Daniel 11:21 - Tedim Bible

²¹ A zom-a Siria kumpi ding pen mi gilo, kumpi dinga kilawm lo mi khat ahi ding hi. Ahih hangin amah in thakhat thu-in zuau siamna tawh kumpi a hong suak vat ding hi.

Tedim Bible Revision 2017

²¹ “Ama zomah Syria kumpi ding pen migilo, kumpi dingin a kilawm lo mi khat ahi ding hi. Ahih hangin amah pen thakhat thu-in zuausiamna tawh kumpi a hong suak vat ding hi.

Daniel 11:21 Referans Kwoze

Daniel 11:34

Tua banga thahna a thuak lai takun, pawlkhat in huhna a ngah ding uh hi. Ahih hangin mi tampi in huhna a piak uh hangin, amau ading meetna a zong bek ahi uh hi.

Daniel 8:25

A lungsim daplan lua ahih manin zuau phuah siamna tawh a hih peuhpeuh a tangtun’ ding hi. Amah kiliansak lua-in, theihkholh lohin mi tampi susia-in, a lianpen kumpite’ kumpipa nangawn a langpan’ ding hi. Ahih hangin mihing thahatna kizang loin amah a kisusia ding hi.

Late 55:21

Ama kampau in thawhbat sangin nelzaw a, ahi zongin a lung sungah muhdahna om hi; a kammalte sathau sangin nipzaw a, ahi zongin tuate pen namsau hiam mahmah tawh kibang hi.

Nahum 1:14

Topa in Assiria mite tawh kisai-in hih bangin thu pia hi: “Note na cimang ding uh a, note’ pasiante’ biakinn sunga om milimte ka susia ding hi. Note siahuai lua na hih manun, na hankhuk ding uh a bawlbawl ka hi ta hi,” ci hi.

Daniel 11:32

Kumpipa in tua biakna a nusia khinsa mite a thu zawh theih nadingin zuau gen siamna a zang ding hi. Ahih hangin Pasian nung a zui mite in ahih uh leh kiptakin a nial ding uh hi.

Daniel 11:20

“Tua ciangin kumpi dang khat in ama nung hong zuikik leuleu ding a, kumpi gamsung khantoh nadingin phiangsiah tampi a dong dingin mi khat a sawl ding hi. Tawlno khat khit ciangin tua kumpipa kithat lum ding a, ahih hangin gal sunga si ahi kei ding hi.

Daniel 11:7

“A sawt loin tua nu behte khat in Siria sim ding a, a kulhpi sungah tumin amaute a zo gawp ding hi.

Daniel 8:23

Tua kumpi gamte a bei ding a nunung zaw hun a nai ciangin, gilo lua mahmah ding uh ahih manin daan a kipia ding hi. Tua ciangin ama thu bek thu a sa, mawhna pawlpawl tawh kidim, hehmel a pua kumpi khat a hong om ding hi.

Daniel 8:9

Tua ki lite lak pan khat tungah kineu dang khat hong kipan a, a vangliatna khang lam, ni suahna lam leh, Thuciamna Gam lamah a vangliatna a khang hi.

Daniel 7:8

Tua kite ka et lai takin a dang kineu khat hong po a, a omsa ki thumte a bot khia hi. Tua ki tungah mihing’ mittang tawh a kibang mittang leh kam om a, kiphatsakna kam tampi a pau hi.

Isaiah 32:5

Mi haite pen mi thupi kici nawn lo ding a, mi ginalote pen mi zahtakhuai kici nawn lo ding hi.

Late 15:4

a mit in ginalote thusim lo a, ahi zongin Topa a zahtakte a pahtawi mi; ama nat nading nangawn-ah a ciampel lo mi,

Late 12:8

Mihing’ tate lakah siatna a kipahtawi ciangin mun khempeuhah migilote vak kawikawi hi.

1 SAMUEL MASA 3:13

A tapate in Pasian min daisak a, amah in a tate kham lo ahih manin, ama theih a mawhna hangin ama innkuan daan a pia tawntung ding ka hihna ama kiangah ka gen hi.

Daniel 4:17

Hih in a vil tawntung vantungmi’ thukhenna ahi hi. Tua ahih ciangin mun khempeuh ah a om mi khempeuhte in, Sangpen Pasian in mite’ kumpi gamah vai a hawm hi cih a thei ding uh hi. Amah in a teel peuhpeuh a neupente nangawn kumpi a suaksak thei hi.