Daniel 11:13 - Tedim Bible

¹³ Siria kumpipa khatvei kuan kikin amasa sanga a tam zaw galkap a kaikhawm ding hi. A hun kicingta a kisak ciangin galkap tampi leh galhiam kicing pikpek tawh a kuankhia ding hi.

Tedim Bible Revision 2017

¹³ Syria kumpipa khatvei kuankikin a masa sangin galkap a tam zaw a kaikhawm ding hi. A hun kicing ta a sak ciangin galkap tampi le galhiam kicing piikpeek tawh a kuan khia ding hi.

Daniel 11:13 Referans Kwoze

Daniel 4:16

Amah in mihing lungsim nei nawn loin, kumsagih sung ganhing lungsim a nei ding hi.

Daniel 12:7

Puanpaak silhpa in a khut tegel vantung lamah lamto kawm sa-in, A tawntung Pasian’ min tawh thuciamna a bawl hi. Amah in, “Kum thum leh a lang ahi ding hi. Pasian’ mite kibawlsiatna a bei ciangin hih thute khempeuh a hong piang ding hi,” ci-in a gen ka za hi.

Daniel 11:12

A galhat man leh galkap tampi a thahna hangin kisa thei mahmah ding a, ahih hangin a gualzo tawntung kei ding hi.

Daniel 11:14

“Tua hun ciangin mi tampi takin Izipt kumpipa a lehdo ding uh hi. Daniel’ mipihte ahi, mi hoih lo pawl khat in zong a muhsa uh mangmuhna hangin a lehdo ding uh a, ahih hangin a guallel ding uh hi.

Daniel 11:40

Siria kumpipa hun a bei dektak ciangin, Izipt kumpipa in amah a sim ding hi. Siria kumpipa in a tha neih teng siit loin tuikhang bangin, sakol tawh, sakol galkapte tawh, teembaw tampi tawh Izipt a do ding hi.