Daniel 11:16 - Tedim Bible

¹⁶ Galdo zo ding om nawn lo uh ahih manin a galte a ut utin a gamta ding uh hi. Thuciam Gamah zong lutin a khut sungah tua gam a suksiat nading thahatna a nei ding hi.

Tedim Bible Revision 2017

¹⁶ Galdo zo ding om nawn lo uh ahih manin a galte uh a ututin a gamta ding uh hi. Thuciam Gamah zong lutin a khut sungah tua gam a om ding hi.

Daniel 11:16 Referans Kwoze

Daniel 8:9

Tua ki lite lak pan khat tungah kineu dang khat hong kipan a, a vangliatna khang lam, ni suahna lam leh, Thuciamna Gam lamah a vangliatna a khang hi.

Daniel 11:41

Amah in Thuciam Gam zong sim ding a, tul tampi tak a that ding hi. Ahih hangin Edom gam, Moab gam leh Ammon gam sunga a om lai sun teng a suakta ding uh hi.

Daniel 11:36

“Siria kumpipa in a ut bangbangin a gamta ding hi. Amah in pasiante sangin ka lianzaw a, Sangpen Pasian sangin zong ka thupi zaw lai hi ci-in a kisathei ding hi, a kiza ngei lo thu genin pasiante’ Pasian lang khatah thu gen ding hi. Hehna hun a kicing matengin amah gualzo ding hi, bang hang hiam cih leh a kiseh kholsa bang a, a tun’ nading ahi hi.

Daniel 11:3

Tua ciangin a thahat kumpi khat a hong kilang ding hi. Amah in gam zapi tak uk ding a, ama thuthu-in a gamta ding hi.

Daniel 8:7

Heh lua mahmah ahih manin tua tuutal tuangawp a, a ki tegel a suktan sak hi. Tuutal in a nan’ zawh na’ng thahatna nei lo ahih manin lei kiden’na a, a huh zo ding kuamah a om kei hi.

Daniel 8:4

Tua tuutal in a ki tawh, nitumna lam, sak lam, khang lam a si kawikawi ka mu hi. Ama ut bangin kiphasak-in gamta ahih manin, amah a kho zo ding leh a thahatna pan a suakta zo ding ganhing khat beek a om kei hi.

Daniel 11:45

Amah in a kumpi puanbuk lianpite biakinn din’na mualtung leh tuipi kikalah a lam ding hi. Ahih hangin amah a si ding hi. Bang hang hiam cih leh amah a huh ding kuamah a om kei hi.

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoihpen luah dingin, gam nopci khat nang hong pia ning, ci-in ka ngaihsun hi. Ka Pa aw, ci-a hong sam ding leh ka nung hong zui den ding kong sa kha hi.

Isaiah 8:8

Judah gam dong hong nawtsuk ding a, dimlet-in pai suaksuak-in, ngawng ciang dong tum ding hi,” hong ci hi. Ahih hangin Pasian in eite hong ompih a, a kizal ama khate in i gam hong hu ding hi.

Joshua 1:5

Na nuntak sung tawntung kuamah in na mai hong khak zo lo ding hi; Moses tawh ka om mah bangin nang tawh zong kong om ding hi; nang kong tamasak kei ding a, kong nusia kei ding hi.

Daniel 5:19

Amah lian lua mahmah ahih manin gam khempeuh, nam khempeuh, pau khempeuhte in kihta in a liing uh hi. Mi khatpeuh a thah nop leh that a, a nuntak sak nop leh a nungta sak hi. A ut leh mi khatpeuh pahtawi-in, a ut leh a daisak thei hi.