khat thahat diakin tuikhang bang dinga galte’ kulhpi a luh zo ding hi.

Daniel 9:26

Nipi kal sawmguk leh nih a bei khit ciangin sathau kinilhpa thuman lopi-in kithat ding hi. Hong pai ding mite a ukpa in khuapi le biakinnpi a susia ding hi. A beina in tuiciin tung bang hi ding a, a tawp dongin galdona leh kisiatna vive hi dingin Pasian in thu a khen zo hi.

Daniel 8:25

A lungsim daplan lua ahih manin zuau phuah siamna tawh a hih peuhpeuh a tangtun’ ding hi. Amah kiliansak lua-in, theihkholh lohin mi tampi susia-in, a lianpen kumpite’ kumpipa nangawn a langpan’ ding hi. Ahih hangin mihing thahatna kizang loin amah a kisusia ding hi.

Nahum 1:8

Tuikhang in a suksiat bangin a langte susiagawp a, a galte, khuamial sungah nawhkhia hi.

Amos 9:5

Mihonpite’ Topa Pasian in, leitung lawngin leitung in tuisuak a, leitunga teeng mi khempeuh kap uh hi. Nail Gunpi bangin leitung buppi khang toin kiamsuk ding hi.

Amos 8:8

Tua ahih manin ziin hong liing ding a, leitunga om mi khempeuh kap ding uh hi. Nail Gunpi bangin leitung khempeuh khang toin kiamsuk ding hi.

Isaiah 28:15

“Eite in sihna tawh thuciamna khat i bawl khin a, Leinuai tawh thukimna khat i nei zo hi; a tuumcip ding tuiciin in hong nawk ciangin ei hong ban lo ding hi; bang hang hiam cih leh zuau thu i beel a, zuauna ah i bu hi,” na ci uh hi.

Daniel 11:23

Zuau gensiamna zangin minam dangte tawh kilemna a bawl ding hi. Minam tawmno khat bek a uk hangin a thahatna a khang semsem ding hi.