Daniel 11:18 - Tedim Bible

¹⁸ Tua khit ciangin tuipi gei-a, minam dangte sim ding a, tampi tak mah a zo ding hi. Ahih hangin gamdang makaipa khat in amah zo gawp ding a, a kiphatsakna teng amah in a thuakkik ding hi.

Tedim Bible Revision 2017

¹⁸ Tua khit ciangin tuipi tungtawnin minam dangte sim dinga, tampi tak mah a zo ding hi. Ahih hangin gamdang makai khat in amah zo gawp dinga, a minthanna teng a beisak ding hi.

Daniel 11:18 Referans Kwoze

Hosea 12:14

Heh mahmah theih nading Israel mite gamta uh ahih manin amaute’ Topa in amau tung mahah a mawhna uh tungsak ding a, amaute’ mawhna mah thuaksak ding hi.

Zefaniah 2:11

Topa in amaute lausak gawp ding a, leitung pasiante, neu bawl gawp ding hi. Tua ciangin, minam khempeuh in amau’ gam ciat panun amah bia ding uh hi.

Jeremiah 31:10

“Aw, gamdangte aw, Topa’ kammal ngai un la, gamla pi, tuipi gei-a omte kiangah va gen sawn un. ‘Israel mite a kithehthangsak pa in a kaikhawm kik ding a, tuucingpa in a tuute a cin’ bangin a cing ding hi,’ va ci un.

Jeremiah 2:10

Bang hang hiam na cih uh leh nitumna lamah Saipras tuikulh mong dong kantan un la, va en dih un. Nisuahna lam Kedar gamah mi sawl un la, limtak kan dih un; tua bang na a piang ngei peuhmah hiam, en dih un.

Mattiu 7:2

Bang hang hiam na cih uh leh, midangte tungah na khen uh bangin note in thukhenna na thuak ding uh hi. Midangte na piakna uh seeng bangin no zong seengin hong kipia kik ding hi.

Ezekiel 27:6

Nangmah hawh nadingin Bashan-a tawsaw singte la uh a, Grik tuikulh pana kila taaksante tawh, na sual ding bawl uh a, saiha pak tawh zem uh hi.

Isaiah 66:19

Amaute’ lakah lim khat ka khai ding hi. Amau kiang panin, a suakta lai mite pen, minamte tung, Tarshish mite tung, Put mi leh Lud mite tung, Meshek mite tung, Tubal mi leh Javan mite tung, ka min hoihna a za ngei lo, ka minthan’na a mu ngei lo tuipi gei-a om gammite tungah ka sawl ding hi; amaute in minamte lakah ka minthan’na genthang ding uh hi.

Thukhente 1:7

Tua ciangin Adonibezek in, “A khutpite leh a khepi a ki-attan kumpi sawmsagihte in ka sabuai nuai-ah anneng kia tawm ngei uh hi; ka gamtatnasa bangin Pasian in kei hong thuk hi,” a ci hi. Tua ciangin amaute in Jerusalem-ah amah paipih uh a, tua mun-ah amah si hi.

Esther 10:1

Kumpipa Ahasu-eras in a ukna gam leitung leh tuikulh tunga teengte tung panin siah kai hi.